|
Nyheter
|
Kappspell
2003: P.A. Røstad jr. og Einar Olav Larsen vart best!
Det var P.A.Rørstad jr som vart beste
gamaldansorkesteret i Kappspell 2003 i NRK. På andre
plass kom Dalakopa og på tredje plass Askerladden frå
Asker. Finalen gjekk i NRK TV1 den 30. desember.
førsteprisen var på 25000 kr. Les
her. Og
her.
(30/12-03) |
Mastergradsstudiet
i folkedans er godkjent
Det er eit nordisk samarbeid mellom tre nordiske
universitet: NTNU, Københavns Universitet Amager (KUA)
og Stockholms Universitet (SU) som gjer dette
dansetilbodet mogleg. Det skal undervisast ved eitt av
universiteta kvart semester. Først ute er NTNU. Til no
er det 27 norske og 5 svenske studentar som har meldt
seg interessert. Men framleis går det an å melde seg
på studiet. Les meir
her og også
her.
(30/12-03) |
God
jul!
Vi ynskjer alle lesarar og bidragsytarar til folkdedans.com
ei god jul!
Beste helsing Vebjørn Bakken
(23/12-03) |
"Gåte"
fekk Prøysen-prisen for 2003
Årets Prøysenpris vart utdelt i TV-programmet
veslejulaftan og gjekk til gruppa "Gåte". Dei
har gjeve ut ein CD og er eit rockeband med røter i
norsk folkemusikk.
(23/12-03) |
Dalakopa
og P.A. Røstad vidare i Kappspell 2003
I den første semifinalen var det "Dalakopa" som gjekk
vidare til finalen. I den andre semifinalen gjekk
"P.A.Røstad & Larsen" vidare, tett føre
"Rusten og Åsegg". Den 29. desember går den
3. og siste semifinalen av stabelen på NRK TV, og dagen
etter blir det finale.
(22/12-03) |
Bjørgulf
Straume med ny original CD - "Hrynhent"
Munnharpespelaren Bjørgulf Straume frå Valle i
Setesdal har fått med seg ein sambygding Øystein Kikut
på ein ny CD. Kikut er kunstmusikar og ein dugande
Grieg-tolkar, og er no timelærar ved Valle
vidaregåande skule. Les
meir her.
(21/12-03) |
Tore
Skaug om CD'en til Ingvill Marit Buen Garnås i Telemark
Arbeiderblad
Tore Skaug skriv fint om den nye CD'en til Ingvill
Marit. Les
sjølv her.
(21/12-03) |
Astrid
Skarpengland med CD frå heimbygda Øvrebø
Astri Skarpengland (35 år) har leita fram ukjent
songskattar som no blir presentert på ein ny CD. Her
synger ho, uten akkompagnement, heile 34 små og store
songar frå indre Agder, mellom anna frå Øvrebø og
Vennesla, Bjelland, Iveland, Finsland og Vegusdal. Det
er både bygdeviser, bånsullar og stev, salmer og
balladar - og ein springdans frå Iveland. Les
meir her.
(21/12-03) |
Elias
Akselsen overrekt Hedemark Fylkeskommunes kulturpris
Fylkesordførar Sira Austeng overrekte prisen til
songaren Elias Akselsen. Prisen er eit relieff og 75000
kroner. Akselsen sette stor pris på heideren, som han
såg på som ei støtte til taterkulturen meir allment.
Les her.
(21/12-03) |
Jan
Nyberg i Bergens Tidende skriv om Bergljot Engeset si
bok
I haust kom Bergljot Engeset med ei personleg bok om
korleis ho har opplevd å vere innflyttar i Oslo frå
tidleg på 1960-talet. Kulturredaktør i Bergens Tidende
skriv at det er med blanda kjensler han les boka. Les
kva han skriv her.
(21/12-03) |
Marianne
og Magne Øynebråten fekk kulturprisen i Gol
For sitt 20-årige virke for folkemsuikken og
folkedansen fekk dei to kummunen sin kulturpris for
2003. Dei tok kommunestyret med på dansegolvet i
"Per Spelemann".
Les
meir her.
(21/12-03) |
Unni
Løvlid intervjua av Ballade om Folkemusikk, jul og
barnesongar
Unni Løvlid er kjent folkesongar frå Hornindal.
Ho bur i Oslo og er fora tida leiar i Laget for
Folkemusikk, i tillegg til mange andre engasjement. I
eit førjulsintervju i Ballade fortel ho om sitt
engasjement for folkemusikken, og ikkje minst om at
folkemsuikk og interesse for folkemusikken finn vi også
i ein by som Oslo. Les
meir her.
(21/12-03) |
Rally-kongen
Petter Solberg i bunad
På motorsportsgallaen i Monaco nyleg fekk Petter
Solberg godt høve til å vise fram den fine
Østfolk-bunaden sin. Fint bilete stor blant anna i VG..
(15/12-03) |
Kvedaren
Tone Jorun Tveito skal gå Noreg på langs
Det har ho tenkt å gjere saman med Astrid Gabrielsen.
Tveito går no på kvedarskulen på Ole Bull Akademiet,
og skal avslutte hovudfaget i friluftsliv i Bø. turen
er rekna å ta 7 månader. Tveito vil også gje ut eigen
CD. Les
her.
(15/12-03) |
Gruppene
"Fjøgl" og "Seglem" får støtte
frå Norsk Kulturråd
Det er første gongen dei to gruppene får slik støtte.
Støtten er på 50 000 kroner. Les
meir her.
(15/12-03) |
Gruppa
Gåte fekk ST-prisen for 2003
Gruppa "Gåte" har gjeor stor suksess i heile
landet med sin folkemusikk insprerte rock. Dei har nyleg
fått ST-prisen for 2003. Hausten 2002 ga dei ut CD'en
"Gygri" som no har seldt i 38500 eksemplar, og
som dei altså har fått gullplate for. Med i
"Gåte" er Sveinung Sundli, Gunnhild E.
Sundli, Magnus R. Børmark, Gjermund Landrø, Martin V.
Langlie. Les
meir her.
(15/12-03) |
Fin
konsert i Rauland kyrkje
Det var mykje fin folkemusikk å høyre i Rauland kyrkje
sist søndag men det var heller få som møtte fram Les
meir her.
(15/12-03) |
Vågå
vil etablere "kulturhågå"
I Vågå har dei hatt ei vellukka etableringa av ein
"næringshågå", og det blir no lagt planar
om ein tilsvarande Kulturhågå. To konkrete planar i
samband med det er å etablere eit "folkekulturens
hus" og ein "Mat- og
musikk-festival" med mellom andre arne Brimi. Les
meir om dette her.
(15/12-03) |
Sendetidene
for Kappspell 2003 er no kjent
Det blir 3 semifinalar som kjem i TV (NRK) 17. ,22. og
29. desember. Finalen blir 30. desember kl 19.45. I
finalen blir det dei tre vinnarane frå semifinalane. Les
meir her.
og også
her.
(15/12-03) |
Karianne
Holmen ny sjef for Førdefestivalen
Mangeårig sjef Hilde Bjørkum sskal har perisjon, og
vikar blir hedemarkingen Karianne Holmen. Ho er utdanna
etnolog, har arbeidd ved Prøysenmuseet, vore kultursjef
i Jølster og arbeider no i Florø der ho også bur.
Hilde Bjørkum skal framleis ha det faglege ansvaret for
den musikalske profilen for 2004-festivalen. Les
meir her.
(15/12-03) |
Anne
Marie Aastad Bråten sluttar som styreleiar i Jørn
Hilme stemnet
Kven som skal overta er ikkje kjent. Det les vi i
medlemsavisa til Valdres Folkemusikklag, "Låt
o Link" nr 3/2003.
(14/12-03) |
Den
Norske Folkemusikkscena med medarbeidar i Valdres
Folkemusikkscena tenker å tilsette ein medarbeidar i
Valdres på deltid, for å hjelpe til med lokale
arrangement. Det les vi i medlemsavisa til Valdres
Folkemusikklag, "Låt
o Link" nr 3/2003.
(14/12-03) |
Munnharpefestivalen
hausten 2004 blir på Fagernes 24-26 september
Det les vi i medlemsavisa til Valdres Folkemusikklag, "Låt
o Link" nr 3/2003.
(14/12-03) |
Landskappleiken
2006 blir på Beitostølen
Det les vi i medlemsavisa til Valdres Folkemusikklag, "Låt
o Link" nr 3/2003.
(14/12-03) |
Blir
folkedansprosjektet "Bygda dansar" utvida til
Oppland og Møre og Romsdal?
etter det vi les i Spelemannbladet er det håp om at
folkedansprosjektet "Bygda dansar", som har
vore i gang i Ssogn og Fjordane, i 2004 blir utvida til
Oppland og Møre og Romsdal. Det skal vere von om pengar
til det. I Oppland skal leiaren i Valdres Folkemusikklag
Solveig Hårdnes vere spurt om å vere prosjektleiar.
(14/12-03) |
Elisabeth
Kværne ny folkemusikkarkivar ved Valdres Folkemuseum
Det var 12 søkjarar til stillinga og 4 vart tekne inn
til intervju. Ho byrjar i stillinga 1. februar 2004,
etter Jan Beitohaugen Granli som har vore vikar ei tid.
(14/12-03) |
Overskot
og underskot i Landslaget for Spelemenn
Rekneskapen for LfS syner eit overskot på 200 000 kr.
Landskappleiken på Gjøvik hadde eit underskot på ca
150 000 og Landsfestivalen ser ut til å få eit
overskot på 250-300 000kr. Det er Spelemannsbladet som
skriv dette (nr 8/2003)
(13/12-03) |
Meir
av innhaldet i spelemannsbladet tilgjengeleg på nettet
Gjennom siste året har stadig fleire artiklar frå
Spelemannsbladet også blitt lagt ut på nettet. I siste
nummer gjeld det desse artiklane: Leiarartikkel,
Eigen folkemusikkpris? Årsmøtet i Lfs,
Olav Liljekrans, Osafestivalen, 100-årsfeiring
med hambo og ril. Du
finn artiklane her.
(14/12-03) |
Kulturmeldinga
må følgjast opp - meiner Magnar Sundt i LfS
I siste nr av Spelemannsbladet er attggjeve innlegget
som Magnar Sundt heldt på den høringa i miljøet
som vart gjennomført i slutten av oktober. Sundt er
dagleg leiar i LfS. Meldinga vil: Utvikle
Formidlingsarenaer, gje prosjektmidlar til
større folkemusikkproduksjonar, midlar til nettbasert
utøvarkatalog, styrking av folkedansen gjennom
ulike tiltak, fleire midlar til lokale frivillige
verksemder, styrking av folkemusikkarkiva,
styrking av festivalane, styrking av verdsmusikken.
I budsjettframlegget i 2003 er det ein million ekstra
kroner, men det er alt for lite meiner Magnar Sundt.
(13/12-03) |
Sverre
Halbakken med videodokumentar om
"gammelpolsen"
Gjennom 40 år har Sverre Halbakken lagt ned eit stort
arbeid med å leite fram att og dokumentere polsdansen i
Østerdalen - "gammelpolsen". Tidlegare har
han gjeve ut bode bok og CD om emnet - begge med
tittelen "Så surr nå kjerring". Den siste og
vistnok avsluttande biten har kome i form av ein
Videodokumentar om gammelpolsen - "Østerdalens
rumba". Regien har Mona Vaagen og Sverre Halbakken
hatt, og videoen er på 25 minutt. Tittelen
"Østerdalens rumba" kjem av at polsmusikken i
Østerdalen har taktmessige likskapar med rumba og
salsa.
(13/12-03) |
Norskdomsmannen
Ludvig Jerdal er død
Jerdal (1908-2003) var leiar i Landslaget for
Folkemusikk i 9 år frå 1952 til 1961. Han var
journalist, målmann, organisasjonsmann og
folkemusikkven. Han var ein markant stridsmann for
norskdomsarbeidet i vid tydig. Han var heiderslagsmedlem
i LfS, var leiar i mange kappleiknemnder, og skreiv
mykje i blad og aviser om mange ulike emne.
(13/12-03) |
Signe
Nygård er død
I midten av november døde folkedansaren og rettleiaren
Signe Nygård. Gjennom eit langt liv la ho ned eit stort
arbeid i BUL, særleg i Leikarringen. Ho var rettleiar
der i mange år, og var også heiderlagsmedlem i BUL.
(13/12-03) |
Noregs
Ungdomslag får direkteløyving over statsbudsjettet.
Endeleg!
I 3 år har Noregs Ungdomslag, med leiaren Johan Einar
Bjerkem i spissen, arbeidd hardt mot Stortinget for å
få løyving over kulturbudsjettet. Løyvinga går til
NU sitt arbeid for folkedansen, og er i år på 300 000
kr. NU er den største folkedansorganisasjonen i landet,
og den absolutt mest sentrale når det gjeld å drive
systemastisk opplæring i folkedans. Les
også her.
(12/12-03) |
"Dansen
held oss unge" meiner gamaldanentusiastar i
Rogaland
Rogalands Avis har vitja gamaldansklubben i Tananger,
der Ivar Vaula er instruktør.
Les meir her.
(11/12-03) |
Lidvin
Osland får kritikk for dobbeltrolle
Osland er kultursjef i Fylkeskommunen og er samtidig
vald inn som styreleiar i Førdefestivalen. Dette synest
sume er ei uheldig dobbeltrolle, mellom dei Gunnar
Eikenes i Opera Nordfjord og Odd Stubhaug i Kinnaspelet.
Les
her. Fylkesrådmann Per Drageset seier at det ikkje
var lurt av Osland å ta på seg ombodet. Les
her. I år får Førdefestivalen 350 000 kroner av
Fylkeskommunen. Les
også i Firda.
(11/12-03) |
Folkemusikklinene
på Vinstra og Valle er sikra i årets budsjett
Det var ei tid usikkert kva som ville skje med
landslinene etter budsjettforliket mellom
arbeiderpartiet og regjeringa. Men etter visse
justeringar i kommiteen ser det ut til at Landslinene er
sikra midlar. Les
meir her.
(11/12-03) |
Ingvill
Marit Buen Garnås får fin omtale i Telemark
Arbeiderblad
Ho har som kjent kome med si første solo-CD "På
Grønalihei" - og TA har intervjua henne. Til
dagleg er ho planleggjar i Ringebu kommune, men kunne
godt tenkje seg å leve av musikken. Ho fyller også 30
år i desse dagar. Ho fortel at det har kosta henne ca
100 000 å gje ut denne CD'en, som ho har arbeidd med i
2 år. Les
her.
(11/12-03) |
Kirkelig
Kulturverksted føler seg trua
Dei seier dagleg leiar i plateselskapet Erik
Hillestad til Vårt Land. Han seier at marginane er så
små at det er vanskeleg å få CD-produksjoner til å
løne seg. Han synest prisen på ein CD skulle vere
høgre. Før gjekk det med overskot om ei plate selde
4000, men no trengst det bortimot det doble. Les
meir her.
(10/12-03) |
Nyttårfest
på Herangtunet i Øystre Slidre
Øystre Slidre spel- og dansarlag inviterar til
"nyttårshelg på folkemusikk- vis". Arrangementet
går av stabelen for 13. gong, og finn stad på det
gamle bygdetunet Herang i Valdres. Dette gamle
tunet gjev festen ei heilt spesiell atmosfære.
Klokka tolv er det bålbrenning mellom husa. Det blir
spel -og dans frå alle bygdelag i Norge samt gamaldans.
I år er også festen utvida til eit todagars
arrangement med julebukkmoro 6. dag jul. Då kler alle
seg ut som julebukkar. Alle som kjem på festen tek med
seg ei sending med mat kvar slik som det vart gjort før.
Øystre Slidre spel- og dansarlag fylte i 2003, 60 år. Meir
info her.
(07/12-03) |
Leikarringen
i Haug Bygdeungdomslag fekk
"tilgjengelighetspris"
Dette er ein pris som vert delt ut til organisasjonar
som legg til rette for at også psykisk utviklingshemma
skal kunne delta i aktivitetane. Les
meir her.
(7/12-03) |
Feleveteran
i Bø hjelper unge med felene
Spelemannslaget Bøheringen har fått i stand ei ordning
der den gamle felemakaren Eivind Ralle hjelper dei unge
i laget med å halde i stande felene sine. Les
meir om det her. |
Spelemannslaget
De Frilynde fekk ikkje svar frå Kulturskolen
Spelemannslaget sendte brev til Kulturskolane i Follo om
tibod om gratis kurs i folkemusikk-spel, men dei fekk
ikkje svar. Kulturskolerektor svarar at dei ikkje hadde
kapasitet til å svare på brevet. Men dei ser positivt
på tiltaket. Kurset vart likevel avvikla med nokre
deltakarar frå andre skular. Les
her.
(7/12-03) |
Lidvin
M. Osland ny styreleiar for Førdefestivalen
Osland overtar som styreleiar etter Sigmund Eikås som
har vore leiar i 4 år. Eikås held fram i styret.
Osland er direktør for kultur i Sogn og Fjordane
Fylkeskommune, og var sentral då Førdefestivalen vart
etablert for 15 år sidan. Håkon Fimland, som er
kultursjef i Førde, er nestleiar. Førdefestivalen
har utvikla seg til å bli den største fleeirkulturelle
tilskipinga i landet. Kvart år står rundt 240 artistar
frå meir enn 20 land på scena i Førde. Festivalen
tilbyr om lag 80 programpunkt i løpet av 4 dagar. I
2004 er festivalen 1 -4 juli. Les
også her.
(7/12-03) |
Unni
Løvlid intervjua i Bergens Tidende
Den dugande folkesongaren frå Hornindal (27 år) har ei
travel tid, og skulle gjerne trappe litt ned på
tempoet, men det går ikkje, seier ho til avisa. Ho
trivst så godt med songen og miljøet. Ho har fullt
program framover: I januar på europaturne med verdas
ungdomskor både som instruktør og solist. I slutten av
januar på turne til Nord-Noreg med ny musikk. I februar
til Kina med to ulike prosjekt. I mars turne i Sverike
med gruppa "Rusk". Og på ettersumaren
blir det premiere med ein ny kabaret med
"Fjøgl". Les
meir her.
(05/12-03) |
Leikarringen
Noreg i Drammen med vellukka Adventsball
Ved inngangen til advent bad Leiarringen i Drammen inn
til stildansball. Det gjekk føre seg i Fredfoss i
Vestfossen, ein stor, gamal nedlagt fabrikk som er fint
sett i stand. Nedre Eiker Spelemannslag (12 stk) sytte
for god dansemusikk for dei 116 deltakarane, som kom
frå mange grupper og ringar nokså vidt omkring. Det
var god middag og kaffi og kaker, og dugande
ball-leiing, blir det fortalt.
(3/12-03) |
Born
i Hov dansar folkedans
På Kulturskulen i Hov er det også folkedansgrupper. I
yngste gruppe er det 14 born frå fire år til og
med 1. klasse som lærer song, musikkdansar og
leiker. Å lære trinn, kommer først I gruppa for
dei frå 2. klasse og oppover, er det for tida 15
born. Marit Hultmann er instruktør. Les
meir her.
(30/11-03) |
Landslaget
for Spelemenn gir 10 000 kr til instrument til
Afganistan
LfS har bevilga kr 10 000 til folkemusikarar i
Afganistan slik at dei kan kjøpe seg instrument. I
Taliban-tida var berre religiøs musikk telleten. LfS
arbeider med å finne rette mottakarar for gåva, som er
ein spontan solitaritetsaksjon for folkemusikarar i ein
vanskeleg situasjon. Les
meir her.
(30/11-03) |
Elias
Akselsen si juleplate svært godt motteken
Han kom nyss med CD'en "Her kommer dine arme
små", og ho har vorte svært godt motteken - med
terningkast 5 og 6 overalt. I fleire aviser har det vore
lange intervju med Akselsen, sist i Aftenposten søndag
30. november. Søndag 1. advent hadde han også konsert
i Kampen kirke i Oslo, og sameleis blir det konsert der
21. desember.
(30/11-03) |
To
kvedarar med Månadens to album i Etnisk Musikklubb
Dei to er Ingvill Marit Buen garnås og Øyonn Groven
Myhren. Ingvill kom med CD'en "På
grønalihei" for kort tid sidan, medan Øyonn
kjem med CD'en "Akkedoria frå Kristiania" på
nyåret. Ingvill presenterer ballader som Lindemann
teikna ned midt på 1800-talet. Øyonn si plate, som er
hennar debut-solo CD, inneheldt berre slåttetulling -
frå Vest-Telemark og Øvre Hallingdal. Den nye CD'en
til Øyonn kjem på Etnisk Musikklubb, medan
Ingvill si er på Nyrenning - eit av selskapa til
onkelen Knut Buen.
(30/11-03) |
Lars
Underdal på pøbb i Oslo
På årets siste pøbb på "Prøverøret" er
det telemarkingen Lars Underdal som er spelemannsgjest. Les
om det her.
(26/11-03) |
Titano-festivalen
blir truleg verande på Vinstra
Det er ikkje avgjort, men ting tyder på at Festivalen
framleis skal bli på Vinstra. Peer Gynt Arrangementet
har vore administrativ leiar for festivalen sidan 1999.
Publikumstala har gått nedover dei siste åra, frå
omlag 4.200 i år 2001, via 4.000 i 2002 og til ca.
3.500 i 2003. Festivalen er no ein rein
gamaldansmusikkfestival. Irsk musikk er til
dømes kutta ut. Les
meir her.
(26/11-03) |
Lindesnes
Trekkspillklubb fekk Vest-Agder sin kulturpris for 2003
Klubben vart stifta i 1990 og har sidan starten
har Lindesnes
Trekkspillklubb halde rundt tusen trekkspillshow i
Norge og utlandet, omkring hundre i USA. Dei fleste
deltakarane er frå Mandal og Lindesnes. Prisen er eit
kunstverk og 40 000 kroner. Les
meir her.
(26/11-03) |
Gunnar
Stubseid med bokslepp på Voss
Stubseid har som meldt før skreve bok om sspelemannen
sigbjørn Bernhoft Osa. Stubseid peika på at Osa vart
det store namnet i ei tid som var vanskeleg for
folkemusikken. Bergens
Tidende fortel her frå boksleppet.
(26/11-03) |
Runddansen
i Numedal fylte 200 år
Det er 200 år sidan runddansen kom til dalføret, og
dette markerte Numedal Spel- og Dansarlag med
forestilling på Høgheim i Lyngdal laurdag. Det var
konsert først og dans etterpå. Salen var på langt
nær full, men det vart likevel ein gild kveld. Les
her.
(26/11-03) |
Norske
folkemusikarar til Fillipinane
I desse dagar går International Young People´s Music
Festival (NAMCYA) på Filippinane av stabelen. Frå
Norge er det med representantar både for klassisk
musikk og folkemusikk. Norsk Folkemusikk- og Danselag
har plukka ut Gro Marie Svidal og Solbjørg Tveiten til
å representere Noreg under festivalen. Les
her.
(26/11-03) |
Kjell
Bitustøyl trekkjer seg som festivalleiar
Kjell Bitustøyl trekkjer seg som leiar for
Telemarkfestivalen. Grunnen er at han meiner at Kommunen
og Fylkeskommunen gir for lite pengar til Festivalen. I
fleire år har festivalen hatt trong økonomi, og
underskotet i år blir på ca 90 000. Bitustøyl har
arbeidd for Festivalen i 13. år. Les
meir her.
(26/11-03) |
Tono
jubilerer: Fyll PC'en med musikk!
Denne veka jubilererTONO og dei lokkar med gratis
nedlasting av musikk frå www.musiconline.no.
Her er det ikkje berre pop, men også ein del
folkemusikk. Så dersom du har plass på harddisken, er det berre å sette i gang
heilt gratis!
(24/11-03, endra 25/11-03) |
Ny
bok: Gunnar Stubseid: "Sigbjørn Bernhoft Osa"
I haust har Gunnar Stubseid gjeve ut ein biografi om
Sigbjørn Bernhoft Osa. Han har skreve om aller sider
ved denne førte rikskjendisen av folkemusikarane våre:
spelemannen, pedagogen, inspiratoren, tradisjonbæraren,
nyskaparen, tradisjonsomformaren, sceneartisten,
innsamlaren, ideologen, plateartisten og endå meir.
Dessutan inneheld boka mykje om straumdrag og retningar
innan folkemusikken. Dette er den tredje biografien om
S.B. Osa. Boka kostar kr 390 og kjem på Eide Forlag.
Gunnar Stubseid er no rektor ved Ole Bull Akademiet og
har arbeidd i mange år ved denne skulen. Det var Osa
som i si tid grunnla Ole Bull Akademiet.
(23/11-03) |
Asmund
Bjørken med sjølvbiografi
Blant årets bøker finn vi boka "Spellemann - På
gammel rutine og støgg mistanke" - ein
sjølvbiografi om folkemusikaren og jazzmusikaren
Åsmund Bjørken. Boka kostar kr 298, utgjeven på
Communicatio Forlag.
(23/11-03) |
Stor
aktivitet i barneleikarringen Lurvelegg på Hamar
Østlendingen har sett innom øvingane i leikarringen
Lurvelegg. Instruktørar er Reidun berg og Marita
Ramstad. Den levande musikken syter Lars Fridtun
og Tor Borgar Fosnes for. Les
meir her
(21/11-03) |
Eigen
musikkpris for folkemusikken?
Magnar Sundt i LfS har hatt møte med leiaren i
Spellemannskomiteen, og fått inntrykk av at
folkemusikken skal få høgre status i tevlinga. Likevel
blir det arbeidd vidare med ein eigen pris for
folkemusikken. Det er også nedsett eit
arbeidsutval som innan 1.mars 2004 skal utrede ein eigen
genrepris for folkemusikk. Utvalget består av Helge
Westby frå plateselskapet GRAPPA, Arild Hoksnes frå
LfS, Ruth Anne Moen frå Rådet for folkemusikk og
folkedans, Christina Latini frå Samspill og Ola K.
Berge frå Norsk Folkemusikkformidling. Meir
her.
(21/11-01) |
Bent
Jacobsen i Dalakopa tildelt Kulturpris på Røros
Bent Jacobsen er 53 år gammel, født på Jylland, kom
til Norge i 1969 og Røros i 1980. Han skal ha
uoffisiell verdensrekord i skihopp for dansker med rundt
100 meter. Dalakopa med Bent Jacobsen som musikalsk
leiar vart etablert i 1985, og i åra etter har dei
gjeve ut ei rad plater og vunne mange store
konkurranser. Jacobsen har arbeidd som musikar og
plateprodusent. Les
meir her.
(21/11-03) |
BLS
i Oslo slår eit slag for songdansen 23. november
I BLS-garden i Nordahl Brunsgt 22 har det vore
Folkedanskveldar i ca 40 år i trekk. I tillegg til det
normale innhaldet desse kveldane - det er gamaldans -
blir det nokså ofte også skipa til kurs og øvingar i
ulike bygdedansar og i seinare tid også stildansar.
Søndag 23. november blir det ei skikkeleg songdansøkt
i erverdige Halli. Tilskiparane reknar med at alle
songdansentusiastar vil møte fram og vise at det er
moro når songdansen lyder sterkt og godt på
dansegolvet. Songdansøkta startar kl 18.00 og det blir
eit variert program med alle slags viser.
(18/11-03) |
Ingvill
Marit Buen Garnås med si første solo-plate
Plata heiter "På Grønalihei". Plata blir
gjeven ut på Knut Buen sitt selskap: Nyrenning, og
sleppet skjer på Bø Jazzklubb den 5. desember. Ho er
Månadens artist på Norsk Folkemusikkkatalog. Les
meir her.
(18/11-03) |
Magnar
Sundt spør om Folkemusikk Nord
Han spør i Ballade om ikkje Folkemusikk Nord kan vente
svar på spørsmåla som er reist rundt "Musikk i
Troms" og Fylkeskultursjefen opptrer som
politikar. Les
meir her.
(18/11-03) |
BUL
i Kongsberg feira 80 år med dans og fest
Det er ca 40 medlemer i laget, og ca 30 var til stades
på festen. Les
meir her.
(18/11-03) |
Elias
Akselsen med ny Juleplate
Plata heiter «Her kommer dine armer små» og
blei innsspela i
Lunderseter kapell på Finnskogen i oktober. Trubaduren
og visesangeren Elias Akselsen får Hedmark fylkes
kulturpris 16. desember. Han er tidlegare nominert til
Spellemannprisen. Elias har spela for kongehus,
statsminister og regjering, og han har fått P2s
Folkemusikkpris i 2001. Les
meir her.
(18/11-03) |
Vellukka
polsdugnad i Risberget i Våler
Liv og Trond Burud i ungdomslaget Skogbygdingen
hadde invitert til dugnad for å danse og spele pols.
Her er det snakk om Gravbergspols, Elverumspols og
mange andre gammelpolser som alle avvik ein del frå den
meir velkjente Rørospolsen. Spelemenn som Atle Lien
Jensen, Vegard Vårdal, Frode Haltli, Oddgeir Martinsen,
Berit Østmoen med familie fra Sørskogbygda og deler av
Bågådraget var med, og det kom dansarar frå vide om -
ca 60 då Østlendingen var innom.
Les meir her.
(18/11-03) |
Nybakt
ordførar i Råde er ivrig folkedansar
Kjell Løkke møter fram ein gong for veka i
Leikarringen i Råde for å øve norsk folkedans. Han er
også nybakt ordførar for Arbeiderpartiet. Les
meir om han her.
(18/11-03) |
Unge
fornyar folkemusikken, skriv Nationen
Gruppa Gåte, Andreas Aase og folkemusikkgruppa
Majorstuen er mellom dei som gjer ein stor innsats for
å fornye folkemusikken. Det er Kjetil Hustad som driv
artistformidling som seier dette. Les
meir her.
(18/11-03) |
"Firmenningene
og Treskallene" på trekkspeltreff i Drangedal
Eit merkeleg namn på ei gruppe, men dei deltok på
treffet. Hotelltreffet er det største i sitt slag i
landet, og samla ca 2000 deltakarar. Les
meir her.
(18/11-03) |
Ivar
Medås-prisen 2003 til Unni Løvlid
Songare frå Hornindal fekk årets pris for det arbeid
ho gjer for folkekulturen. Ho mottok prisen under
"Syng med oss"-konserten i Grieg-hallen
16. november. Prisen er einplakett og 10000 kroner. Les
meir her.
(18/11-03) |
Tjuge
baskarar lærer norsk songdans i Bilbao
Stavanger har Bilbao som venskapsby, og i midten av
oktober var dansar frå Sandnes folkedanslag med
instruktøren Ingrid Oftedal Gjesdal på vitjing der. Og
der har 20 baskarar gått på kurs og lært norsk
songdans og anna norsk folkedans. Les
meir om vitjinga her.
(18/11-03) |
Ivrige
spelemenn og dansarar i Hedemark Folkemusikklag
Hamar Arbeiderblad skriv om ivrige spelemenn og dansar:
I Juniorspelemannslaget er det ca 20 jenter og gutar, og
ca ti gutar øver halling i Løten. Dei unge
felespelarane har nettopp spela inn ein CD der dei
delvis har komponert slåttane sjølve. Marit Larsen og
Thomas Westling er instruktørar, og det kjem spelarar
heilt frå Trysil. Rolf Bjørgan er læraren deira i
halling. Meir
her
(18/11-03) |
Trysil-Treffen
avvikla på fin måte
Omkring 160 musikarar og eit stort publikum sette preg
på Trysil i helga. I Trysil Kirke var det ca 500
menneske då Roland Cedermark heldt konsert der. Han
spelar trekkspel og syng. Treffsjef Liv Rønningen var
godt nøgd med arrangementet. Les
meir her.
(12/11-03) |
Nydelege
folketonar frå Ryfylke i Skjold Kyrkje
Koret Korinnante feira 5-års jubeleum med å halde ein
gild konsert med folketonar i Skjold Kyrkje. Solveig
Bokn Skjeggestad var solist, og Ove Hetland
Kvartett deltok også. Les
meir om konserten her.
(12/11-03) |
Folkedanslaget
Sølja på Hamar intervjua av Hamar Dagblad
Avisas utsende har vore på øvingskveld i Sølja, laget
som neste år fyller dei 30. som mange andre
leikarringar har dei problem med å rekruttere unge
dansarar. Instruktørar i ringen er Ingrid Maurstad Tuko
og Nils Slapgård. Denne kvelden er det 14 par på
øvinga. Spelemenn er Vidar Iversen på torader og Olav
Sæta på fele. Sølja er eit aktivt lag som har vore
på mange turar, også utanlands, og dei har i mange år
også lagt vekt på stildans, som har vore dansa i distriktet
til langt opp på 1900-talet. Les
meir her.
(11/11-03) |
Landslaget
for Spelemenn melder om eit positivt Årsmøte på Voss
Viktigast saka var arbeidsprogrammet, og det vart
grundig drøfta skriv LfS. Viktige saker her er Den
norske Folkemusikkscena, Landskappleiken,
Landsfestivalen og Spelemannsbladet. Også
namnespørsmålet vart drøfta. Les
meir her.
(11/11-03) |
Randi
Skeide attvald som leiar i Landslaget for Spelemenn
På årmøtet på Voss 7 - 9 november vart Randi skeide
attvald som leiar. I det nye styret kom også Frode
Rolandsgaard og Jorun Marie R. Kvernberg. Dei to andre i
styret Aud Manheim og Jan Lislien var ikkje på val. Som
1. vara vart Terje Foshaug frå Målselv valt. Han er
den første frå Nord-Noreg med eit sentralt tillitsverv
i LfS. Varafolk er også Solbjørg Tveiten og Torleiv
Løyland. Les
meir her.
(11/11-03) |
Gruppa
Kvarts med gjester på turne på Vestlandet
Kvarts med Berit Opheim, song, og Birger Mistereggen,
perkusjon, er på turne med musikken frå forestillinga
"Skal - Skal ikkje" - i hovudsak. Denne
forestillinga hadde premiere på Førdefestivalen i
2002. Musikken blir også gitt ut på CD etter turneen.
Først ute er Geilo på onsdag 12. november,
Eidfjord torsdag, Førde fredag og Voss laurdag. Dei
faste medlemene i Kvarts er alle kjente folkemusikarar:
Erlend Styve (gitarar), Jo Asgeir Lie (trekkspel),
Øystein Rudi (fele) og Tom Willy Rustad (kontrabass).
(11/11-03) |
Folkekulturutveksling
med andre land?
CIOFF heiter ein organisasjon som driv med
kulturutveksling - særleg innan folkedans og
folkemusikk. Helge Berntsen i Bergen er leiar for norsk
avdeling. Han har sendt ut eit brev som heiter
"Folekekulturutveksling nr 3/2003". Der er det
oversyn over ein del grupper som gjerne vil kome på
festivalar til Noreg, og også nokre utanlandske
festival som norske grupper kan kome med på. Meir info
her: Helge Berntsen,
Lyshovden
134, 5148 FYLLINGSDALEN, tlf 55151358
(09/11-03)
|
Deler
av Spelemannsbladet å finne på Internett
I seinare tid har Spelemannsbladet lagt deler av bladet
fritt tilgjengeleg på Internett. Av det siste bladet nr
7/03 finn vi desse artiklane: Leiarartikkelen, Om
Setesdalskappleiken, "Kulturmeldinga",
"Førdefestivalen held på profilen" og
"Huldrenatt på Tolga". I tillegg finn vi
også ei oversikt over kva andre artiklar som finst i
papirutgåva av Spelemannsbladet. Her
finn du bladet.
(9/11-03) |
DrammenA
Trekkspillorkester har dansekveld ein gong for månaden
Drammens Tidende har besøkt orkesteret som har halde
det gåande i 18 år. Les
meir om det her.
(9/11-03) |
Oslo
Word Music Festival og Rikskonsertene ikkje interessert
i samisk musikk?
Leiar Arve Nordland i Foreningen Samiske Komponister
hevder i all fall det. Les
meir her om det han meiner.
(9/11-03) |
Ny CD
med folkemusikk frå Sunnmøre
Folkemusikkarkivet for Møre og Romsdal sender ut ein ny
CD i samarbeid med Sunnmøre spelemannslag. Leiv Arne
Nydal frå Hareid har vore musikalsk leiar for
prosjektet. Han spelarfele solo på CD'en og Tone Fedt
Bergfald syng. Elles er det mange slåttar med Sunnmøre
spelemannslag, både med og utan komp. Dei fleste kutta
er frå Sunnmøre, tradisjonell folkemusikk eller nyare
slåttar av komponistar som Hans H. Geitvik og Ola
Kjeldstad. Men her er også komposisjonar av Petter L.
Rypdal frå Romsdal og Lars Hjellbakk frå Nordfjord.
Jostein Fedt har skreve eit fyldig teksthefte til CD'en.
Les
meir her.
(9/11-03) |
Kva
skal "Landslaget for spelemenn" heite?
I siste nummeret av Spelemannsbladet drøftar
redaktøren namnespørsmålet. Saka kjem opp på
årsmøtet i LfS på Voss 7. - 9. november. Aktuelle
namneforslag er "Landslaget for folkemusikk"
og "Norsk Folkemusikkforbund". Eit alternativ
er det sjølvsagt også å behalde det gamle namnet som
laget har hatt heilt frå det vart stifta i 1923. Skal
vi tippe at namnet blir uendra?
(6/11-03) |
Raus
setesdøl gir kr 10000 ti Spelemannslaget!
I avisa Setesdølen
(30. oktober 2003) les vi at den utflytta valldølen
Kjetil Bø har gjeve kr 100 000 som gåve til Setesdal
spelemannslag. Bakgrunnen er at han vart så imponert
under Setesdalskappleiken i sumar. Inntil 10000 av
pengane vil laget bruke årleg til ein Ingebjørg Bø's
minnepremie til beste uansett klasse på
Setesdalskappleiken.
(6/11-03) |
Folkemusikk-kveld
på Musikkhøgskolen i Oslo 3. desember kl 19
Du vil få høyre studentane i solo og samspel og i
ulike grupper som Tindra og Majorstuen. Fleire av lærarane
vil også delta i konserten m.a Hauk Buen, Håkon Høgemo,Tellef
Kvifte og Torleif Stave.
(5/11-03) |
Andreas
Åse med ny CD: MAUS
Strengeinstrumentalisten Andreas Aase lanserer sin
debut-CD MAUS på Raven Records. Plata er ei akustisk og
lett modernisert vri på folkemusikk frå Trøndelag,
spela på ulike strengeinstrument, til dømes irsk
og gresk bouzouki, mandolin, lapsteel-gitar, 6-og 12
-strengs akustisk gitar og bass. Les
meir om lanseringa på Josefine Vertshus 10. november kl
18.
(5/11-03) |
Jubileumspris
tildelt tablaspelaren Jai Shankar
Under opningskonserten til Oslo World Music Festival i
Kulturkirken Jacob vart han tildelt Jubileumsprisen Tono
75 år for Verdensmusikk. Les
meeir her.
(5/11-03) |
Gruppa
"Kyst og Høgland" på Nordmøre med ny CD
Gruppa har spela inn folkemusikkprega slåttar komponert
av aurgjeldingen Sigmund Fuglevaag. Innspelinga har
foregått i storstova heime hjå komponisten. Les
her.
(5/11-03) |
Diskusjonen
om Spelemannsprisen går vidare.
Som kjent har LfS reist spørsmålet om
Folkemusikk-Noreg bør lage sin eigen spellemannspris.
Forårets vinnar Odd Nordstoga er også kritisk til
prisutdelinga i fjor, og han får støtte av Knut Buen,
som to gonger har vunne prisen. Buen har i lang tid vore
kritisk til Spellemannsprisen. Les
meir om deira syn i TA. Morten Lindberg i Lindberg
Lyd og 2L meiner at "initiativet fra Landslaget for
Spelemenn er prisverdig, men snevert i sitt
perspektiv". Les
meir i Ballade. Den nye leiaren i
Spellemannskommiteen Ole Edvard Reitan vil ikkje
seie så mykje før han har fått snakka med LfS.
Les her.
(5/11-03) |
Per
Anders Buen Garnås best på Telemarkkappleiken i Bø
Han fekk sitt andre napp i den fine vandrepremien - ei
hardingfele laga av ein annan spelemann frå Bø -
Bjarne Øen, som også deltok på kappleiken 89 år
gamal. Torgeir Straand også frå Bø vart nest beste
spelemann. Det var 400-500 innom kappleiken og 58
aktørar - og det er tilskiparane godt nøgd med. Les
meir her.
(5/11-03) |
Spelemannen
Ola Opheim er død
Den kjente spelemannen tradisjonsberaren og
nyskaparen Ola Opheim frå Vågå er død nær 83 år
gamal. Han var ein sentral spelemann i Våga
spelemannslag i mange år og spela saman med Oddvar
Nygård i Nygaards kvartett i 21 år. Desse vart
nyskapande innan gamaldansmusikken på 60-talet. Opheim
spela også saman med andre orkester og ga også ut
plater. Han vann mange kappleikar, såleis også
landskappleiken på Notodden i 1963. Han fekk mange
utmerkingar for innsatsen sin for folkemusikken: Kongens
sølv, kulturprisen for gudbrandsdalen,
Sspelemannsprisen , og var æresmedlem både i
Landslaget for spelemenn og i Vågå Spel og dansarlag.
(4/11-03) |
Fleire
spennande CD'ar i kjømda
Kvinten 4/2003 fortel om fleir svært spennande
CD-prosjekt som er i vente. Gruppa Skrekk (Camilla
Granlien, Åse Teigland og tone Juve) kjem med CD på
"Grappa" på nyåret. Opptaka er gjort i
Nordmarka i Oslo. Ingvill Marit Garnås kjem med CD i
desember, med plateslepp på Bø Jazzklubb 5. desember.
Ho syng både solo og med komp, og CD'en kjem på
selskapet "Nyrenning". Arne Anderdal og Harald
Knutsen arbeider med ein CD med Odd Bakkerud på
selskapet "Ta:lik".
(4/11-03) |
Elisabeth
Kværne ny folkemusikkarkivar ved Fagernes Folkemuseum?
Kværne er innstilt som ny folkemusikkarkivar på
Valdres Folkemuseum. Arkivarstillinga er finansiert av
Oppland Fylkeskommune og Valdreskommunane.Valdres
Folkemuseum har arbeidsgjevaransvaret og Opplandsarkivet
har det faglege ansvaret. Bente Ingholm Hemsing var frå
1988 til 1998 meir og mindre i stillinga, og frå 1998
var ho i 50 % stilling. Frå hausten 2001 har Jan
Beitohaugen Granli vore vikar i stillinga. Dette er det
avisa Valdres som skriv.
(04/11-03) |
Meisterklasse
i Oslo og kurs på Voss i november
Norsk Folkemusikk- og Danselag og Norsk
Folkemusikkformidling- inviterer til meisterklasse i
hardingfelespel med Håkon Høgemo 8 - 9 november i
Oslo, og kurs på Voss i scenelydproduksjon med
Asle Karstad 13 -14 november og kurs i arrangering og
sceneopptreden med Dylan Fowler 15 - 16 november.
Meisterklassen med Knut Kjøk er avlyst. Meir
info her. Tilskipingane er i samarbeid med Ole Bull
akademiet og Musikkverkstadordninga.
(4/11-03) |
World
Music Festival i Oslo feirer 10 års jubileum
Festivalen går av stabelen 4 - 9 november og eit
spennande program blir presentert. Les
meir om det her.
(2/11-03) |
Mykje
diskusjon rundt Spellemannsprisen
Ynskjet frå sume hald om å trekkje folkemusikken
bort frå Spellemansprisen. Men årets
komiteformann Reitan vil gjerne også ha dei smale
sjangrane med. Men
Randi Skeide Ljones i LfS seier at folkemusikken
vart stemoderleg behandla i NRK og verre vart det då
TV2 overtok. Også Magnar
Sundt i LfS tar til orde for ein alternativ
Folkemusikkpris. Også Rune
Nilsson i NRK er kritisk til Spellemannsprisen.
(2/11-03) |
Ottar
Johansen har vore spellemann i 30 år
Den kjente trekkspelaren Ottar Johansen frå
Årnes var den første som hadde debutkonsert på
trekkspill i Universitetets aula, og han var den første
musikklæraren i landet med trekkspel som hovedfag. Søndag
16. november markerer han at det er 30 år sidan debuten
i Oslo med jubileumskonsert i Nes kulturhus. Les
meir her.
(2/11-03) |
Synnøve
S. Bjørset på miniturne i Spania
I regi av Norsk Folkemusikkformidling ga ho ein times
konsert i Pamplona under eit skandinavisk arrangement
der dei også presenterte skandinavisk film, litteratur
og fotokunst. I Covarrubias deltok ho under ”Prinsesse
Kristinastifelsen” sitt årlege kulturarrangement
saman med m.a. den norske gitaristen Anders C. Øien. Les
meir her.
(2/11-03) |
Bodø
Folkedanslag vil ha levande musikk
Ivar Mikalsen, leiar for Bodø Folkedanslag som består
av ca 60 dansarar, vil ha levande musikk på øvingane.
Tor Åge Johansen som er leiar for Bodø Trekkspillklubb
spelar i dag i blant, men dei treng fleire spelemenn.
Saman vil dei blåse nytt liv i folkemusikken i byen. Les
meir her.
(2/11-03) |
Womex-messe
i Sevilla utan norske utøvarar
Det er lenge sidan det har vore norske utøvarar eller
band med. Med den aukande interessa for norsk
folkemusikk og verdsmusikk, hadde det ikkje vore
unaturleg om nordmenn var med seier Music Export Norways
Inger Dirdal. Det var i år 11 utstillarar på den
norske standen. Les
meir her.
(30/10-03) |
Hauk
Buen likte seg hos kongen på slottet
Hauk Buen og kona Tove var nyleg på audiens på slottet
etter at Hauk fekk kongens fortensmedalje på 70-års
dagen sin. Kongen var like triveleg som faren, seier
Hauk Buen til Laagendalsposten. Les
her.
(30/10-03) |
Blir
Folkemusikken borte frå Spelemannsprisen?
I eit presseskriv frå Magnar Sundt i Landslaget for
Spelemenn at det kan bli slutt på folkemusikk under
Spelemannsprisen. NRK har dei site to åra redigert bort
deler av prisutdelinga, og det har mellom anna gått ut
over folkemusikken. Ein tenkjer difor på om eit
alternativt opplegg kan vere betre. Les
meir om dette her.
(30/10-03) |
Kan
det bli slutt på Titanofestivalen?
Per Gynt Arrangement vil ikkje lenger arrangere
Titanofestivalen på Vinstra. Det har vore til dels
store underskot dei siste åra. Ein arbeider med å
finne andre som vil ta på seg arrangementet. Les
om det her.
(30/10-03) |
Klart
for kappleik i Bø i Telemark
Spelemannslaget Bøheringen, Bø Dansarring og Bø
ungdomslag er blant dei som arrangerer den årlege
fylkeskappleiken i Telemark. Fredag kveld er det gild
konsert med mellom andre Hauk Buen og Agnes Buen
Garnås, i tillegg til Leif Rygg frå Voss og dansaren
Tom Løvli. Laurdag er sjølve kappleiken på
ungdomshuset Sandvin, med mange fine premia, blant anna
ei hardingfele og Myllargutmedaljen. Les
meir her.
(30/10-03) |
Unni
Løvlid i Aftenposten 27/10: Folkemusikken skjult i Oslo
I kveldsutgåva av Aftenposten har Unni Løvli eit
debattinnlegg i høve Laget for Folkemusikk sitt
100-års jubileum. Ho meirer mellom anna at det er
viktig at kulturskulane fylgjer opp arbeidet med
folkemusikken. Ho vonar på ei eiga folkemusikk stilling
i Kulturskulen i Oslo. Ei slik stilling vil koste 280000
kr.
(28/10-03) |
Sendetidene
for Kappspell 2003 i NRK TV er no bestemt
Semifinalane i Kappspell 2003 startar på NRK1 fjernsyn
17. desember og blir avslutta med sjølve finalen 30.
desember. Opptaka til desse programma vart gjort 19. og
20. september på Røros. Forrige vinnar Småviltlaget
var gjestespelemenn. Det blir 3 semifinalar: 17.
desember, 22. desember og 29. desember. Det er i alt 9
lag som gjekk vidare til semifinalespel. Les
meir her på NRK:
(27/10-03) |
Folkedansteateret
i Oslo med svært vellukka oppsetting av Olav Liljekrans
I vel ei veke har det nokså nye teateret spela ei
oppsetjing av eit tidleg Ibsen-stykke: Olav Liljekrans
frå 1856. Det er fjerde gongen berre at dette stykket
har blitt sett opp sidan uroppføringa i 1857.
Folkedansteateret prøver å etablere eit nytt
scenespråk basert på norsk folkedans og folkemusikk,
og har lukkast godt både med dette stykket og med det
forrige stykket "Haugtussa". Kjell Klausen og
Sigurd Aae Klausen har vore instruktør og koreograf.
Gjermund Larsen har hatt ansvaret for musikken. Han var
også einaste spelemannen under framføringa. A. Klausen
har hatt ansvaret for dei fine kostymane, som var
lagt nær opp til Ibsen sine eigen teikningar. Eg hadde
gleda av å vere til stades på avslutningskvelden. Det
var ei stor oppleving for ein nærpå fullsett sal
i Ibsen-museet i Oslo. Sigurd Aae Klausen spela Olaf
Liljekrans, og elles deltok Stine Høivik, Rune Bjerke,
Anne Cathrine Johansen, Martin Myhr, Camilla Granlien,
Rolf Bjørgan, Guro Hernes og Trine Merete Sjølyst.
Alle med god bakgrunn både i folkedans og teater. Det
var mange gode prestasjonar, og vi synest musikken batt
det heile saman på ein fin måte. Camilla Granlien stod
for dei fleste av dei vokale innslaga - utført på ein
fin måte. Sjølv om to av våre aller fremste
hallingdansarar deltok, let ein ikkje dansemessige
C-moment kome i vegen for teksten og innhaldet. Dansen
og musikken var godt tilpassa innhaldet i stykket.
Biletet viser heile ensemblet som takkar spelemannen og
komponisten for innsatsen. Her
kan du sjå fleire bilete frå forestillinga.
(26/10-03) |
Haugtussa
Leikarring med vellukka Vikingfest
Olav Tryggvason kom på besøk då Haugtussa Leikarring
skipa til Vikingfest ved Thor Heyerdal vg skole. Les
meir på heimesidene deira.
(26/10-03) |
Mange
deltakarar på Jubileumskappleiken til LfF i Oslo
Laget for Folkemusikk har i mange år hat kappleik i
slutten av oktober. I år var kappleiken ein dell av
100-års-jubileet til laget. Det var ei lang rad
deltakarar, i sume klassar mellom dei beste i landet som
til dømes Tom Løvlie, Jon Anders Halvorsen, Mari
Eggen, og ekteparet Bjørgan. I lagdans deltok
ikkje mindre enn 7 lag, og Numedalslaget i Oslo var best
slik som i fjor. Fullstendig
resultatliste vil kome her.
(26/10-03) |
Laget
for Folkemusikk i Oslo feira 100 år med mykje
festivitas
Fredagskvelden 24/10 var det jubileumsfest i den gamle
Trikkestallen på Torshov. Først var det konsert der
mange kjente folkemusikarar som er medlemer i laget
deltok. Etterpå var det jubilumsfest same staden. Her
var det mellom anna helsing frå LfS og tale ved Dagne
Groven Myhren. På festen var det også plateslepp.
"Laget for Folkemusikk i solo og samspel" er
namnet på den nye CD'en (sjå
biletet) som byggjer på opptak som NRK
har gjort. Leiarar for prosjektet har vore Bernt
Balchen, Magne Myhren og Niels J. Røine. Plateselskapet
Ta:lik har hatt ansvaret for utgjevinga. På CD'en er det i
alt 32 spor, og mange av våre beste spelemenn og
kvedarar er med her, til dømes Kjetil Løndal, Magne
Manheim, Odd Bakkerud, Torleiv Bolstad, Henrik
Gjellesvik, Talleiv Røyseland, Reidar Skjelkvåle og
Dagne Groven Myhren for å nemne nokre. Meir
info om plata her. Laurdag var det
jubileumskappleik i BLS-huset. Det var mange daltakarar
og høgt nivå i mange klassar. Om kvelden var det
Kappleikfest med premieutdeling i Trikkestallen på
Torshov.
(26/10-03) |
 Vellukka
Kvedarseminar i Oslo i september
I midten av september skipa Norsk Kvedarforum til
seminar i Oslo. Det vart eit sers vellukka seminar der
det var gode lærarkrefter og førelesarar. Det starta
med ein konsert med middelalderballader i kjellaren på
Oslo Ladegård der Sinikka Langeland og Ragnhild Furholt, Ylva Sjaastad og
Ingrid Skjerdal deltok. På biletet ser du Sinikka
Langeland som også var ein av lærarane på seminaret. Her
finn du nokre bilete frå den sers vellukka konserten.
(19/10-03) |
 Rff
prisen 2003 til Geir Egil Larsen
På representantskapsmøtet i Rådet for Folkemusikk og
Folkedans fekk Geir Egil Larsen tildelt årets pris. Han
fekk prisen for ein mangeårig innsats for folkedans og
folkemusikk. Han er sjølv ein dugande dansar og
folkemusikarar, og har vunne mange premiar på
kappleikar, særleg på eldre
folkemusikkinstrument som tussefløyte , bukkehorn og
seljefløyte. Han har vore mykje nytta som lærar på
kurs i folkedans og folkemusikk, og har vore med å
registrere gamle folkedansar og har sjølv gjeve ut
hefte med songdansar.
(19/10-03) |
 Vellukka
stildansball på Losby gods
I mange leikarringar og stildansgrupper er stildans ein
populær aktivitet. Og i blant blir det invitert til
ball - oftast i staslege former på eit hotell eller
liknande. I oktober var det Romerike Stildansgruppe som
var verskap for eit stilig ball på gamle Losby Gods i
Lørenskog. Det var ca 100 stilige karar og velkledde
kvinner som fylte den vakre Meyer-salen på det ombygde
godset. Dansarane kom både frå Oslo, Akershus,
Hedemark, Buskerud, Oppland, Vestfold og Østfold.
"Christiania tour og runddansensemble" sytte for prima
musikk til dansane. Som vanleg byrja ballet med fin
middag og det var kaffi og kaker i pausen seinare på
kvelden. Biletet viser at sminka må kontrollerast under
eit slitsamt ball. Her
kan du finne nokre bilete frå årets ball på Losby.
(19/10-03) |
Bergljot
Engeset med ny bok om inflyttarmiljøet i Oslo -
"Innflyttar"
Bergljot Engeset frå Stranda på Sunnmøre har vore
innflyttar i Oslo frå 1960, og har nyleg gjeve ut ei
bok om sine erfaringar som innflyttar i hovudstaden.
Samtidig er det ei bok som vi i folkemusikk og
folkedansmiljøet vil kjenne oss godt att i. Ho skriv
mykje om miljøet i bygdelaga, i BLS-huset, i NU, på
Sunnmørs-kafeen Gildevangen, i Sunnmøringen, i
Leikarringen Symra, på Kaffistovene og mykje
anna. Samtidig gjev ho mange interessante glimt frå
tidlegare tider, frå NU- og BLS-miljøet mest.
Forteljinga er konsentrert om dei miljøa der ho hadde
sitt arbeid, si utdanning og si fritid. Vi får høyre
om hennar tid på NU-kontoret, som elev ved
Teaterskolen, som tilsett på teatera, som medarbeider i
Nynorsk pressekontor, som tilsett i NRK og som
frilansjournalist. Alle som ferdast i innflyttarmiljøa
bør unne seg gleda å lese boka. Her er mangt å kjenne
seg att i og mange morosame og tankevekkjande historier.
Boka er utgjeven på Bergljot Engeset sit eige forlag
"Norsk kulturformidling" og kostar knapt 300
kroner. Boka kan også kjøpast på BLS-kontoret i
Nordahl Brunsgt 22.
(18/10-03) |
Folkemusikk-jazz
på Dølajazz på Lillehammer
Lillehammer Storband hadde under ein av konsertane under
DølaJazz for nokre dagar sidan drista seg ut på
folkemusikk-vegar. Henry Eggen var
arrangør og Øystein Rudi solist. Les
meir om konserten her.
(18/10-03) |
Uklart
om satsinga på folkemusikk i Troms
Terje Foshaug, som er prosjektleder i Folkemusikk Nord,
har skreve brev til Musikk i Tromsø/Fylkeskultursjefen
om korleis eit tidlegare vedtak om å opprette ei
stilling for folkemusikk skal følgjast opp. Foshaug er
misnøgd med utviklinga. Les
meir her.
(18/10-03) |
Mari
Skeie Ljones inn i Fylkestinget i Oppland
Det har blitt fleire unge kvinner i Fylkestinget, skriv
GD. Mellom dei er Mari Skeie Ljones som skal pendle
mellom folkemusikklinja på Norges Musikkhøgskole og
Ap-benken i fylkestinget. Les
meir her.
(18/10-03) |
Laget
for Folkemusikk i Oslo feirer 100 år!
Laget er det eldste i Landslaget for Spelemenn, og
jubileet blir feira helga 24-26. oktober i Oslo.
Det blir jubileumskonsert (fredag 24/10 kl 19,
Trikkestallen på Torshov, Torshovgt 33), jubileumsfest,
CD-lansering, Oslokappleik og kappleiksfest i helga 24.
til 25. oktober. På konserten fredag deltar kjente namn
som
Reidar Skjelkvåle, Agnes Buen Garnås, Jørn Simenstad,
Øyonn Groven Myhren, Anne Røine, Sverre Gjevre,
Huldraleiken, Unni Løvlid, Hallgrim Berg. Bindande påmelding
til Lene Furuli innan måndag 20. oktober. Telefon 99
160 741. Epost lef@shdir.no.
Betaling skjer til konto 0539 18 17202 eller i døra.
Info: unni@unni.no
og heimesida
til Lff.
(18/10-03) |
Sinnika
Langeland har konsert i Asker torsdag 23. oktober
Sinnika Langeland og leiande jazzmusikarar som Arve
Henriksen, Bjørn Kjellemyr og Pål Tlhowsen har konsert
på Kulturlåven,
Østre Asker gård, Askerveien 19
i Asker sentrum. Info: Servicetorget
tlf 66 90 90 90 og her.
(18/10-03) |
Larviksjenta
Trine Merete Sjølyst yngste i Liljekrans-oppsettinga
Folkedansteateret er i desse dagar i gang med sine
oppsetjingar av Olaf Liljekrans av Henrik Ibsen på
Ibsen-museet i Oslo. Den yngste i ensemblet er
dansaren Trine Merete Sjølyst. Les
meir her.
(18/10-03) |
Askim
Leikarring har fylt 25 år
Leikarringen hadde nyleg jubileumsfest, sjølv om talet
på medlemer ikkje er større enn 20. I jubileumsåret
er Øivind Johansen leiar og Liv Skjolden instruktør. Les
meir her.
(18/10-03) |
Songdansseminar
i Troms med bok som mål
I alt 21 kvinner og 6 menn deltok på Songdansseminaret
i Tromsø i helga. Målet for seminaret er å gje ut ei
ny songdansbok med songdansar frå Nord-Noreg. Det var
Leiknemnda i Troms Ungdomsfylking som stod bak
prodsjektet. Arbeidet med å ta i bruk songdansar frå
Nord-Noreg starta i 1986. Dei som er med i
prosjektgruppa er Birgitte Rørvik Bruun, Anne-Berit
Heide og Sigurd Johan Heide. Les
meir om det her.
(14/10-03) |
Frode
Haltli solist på nyskreve stykke for trekkspel i
Stavanger
Den kjente trekkspelaren og folkemusikaren Frode Haltli
er soslist med Stavanger symfoniorkester i eit nyskreve
stykke. Les
meir her.
(10/10-03) |
100
år sidan Edvard Grieg utga sine "slåttar"
«Foreløpig står det for meg som en synd å behandle
slåttene for klaver. Men den synd kommer jeg dog før
eller siden til å begå. Det er for fristende», sa
Grieg. Direktør ved Troldhaugen, Erling Dahl jr. skriv
eit stykkje i Bergens Tidende om dette jubileet. Les
her.
(10/10-03) |
Telemark
fokemusikklag vil gjenreise folkemusikken
Telemark Folkemusikklag vil etablere ny giv i
folkemusikkmiljøet og rekruttere nye utøvarar. Eit
nytt styre er på plass, og alt neste helg, 18. og 19.
oktober, trår Fjellrosa spel og danselag på Notodden
til med haustkurs i dans og felespel. Les
her.
(10/10-03) |
Statsbudsjettet:
Ein del men ikkje mykje nye midlar til folkemusikk og
dans
Kulturdepartementet hadde lova å satse på
folkemusikken og dansen i statsbudsjettet. Det har blitt
ein million kroner ekstra til prosjekta Bygda-dansar-Fjordapuls,
Den norske
folkemusikkscena og Sogn
og Fjordane Teaters arbeid med utvikling av folkedans
som scenespråk. Sjå
her. Norsk Ffolkemusikk og danselag synest
det er skuffande lite.
(10/10-03) |
Grotlitreffprisen
tildelt nyordføraren Ola Stensgård
Det skjedde på eit fest der dei skulle heidre
spelkvinna Torø Hyrve. Les
meir her.
(07/10-03) |
SAFFA
sitt kurs i november med Finnskogspols utsett til januar
Det blir meldt at det planlagde kurset for spelemenn og
dansarar blir i januar og ikkje i november som tidlegare
annonsert.
(07/10-03) |
Framføring
av tingingsverk for hardingfele på Osafestivalen og
Ultima
Det er Nils Økland, Liv Merete Kroken og Lars Underdal
skom skal framføre tingingsverka. Les
meir om det her.
(107/10-03) |
Gamaldansklubben
Havørn på Jærn har fylt 25 år
Ingen høg alder for eit danselag, men dei feira
jubileet med stor fest. Les
om det her.
(07/10-03) |
Aslak
O. Brimi fekk stipend frå Lom kommune
Den unge felespelaren, som har Hans W. Brimi som
bestefar, har utvikla seg snøgt som felespelar dei
siste åra. Sstipendet på kr 5000 fekk han på eit
tilstelling i Lom nyleg. Meir
her.
(07/10-03) |
Fylkeskappleik
i Møre og Romsdal med mange unge deltakarar
Romsdal Budstikke forte at godt over halvparten av
deltakarane på årets fylkeskappleik er under 26 år.
Elles var trekkplasteret på trioen Tindra, med lokal
kjendis Jorun Marie Rypdal Kvernberg på laget. Les
meir her. Jorun Marie vann i alt tre premiar på
kappleiken, og fekk svært høge poengsummar både på
fele og hardingfele. Les
meir her.
(07/10-03) |
Munnharpefestivalen
gjennomført på Sota Sæter i Jotunheimen
Grunnen til at festivalen vart lagt til denne avsides
dalen var den tilknytninga som slåtten
"Fangjen" har til Sota. Leiar i Norsk
Munnharpeforum Svein Westad fortel til GD at det er
rundt 100 aktive munnharpespelarar i landet og at siste
året har 200-250 gått på kurs i munnharpespel. Meir
her. og les
også her.
(07/10-03) |
Også
Mona Holm var med i "Kjempesjansen"
Laurdag 4. oktober var ho mellom deltakarane, og gjorde
det godt, og fekk publikumsprisen. Men best var Ola
Kvernberg, som spela jazz-fiolin, og som også har solid
bakgrunn i folkemusikk. Mona Holm spelar torader, og
einaste student på Musikkhøgskolen på det
instrumentet. Ho har vunne ei rad prisar, melloma anna 8
gull i NM og sølv i nordisk mesterskap. Ho har
gjeve ut to CD'ar og vore med i fleire TV-program. Ho
vann i alt ca 60 000 på deltakinga. Noko av pengane
blir brukt til Irlands-tur. Meir
her.
(07/10-03) |
Brørne
Larsen vann 67000 på kjempesjansen
Gjermund (22) og Einar Olav (24) Larsen vann 6700 i
TV-konkurransen Kjempesjansen. Pengane skal dei mellom
anna bruke til å reise til Finland for å øve med dei
som er med i ei gruppe dei spelar i. Det fortalde
Gjermund i siste Folkemusikktimen. Meir
her.
(06/10-03) |
"Folkedansteateret"
viser "Olav Liljekrans" i oktober
"Folkedansteateret" er ei nokså ny fri
teatergruppe i Oslo. I samarbeide med Bondeungdomslaget
i Oslo, og Ibsen-museet presenterer dei Olaf Liljekrans
av Henrik Ibsen. Dei lagar eit nytt scenespråk bygd på
tradisjonell norsk folkedans, song og musikk, der desse
tradisjonelle uttrykka er underordna ein scenisk
teaterpresentasjon. Olaf Liljekrans er eitt av dei
tidlege verka til Ibsen, frå 1856. Ibsen tok
utgangspunkt i balladen med same namnet som året før
vart gitt ut av Landstad. Mellom dei sentrale aktørane
er Sigurd Aae Klausen (skodespelar) som Olav Liljekrans,
Camilla Granlien (kvedar) som Alfhild og Martin Myhr
(dansar) som Hemming. Det er framsyning kvar dag frå
fredag 17. oktober til søndag 26. oktober. Meir
info og bilettbestilling.
(25/9-03) |
"Majorstuen"
opnar haustsesongen i konsertserien OsloFolk 25.
september
Dei dugande musikarane har fått mange prisar på den
korte tida dei har vore i sving. Les
meir her.
(24/9-03) |
Seljordskappleiken
er 4. og 5. oktober
Denne tradisjonsrike kappleiken har eit godt feste i
Telemark. Les
litt om kva du kan vente deg om du reiser dit.
(24/9-03) |
Bente
Ingholm Hemsing vil lage CD frå Valdres
Ho er mor til dei sers dugande ungjentene Hemsing som
både spelar folkemsuikk og klassisk. Les
meir om kva ho ynskjer med CD'en.
(24/9-03) |
Brørne
Larsen skal vere med på "Kjempesjansen" i TV
Dei to dugande felespelarane Einar Olav og Gjermund
Larsen skal delta i programmet til Dan Børge Akerø.
Det er laurdag 27. september. Einar Olav er no
frilancemusikar og Gjermund går på
Mussikkhøgskolen. Les
meir her.
(24/9-03) |
Kappspell
vart gjennomført på Røros nyleg
Programma derifrå sskal visast i fjernsynet seinare så
resultata er vel hemmelege. Men Tønsberg Blad kan melde
at deira orkester "Brit Annes'" frå Stokke
kom på 7. plass av i alt 9 orkester som deltok i
finalen (?). Les
her.
(24/9-03) |
Dansen
er viktig for eit menneske - står det i avisa Nordland
Så sant som det er sakt. Les
artikkelen her.
(24/9-03) |
Rundsnuen
danselag i Oslo har haustfest 4. oktober
Gruppa "Over Stok og Steen" spelar, og som
vanleg blir det konsert først, så dans og kaffi og
kaker. Festane til Rundsnuen i BLS-huset i Oslo er
svært populære. Meir
info her.
(24/9-03) |
Seminar
om dans og musikk "På grensen ...."
I slutten av oktober blir det seminar om danse- og
musikktradisjonane i grenseområd mellom Norge og
Sverike i sør (Østfold/Akershus). Programmet for
seminaret er no klart og
du finn det her.
(24/9-03) |
Bandet
Tigerlily til "Nordisk Root" festival i
Minneapolis
Tigerliy med Elisabeth Vatn i spissen skal delta på
festivalen 18-21 oktober. Bandet ga i vår ut ein
kriterrost CD. Les
meir her.
(19/9-03) |
Lita
interesse for "Majorstuen" i Fredrikstad
Då Majorstuen innleia haustsesongen på Etnisk
Musikkafe i Fredrikstad var det berre 20 personar som
møtte fram. Kulturkonsulent Lise Marie Nilsson er
skuffa, fortel ho til Fredrikstad Blad. Meir
her.
(19/9-03) |
Mange
støttar aksjonen mot mindre "seriøs kultur"
i P2
Ballade får nye innlegg som støttar aksjonen for å
halde oppe det seriøse preget ved P2. Les
meir her.
(19/9-03) |
Selstreffprisen
2003 til Hans H. Holen frå Vågå
Årets selstreffpris gjekk til Hans H. Holen (73 år)
for hans lange og solide innsats for folkemusikken som
spelemann, tradisjonsbærar og læremeister. Han er
æresmedlem både i Landslaget for spelemenn og i Vågå
sspel og dansarlag. Les meir om prisvinnaren her.
(19/9-03) |
Informasjon
om Mastergradsstudium i dans ligg ute på nettet
Som kjent vert det arbeidd med å få i gang eit
mastergradsstudium i folkedans, som eit samarbeid mellom
universiteta i Trondheim, Kjøbenhavn og Stockholm.
Tanken er at det skal starte våren 2004. Det er ikkje
vedteke enno. Her
finn du info.
(19/9-03) |
Folkedanspubb
også i Tromsø
I haust blir det Folkedanspubb i Tromsø dei første
tysdagane i kvar månad på utestedet Halveien. Her
kan du lese ei levande skildring frå ei slik
dansesamkome.
(16/9-03) |
Artikkel
om Sondre Bratland i Aftenpost: Kvedaren fyller 60 år.
Avisa skriv at Bratland gjennom dei 20 siste åra har
markert seg som vår fremste mannlege folkesongar. Han
har sunge i 600 kyrkjer og har gjeve ut 10 plater og
medverka på 25 andre.
(11/9-03) |
Tradisjonsmusikk
på Follo Museum
Også i Follo i Akershus finst det interesse for
folkemusikk. Torsdag 11. september er det foredrag om
spelemannen Arne Nordskaug frå Kroer. Les
meir her.
(11/9-03) |
Klaus
Sande frå Vik i Sogn kjem på CD 40 år etter sin død
Klaus Sande (1888-1963) var
hardingfelespelemann I 1960-åra gjorde den kjende
folkemusikkinnsamlaren Arne Bjørndal ei rekkje opptak
av Sande, og i tillegg fins det også ein del opptak i
privat eige. Eit utval av desse opptaka som no
blir presentert på cd. Bak plateutgjevinga står
prosjektleiar Synnøve S. Bjørset og plateselskapet
ta:lik. Les
meir her.
(11/9-03) |
Mange
støttar kravet om ikkje å redusere folkemusikken i P2
Det er mange som støttar initiativet frå NFD som krev
at NRK held opp sine folkemusikksendingar. Mellom
dei som uttalar seg er Dagne Groven Myhren, Magnar
Sundt og Rolf Wallin. Men NRK forsvarar seg og
hevdar at P2 er ein god kulturkanal. Les
meir her |
Beitostølen
sponsar Øystre Slidre spelemannslag
'Turistnæringa på Beitostølen støttar sitt lokale
spelemannslag. Avtalen er verdt 150 000 kr. Årsmøtet
i Landslaget for Spelemenn (LfS) i 2005 og
Landskappleiken i 2006 til Beitostølen skal vere på
Beitostølen. Les
meir her.
(11/9-03) |
Spennande
program på Osafestivalen 10 - 12 oktober
Det er den 13. festivalen og byr mellom anna på nytinga
verk, og urframføringar. Dette skjer i samarbeid med
Ultima-festivalen i Oslo. Les
meir her.
(9/9-03) |
Sinnikka
Langeland fekk Edvard-prisen for 2003
Det er Tono som deler ut Edvard-prisen, og blir i år
delt ut for fjerde gong. Langeland fekk prisen
under Essens-festivalen i Fredrikstad 24.
august. Ho fekk prisen fodr plata "Runoja -
Runesanger frå Finnskogen", og prisen vart utdelt
av TONOs direktør Cato Strøm ved ein utekonsert på øya
Isegran midt i Glomma. Prisen var i klassen "Musikk
i grenseland". Det er diplom, 40000 kr og EDVARD-
trofeet.
Les meir her.
(9/9-03) |
Multi-kulti
- ein konsertserie med verdsmusikk startar 12. september
Det blir konsertar kvar 14. dag, og det blir på MS
Innvik i Bjørvika i Oslo. Prosjektet er eit samarbeid
mellom Samspill og Nordic Black Theatre, og tilbyr den første
haustsesongen åtte band og artistar. Først ute er Sing
Tabla, som tilbyr norske folketonar, overtonesong og
indisk musikk.
Les meir her.
(9/9-03) |
Aksjon
for NRK P2 som kulturkanal
NRK har endra sendeskjema i haust slik at
Folkemusikktimen har mista
reprisesendinga på fredagar. Som erstatning sender P2
ein reprise på ein
halvtime om måndagen. Mot dette har Norsk Folkemusikk
og danselag sett i gang ein aksjon, der dei protesterer
mot endringa og ber alle sende e-post om saka til
kringkastingssjef Bernander og andre leiarar i NRK.
Les meir om aksjonen her.
(09/09-03) |
Kvedarseminaret
2003: Song av Mellomalder
Norsk Kvedarforum arrangerer Kvedarforum i Oslo 12 - 14
september. Seminaret set fokus på mellomalderballader i
konsert, føredrag, kvedarverkstad (master class) og
kurs. Konserten blir på Mellomaldersenteret Oslo Ladegård
og seminaret med kvedarverkstad og kurs held til på
Asylet på Grønland. På konserten fredag deltar
Sinikka Langeland og Ragnhild Furholt, Ylva Sjaastad og
Ingrid Skjerdal. Seminaret laurdag har foredrag av
professor Olav Solberg (HiT) og professor Gudleiv Bø
(UiO) om tematikk og symbolikk i balladene, og av Astrid
Nora Ressem (Norsk Visearkiv) og Gro Siri Johansen
(Modus). Kurset er ved Unni Løvlid. Meir informasjon
ved Jarnfrid Kjøk
tlf. 22 69 32 09 (kveldstid)
(9/9-03) |
Stor
folkedansfest med Dalakopa i Stavanger 11. oktober
Folkedansfest med DALAKOPA laurdag 11. oktober kl 19:30
i BUL Stavanger, Rektor Oldensgt. 17. Info: auaarflo@online.no
(5/9-03) |
"Sheep
o høy" på Rudi gard 12. - 13 september
Desse dagane blir det eit allsidig program på Rudi Gard
i Gudbrandsdalen. Det blir "Rundballrock"
fredag, Matmartna med stor auksjon og seinare på
kvelden sauefest på laurdag. Du
finn meir her.
(5/9-03) |
Polsdugnad
i Risberget fredag 14. november
Denne kvelden blir det rikt høve til å danse pols:
Rørospols, ”Polsdans fra Finnskogen”, ”Elverumspols”
og ”Gravbergspols”. Det er Trond
Burud som opplyser dette, og han ventar mange spelemenn
og dansarar. Info: Telefon:
62421960, eller E-post: ltbtre@online.no
Det foregår på Risberget Samfunnshus kl 19. Det blir
også gamaldans innimellom polsen.
(5/9-03) |
FolkemusikkPØBBEN
i Oslo startar sesongen måndag 15. september
FolkemusikkPØBBEN held til på "Prøverøret"
på Bør og Børsen i Trondheimsveien 13 måndagar. Dørene
åpnar kl 20.00 og konserten starter kl 20.30. Billetter
kroner 50,-.Først ute er kvedaren Eli Storbekken.
Programmet for
hausten finn du her. Vi finn også mange andre
spennande namn utover som Ingunn Stræte Sørbøen ,
Andreas Bjørkås (10/11), Jan Beitohaugen Granli
(24/11) og Lars Underdal (1/12)
(5/9-03) |
15
nye born på barneleikarringen på Lågendalsmuseet
Leikarringen opplever ein jamn auke i deltakinga frå
år til år. Les
meir i Lågendalsposten.
(02/09-03) |
Bjerka
Gammeldansfestival i Nordland fint gjennomført
Festivalen vart gjennomført for 15. gong, med 30
orkester og bra med publikum. Fredag var det 600 til
stades og laurdag minst 850. Les
meir i Rana Blad.
(2/09-03) |
Fare
for avlysing av Nordisk Polsfestival
Festivalen som skal vere i Melhus 12-13 september står
i fare for å bli avlyst, melder
arrangørane på heimesida si. Grunnen er at det er
langt færre som har meldt seg på kursa enn i fjor. I
fjor var det 200 påmeldte og ventelister, medan det i
år berre er 75. Dei oppfordrar difor alle som har
tenkjt seg til festivalen om å melde frå på forhånd.
Siste: Festivalen blir gjennomført med litt justert
opplegg.
(30/8-03) |
LfF
fyller 100 år og gjev ut historisk CD
Laget for Folkemusikk er eit av våre eldste
spelemannslag, og fyller i år 100 år, og vil i slutten
av oktober ha jubileumskonsert og jubileumskappleik. Dei
kjem også med ein CD med opptak frå NRK sitt arkiv,
opptak som laget sine medlemer gjennom åra har spela
inn. Opplaget blir på 1000, og blir laga i samarbeid
med plateselskapet Ta:lik. Les
meir om LfF og jubileet her.
(23/8-03) |
Nordisk
Polsfestival med kåring av Drømmespellmann
Festivalen blir arrangert i Melhus 12-13. september. I
fjor var det Dalakopa som vart Drømmespellmann. Dei
som er påmeldt i år kan du finne her. Det er
søndre Trondjems Spellmannslag som står bak
festivalen.
(23/8-03) |
Over
Stok og Steen med ny CD
Folkemusikkgruppa "Over Stok og Steen" slepte
den 3. plata si frå låvebrua på Mattisrud for nokre
dagar sidan. Gruppa består av løtensokningen Thomas
Nilssen og trøndermusikerne Thomas Lomundal, Ronny Kjøsen,
Frode Slupphaug og Morten Brattås, og på denne plata
er også kvedaren Hege Nylund. Plata har tittelen
"Til Almuen".
Les meir her.
(21/8-03) |
"Folkedansteateret"
har premiere på "Olav Liljekrans"
"Folkedansteateret" er ei nokså nystarta
gruppe i Oslo. Gruppa skal ha premiere 17. oktober med
eit stykke som er lite brukt: "Olav
Liljekrans" av Henrik Ibsen. Det skjer på loftet
på Ibsenmuseet kl 18.00. Ssigurd Klausen er ein av dei
sentrale bak Folkedansteateret. Meir informasjon: Johan
Einar Bjerkem hernesbj@online.no
eller folkedansteater@hotmail.com
(21/8-03) |
Telemarkfestivalen
gjennomført med glans også i år
Trass i at det var ein liten nedgang i talet på
publikum, i år var det 5500 besøkande, vart festivalen
ein suksess. Festivalen har etablert seg som ei fin
blanding av norsk og internasjonal folkemusikk, og har
vorte ein viktig arena for nyskaping. Om lag 180
artistar var i sving, og nesten 200 deltok på dei 14
ulike kursa. Les
meir om festivalen her.
(20/8-03) |
Øystre
Slidre spel og dansarlag fyller 60 år med stort program
Laget legg opp til mange ulike tilskipingar utover
hausten, Sjå detaljar i "Alt
som skjer".
(20/8-03) |
Det
blir nytt Isleik sumaren 2004
For sjette gong blir det nordiske ministemnet Isleik
skipa til på Island frå¨25. juni til 2. juli. Det er
venta 300 - 400 deltakarar frå heile norden og frå dei
baltiske landa. Ein reknar med 50 - 100 deltakarar frå
Norge. Vi har fått brev frå Folke Flateland som skriv
ein del meir om stemnet. Les
brevet her.
(19/8-03) |
Framsyningskappleiken
på Folkekulturfestivlen - bør noko endrast?
Framsyningskappleiken på NU-stemna har vore eit omtykt
innslag der ulike leikarringar og lag har fått
presentere eit 15 minutts program. Innhaldet og forma
har endra seg gjennom åra. Vi har fått eit innlegg om
kappleiken frå Erik Haugros, etter årets
Framsyningskappleik på Beitostølen. Haugros er ein
røynd folkedansar som også har delteke på
framsyningskappleik fleire gonger. Les
innlegget hans her.
(18/8-03) |
Mykje
folkedans og musikk på Gamle Hvam Museum 17. august
I Akeshus møtest denne dagen ei rad leikarringar og
folkedanslag på Gamle Hvamsdagen, kl 11 - 18.
Mellom dei som skal opptre er Lørenskog Toraderi,
spelemannslaget De Frilynde, "Delta-kara",
"Bakgårdslaget" og mange leikarringar,
mellom dei Peer Gynt, Hunar, Kjerringa med staven, Rakne
og Sørum leikarring.
(13/8-03) |
Folkemusikkpubben
i Trondheim startar 18. august
Folkemusikkpuben i Trondheim starter måndag 18. august
(det 9. året). som vanleg er det 3. måndagen i
månaden på POSEPILTEN (Prinsens gate 32). Det startar
med
gruppa Sturla I Andreas som nettopp har gitt ut plate,
sjå http://www.2l.no/artists/2L17artist.htm.
Neste datoane er 15/9, 15/09, 20/10, 17/11 og 15/12, men
artistar er ikkje bestemt enno.
(13/8-03) |
UngFolk
i Seljord med 25 deltakarar på hardingfele og andre
instrument
Kurset UngFolk ved Seljord Folkehøgskole har gått av
stabelen for første gong. 10 kjente folkemusikarar held
kurs for dei unge, fortel kursleiar Tone Jorunn Tveito
til Telen. Arrangør er Telemark Folkemusikklag. Les
meir her.
(11/8-03) |
Setesdals-kappleiken
2003 med 150 publikumarar
Det var mange lokale delakarar som vart best i dei ulike
klassane på kappleiken som gjekk føre seg på Ryssdal.
Leiar i Setesdals spelemannslag Sigurd Brokke vart
sjølv best i munnharpe senior. Les meir her.
(11/8-03) |
500-600
deltakarar på Folkekulturfestivalen på Beitostølen
Det tradisjonsrike "NU-stemnet" har som kjent
fått namnet Folkekulturfestivalen og har fått fast
tilhald på Beitostølen. I år var det 500-600 deltakar
der. Samtidig med stemnet har Noregs Ungdomslag sitt
årsmøte. Ei nyskaping på årets festival er FØS, som
står for "Frå øvingsrom til scenegolv", og
går ut på å samle lovande ungdomar innan
folkemusikk, folkedans og teater. I løpet av svært
kort tid skal dei utarbeide ei forestilling som skal
visast på festivalen. Dei har øvt på dette i ei veke
og består av fire teaterfolk, fem dansarar og tre
musikarar. Instruktørar er Patrik Andersson, Marianne
Dahl og Vegar Vårdal.
(11/8-03) |
Framsyningskappleik
med stor breidde på Kulturfestivalen på Beitostølen
Det var ikkje meir enn 4 grupper som var med på
Framsyningskappleiken til NU. Best vart BUL Nidaros som
viste programmet "Trønderfesten" som
var ein del av ei større forestilling som dei har
arbeidd med i lengre tid, med Hill Aina Steffenach som
programansvarleg. Dei andre gruppene som deltok var
Symra frå Oslo, Ungdomsringen Salten (berre jenter) og
BUL Ervingen/BUL i Bergen. Jentene frå Salten
fekk dei to andre prisane, både publikumsprisen og ein
ekstrapris frå domarane. Les
meir om Bodø-jentene her. I pausen var det eit
programinnslag med folkemusikkgruppa "Fant og
fente".
(11/8-03, endra 20/8-03)) |
Alkoholforbodet
til NU vart oppheva på Beitostølen
Med 105 stemmer for og berre 7 mot vart styret sitt
framlegg om ny "akoholpolitikk" i NU vekteken
på årsmøtet på Beitostølen. Det betyr at no kan
ungdomslaga sjølve bestemme om dei skal servere alkohol
på ungdomhusa sine. På sentralt hald skal
tilstellingar framleis vere utan alkohol. Den nye
lovteksten i paaragraf 13 er slik: "Noregs
Ungdomslag skal arbeide aktivt for å skape ein
attraktiv, rusfri samværskultur. Alle arrangement på
sentralt plan skal vere rusfrie."
(11/8-03) |
CD-en
med Jan Beitohaugen Granli til finalen på
kortfilmfestival
CD'en frå selskapet Talik,
TA5CD, er komen til finalen i kortfilmfestivalen Zoomin
på kontraskjæret ved Akershus festning i Oslo. Filmen
blir såleis synt for fleire tusen tilskodarar - og
desse er ikkje folkemusikarar! Det fortel Frode
Rolandsgård.
(4/8-03) |
Publikumsrekord
på Jørn Hilme-stemnet trass i litt dårleg ver
Det var 6000 publikum på dei ulike tilskipingane på
stemnet, og det er ny rekord. Leiar for stemnet Anne
Marie Aastad Bråten fortel til avisa Valdres at dei er
godt nøgd. Torleiv Bolstads minnestipend gjekk til
Gudrun Helene Lunde frå Etnedal, mellom anna fordi ho
held etnedalsspringaren levande. Ho spelar også
hardingfele og er klesdesignar. Øyunn Groven Myhren og
Odd Nordstoga reiv folket med seg i
"Nivelkinn", og det same gjorde Berit Opheim,
Øyonn Groven Myhren og Hallvard Holmen i stykket
"Skal - skal ikkje", og Agnes Buen Garnås og
Per Anders Buen Garnås med sitt Landstad-program. Jan
Beitohaugen Granli vart best i hardingfele klasse A, med
Erland Joplassen nummer 2. I spel fele klasse A vart
Leif Inge Schølberg best. I spel hardingfele klasse B
vart Anders Eikås, Indre Sunnfjord, best, og i
B-klassen fele vart Nina Owren Furuli best. I langeleik
senior vann Ingvild Lie frå Øystre Slidre, og vokal
klasse A Camilla Granlien frå Ringebu spelemannslag. I
dans hardingfele kl B vanne Anne Røine og Erik Onstad,
og i A-klassen vann Anne-Marit Røn og Knut Bakken. I
lausdans klasse A vann Martin Myhr og klasse B Hallgrim
Hansegård. Her kan du lese kva avisene skriv om
stemnet: Kosmiske
stemninger , Oppland Arbeiderblad, Levende
og annerledes "Strunkis"konsert. |
Avisa Valdres Stemningssterk
utstilling | Avisa Nationen Hilmestemnet
for 43. gang | Avisa Valdres
Blodig bryllaup blir dramatisert på laurdag |
Avisa Valdres Briskeøl
frå gardsbryggeri
(4/8-03, 12/8-03) |
Dalakopa
på TV med Andreas Lunnan "Rundt neste sving"
Dersom du vil få med deg reprisen så kjem den onsdag
13. august. Dalakopa er ei av våre mest særmerkte
gamaldansgrupper og har gjeve ut heile 9 CD'ar. Les
meir her.
(2/8-03) |
Det
manglar enno 2-3 elevar på Fana Folkehøgskole
Det er det som skal til for at lina
for europeisk folkemusikk på Fana folkehøgskole skal
kome i gang. Tilbodet blir ope fram til skulestart 24.
august seier hovudlærar på linja, Olav Tveitane. Les
meir her.
(2/8-03) |
Arne
Viken og Anders Viken nyutgitt på CD i serien
"Music from Norway"
For ei tid sidan kom Arne Viken med ein CD på EMI.
Plata som heiter "Jølsterblomen" inneheld dei
to tidlegare LP-platene han har gitt ut: «Danser
fra Jølster» frå 1967 og «Slik jeg lærte det » fra
1980. I same serien har det også kome ei plate med
gamle NRK-opptak av Anders Viken. CDen inneheld 32
melodiar på solofiolin eller hardingfele, av i alt 183
innspelingar som Anders Viken gjorde i NRK. CDen
har fått navnet «Sommarkveld i Jølster». Les
meir her.
(2/8-03) |
Boka
til Unni Løvlid "So ro liten tull" er komen
Boka hører til den CD'en som kom for ei tid sidan. Ho
kjem på Lyche musikkforlag og kan kjøpast her.
Les meir om
boka her.
(2/8-03) |
Marit
Mattisgaard sin nye kvedar-CD vel motteken
Vi har fått melding om at den nye CD'en på
selskapet talik som
vart slept under Hilme-stemnet er vel verdt å
kjøpe. "Tre ord te de" heiter CD'en og
inneheld bånsullar, lokkar, låttestev, dyreviser og
skjemteballader. Det vekslar mellom solo song og song
med tonefølgje av langeleik, munnhorpe, fele, fløyte
og trekkspel.
"Tre ord te de" passar for store og små. Les
også her.
(2/8-03) |
Utsikt
til hovudfag i dans ved NTNU frå våren 2004
Frå Birgitte Rørvik Bruun har vi fått melding om at
det truleg blir oppstart med masterstudium (hovudfag) i
dans frå våren 2004 ved NTNU i Trondheim. NTNU har
godkjent oppstart av studiet, så no må det utarbeidast
studieplanar etc. Studiet blir eit nordisk
samarbeidsprosjekt mellom Norge, Sverige og Danmark. Det
ser dermed ut til å bli samlingar i alle tre
landa.
(23/7-03) (retta 1/8-03) |
Nordleik
2006 blir i Gøteborg 25 - 30 juli
Neste Nordleik blir i Gøteborg, med Ungdomsringen i
Gøteborg som tekniske arrangører. Dette er ein
organisasjon av 12 lokallag i Gøteborg-området.
Gøteborg var også arrangør for Nordleik i 1982, og
det er 12. gongen at nordisk stemne blir lagt til
Sverike.
Les meir om dette her. Nordleik er som kjent det
store nordiske stemnet av frilynde
ungdomslag/leikarringar som blir arrangert kvart 3. år
i byrjinga av juli. I 12006 blir det seint i juli
25-30. Det går på rundgang mellom dei nordiske landa,
og normalt samlar det 5000 -7000 deltakarar.
(22/7-03) |
Nye
heiderslagsmedlemer i LfS: Svein Skjerdal og Birgit Rike
Lund
Under Landskappleiken på Gjøvik var Svein Skjerdal
frå Sogn og Birgit Rike Lund frå Setesdal utnemde til
heiderslagsmedlemer i Landslaget for Spelemenn.
Skjerdal er fødd i 1932 i Aurland, men har sidan 1964
budd i Sogndal. Han har lagt ned eit stort arbeid som
spelemann, dansar, organisasjonsmann, domar og
programleiar. Han var mellom anna med då Sogn Spelemannslag vart skipa, og var 26 år leiar der, sidan
13 år som nestleiar. Han vart også første leiaren då
Sogn og Fjordane folkemusikklag vart skipa i 1981. Han
har også vore med i styret i LfS.
Birgit Rike Lund er frå Valle, fødd i 1925, og har
sidan 1952 budd i Vanse ved Farsund. Ho er ein framifrå
kvedar, tradisjonsberar og formidlar. Mykje av songen
sin har ho etter bestefaren Kjetil O. Rike. Har vore
knytt til Ole Bull Akademiet, og ga i 1998 ut CD'en
"Rosor Raude".
(22/7-03) |
Aftenposten:
Vil ikkje Notodden ha Per Ung-statue av Myllarguten?
Tor Arne Uppstrøm, som opprinneleg kjem frå Notodden,
har tilbode heimbyen Notodden ei stor statue av
Myllarguten verdt minst 1 mill. kroner. Statua er laga i
utkast av kunstnaren Per Ung, men Notodden ser ikkje ut
til å ville motta gåva. Statuen skulle inngå i ein
omstridd Myllargutpark, skriv Aftenposten.
(21/7-03) |
Den
12. Riddu Riddu-festivalen avvikla i Manndalen i Troms
Festivalen byr på mange musikalske innslag frå mange
land, medrekna Gåte frå Norge. I alt var det ca 2000
betalande tilsodarar, og tilskiparane reknar med
økonomisk balanse. I år hadde festivalen også eit
film-program.
(21/7-03) |
Gruppa
"Husk" med CD med musikk frå
Sør-Trøndelag
Gruppa Husk held til i Oslo-området, men spelar mest
tradisjonsmusikk frå Trøndelagsfylka, særleg Ålen og
Hessdalen. Det er felespelaren i gammaldansorkesteret
Åsmund Svenkerud som er frå Ålen. Her
finn du meir info om gruppa og den nye CD'en. CD'en
kom i juni i år.
(21/7-03) |
Småjondølene
skal også til Telemarkfestivalen
Småjondølene har 70 medlemer i ei bygd på 450. På
Landskappleiken på Gjøvik vart dei best i lagdans
både i senior og junior. No står Telemarkfestivalen
for tur. Les
meir i Telen.
(21/7-03) |
Hallvard
Bjørgum med ny CD med mange ulike medmusikantar
Den nye plata heiter "Free Field" og kjem ut
på hans eige selskap "Sylvartun". Av dei som
er med på plate finn vi kjente norske namn som Kirsten
Bråten Berg og Jonas Fjeld, og mange kjente utanlandske
namn, til dømes Blondie Chaplin som nå spelar i The
Rolling Stones. Les
meir om plata her.
(21/7-03) |
Susanne
Lundeng også på riksdekkande tysk radio
Susanne Lundeng med musikarar har vore på turne i
Tyskland, og hadde konsert 8 stader. Les
meir om den vellukka turneen her.
(21/7-03) |
Bærum
spelemannslag møtt med trampeklapp på Island
Laget har vore på turne på Island, og Bærum Budstikke
kan melde om ei vellukka ferd. Les
her.
(21/7-03) |
Nesten
600 opplevde "Huldrenatt" i Tolga
Tone Hulbækmo og over 50 andre aktørar laga ei
spesiell oppleving for eit lydhørt publikum, ute i
naturen - inne i skogen. Les
meir om forestillinga her.
(21/7-03) |
Det
43. Jørn Hilme stemnet er i gang
Dette stemnet er no blitt ein av dei største
festivalane i landet innan folkemusikk og dans. Som før
er det ei fin blanding av kappleik, konsertar, kurs og
kulturarrangement. Sven Nyhus kvartett spelar til dans.
Det er i alt 18 konsertar med mange kjente utøvarar.
Meisterklassen i folkedans er for dei dansarane som vil
utvikle folkedansen som scenespråk. Instruktører er
Leif Stinnerbomog Ingar Ranheim. Det skal munne ut i ei
forestilling om det dramatiske bryllupet på Dale i
Valdres i 1823. Les
meir her. og på festivalen
sine nettsider.
(21/7-03) |
Mykje
gull til Gudbrandsdalen under Landsfestivalen på Otta
Gudbrandsdølane sikra seg 4 av 7 gull under festivalen.
Festivalen vart vellukka - det var over 6000 løyste
billettar og økonomisk eit godt resultat trass i
konkurranse frå Dansefestivalen på Nord-Sel. Les meir om
Landsfestivalen i GD og her. |
Resultata
frå Landsfestivalen 2003
Alle
resultata finn du her. I lagspel dominerer
Gudbrandsdalen resultatlista med Vågå Spelemannslag
først, føre Lom og Heidal. I klassen Grupper vart
"Over Stok og Steen" (Hamar) best føre
"Nye Ringnesin" frå Vågå og
"Nordafjells" frå Oppdal. I Open klasse vann
"Krøklun" frå Sør-Fron. I Solo
durspel/torader for senior vann Tom Berg
(Sørskogsbygda) føre Øyvind Sandum (Lalm) og Tom
Kjetil Tørstad (Ryfoss). I solo "Andre
instrument" vart Thomas Nilssen (Løten) best føre
Trond Åsmund Svenkerud (Lier) og Even Røhjell
(Oppdal).
(21/7-03) |
Nivelkinn
i Møllarstugu
Øyunn Groven Myhren og Odd Nordstoga skal vise sitt
Nivelkinn-program i Møllarstogo på Akkerhaugen 24.
juli. Les
kva Telen skriv om dei to.
(21/7-03) |
Steinar
Ofsdal med konsert på si barndoms øy
På Søndre Sandøy på Hvaler har Ofsdal hatt konsert
på Online Cafe. Her var bestefar hans lærar i mange
år. Les
kva Fredrikstad Blad skriv om Steinar Ofsdal.
(21/7-03) |
Resultata
frå Titanofestivalen - Turtums frå Vågå til topps
Titanofestivalen har no ein meir reindyrka
gamaldansprofil, og det har ført til at ein del av det
tradisjonelle publikumet har blitt borte, fortel festivalsjef
Kristin Nustad i Peer Gynt Arrangement. Her
kan du finne alle reslutata frå festivalen.
(21/7-03) |
Folkedans
er populært blant turistane i Stavanger
Vi les i Aftenbladet at i sumar er 40 dansarar frå
Bjerkrheim-ringen engasjert til å danse på hotella i
Stavanger - to dager i veka. Stort sett er det snakk om
tyske turistar. Odd Vegard Nedrebø er drivkrafta i
laget.
Les meir her.
(21/7-03) |
Plateselskapet
Ta:lik med 3 CD'ar i sumar
Det unge plateselskapet Ta:lik i Valdres gjev i sumar ut
3 CD'ar, nr 5, 6 og 7 i rekkja. Den første, der
Jan Beitohaugen Granli spelar, vart sleppt under stor
jubel på Landskappleiken. Det var første plata til
Ta:lik med studio-opptak, og CD'en inneheld også ein
dansevideo. Dei to andre CD'ane blir slept under Jørn
Hilme stemnet. Den eine er arkivopptak med Ola Grihamar
d.e. frå Vang i Valdres, og den andre er ei kvedarplate
med Marit Mattisgard (solo og samspel). Meir info og
lydeksempel finn du på www.talik.no.
(21/7-03) |
Norsk
folkedans/musikk-gruppe med premiere i Næstved:
"fant & fente"
Ei norsk folklore-gruppe hadde premiere på programmet
sitt under Nordlek 2003 i Næstved. Gruppa består av 4
dansarar frå Oslo - alle jenter i 20-åra: Marianne
Dahl, Torill Schinstad, Stine Skoglund og Ina Cyrus, og
3 spelemenn Vegar Vårdal, Vidar Skrede og Benjamin
Kehlet. Dei kallar seg "fant & fente".
Programmet deira var ein del av forestillinga
"Nordisk Folklore" - der dei alternerte med
Leikarringen Symra. Både dansen og musikken til "fant
& fente" vart svært godt motteke av
publikum.
(14/7-03) |
Norsk
deltakar Werner Dyås - eit spesielt gjensyn med
Næstved etter 58 år
Ein av dei norske deltakarane i Nordlek 2003 møtte
Næstved etter 58 år. Werner Dyås er 69 år gamal, og
vart sendt til Næstved i Danmark som 11-åring etter
krigen, der han budde hjå ei dansk familie i 5 veker. Han
var ein av dei frå Oslo som kom til Danmark på
"mat-ferie" etter magre krigsår. Werner Dyås
tok kontakt med Næstved-bladet og det vart intervju og
bilete i avisa, på same viset som den gongen i 1945.
Werner Dyås og kona Sidsel er svært aktive
folkedansarar i Leikarringen Symra i Oslo - to av dei 40
deltakarane frå Symra på årets stemne.
(14/7-03) |
Nordlek
2003 i Næstved vart eit svært vellukka nordisk
stemne
Frå opninga på tysdag på Stadion til avslutninga med
fyrvekeri laurdagsnatta var det fint og passe varmt ver.
Arrangementet vart avvikla på ein svært fin måte, det
var gode lokale og det tekniske utstyret fungerte fint.
Overalt møtte ein vennleg dansk gjestfriheit. Totalt
var det 4603 påmeldte deltakarar på stemnet - ein god
del mindre enn for ein del år sidan. Frå Norge var det
ikkje meir enn 409 - det kunne godt ha vore langt
fleire. Frå Sverike 868, frå Finland 844 og frå
vertslandet Danmark 2142, frå Færøyane 71, 9 frå
Island og 35 frå Åland. Dessutan var det deltakarar
frå mange andre land som Australia, Canada, USA,
Sveits, Tyskland, Nederland og Sjetland.
Gjennomsnittsalderen var på heile 51 år - men ungdomar
alle saman! Her
kan du sjå ein del bilete frå stemnet. Fleire
bilete kjem snart.
(14/3-03) |
Det
var 27000 på Førdefestivalen - noko mindre enn
toppåret 2002
Førdefestivalen vart også i år ei stor oppleving for
mange. 240 artistar frå 4 kontinent deltok. Bjørkum
peikar også på unge norske grupper som fekk vist seg
fram - slik som Majorstuen, Flukt og Trispann. Publikum
i Førde vil nok heilt sikkert hugse Senge frå
Madagaskar og trommegruppa Badenya les frères Coulibaly
frå Burkina Faso. Polske Swoja Droga fekk også sine
tilhengarar.
(14/7-03) |
Lensmannen
bør arrestere omstreifande spelemenn!
"Gåte" har vore i Farsund og møtt med stor
begreistring. No diggar ungdomen norsk folkemusikk,
skriv Farsund Avis. Les
meir her om konserten i Pakkhuset.
(14/7-03) |
Jan
Lothe Eriksen i NFD: Førde bør revurdere søknaden
Leiaren i Norsk Folkemusikk og Danselag Jan Lothe
Eriksen likar dårleg Førde-søknaden om eit nasjonalt
folkedusikk og danse senter (sjå nedanfor). Han viser
til at det har vore arbeidd ei tid med eit slikt senter
i Oslo, og meiner det er urealistisk med to sentra i
Noreg. Hilde Bjørkum svarar at dei ikkje tenkjer å
trekkje søknaden, og meiner det er naturleg at eit
slikt senter ligg i distrikta. Les
meir her.
(14/7-03) |
Folkemusikk
og dans vil bli viktig i den nye kulturmeldinga
Statssekretær Yngve Sletholm fortel at dette feltet vil
få den breiaste omtalen av alle sjangrane i den nye
kulturmeldinga. Les
meir her.
(14/7-03) |
Planar
om Nasjonalt Utviklingssenter for scenisk Folkedans og
Folkemusikkformidling i Førde
Tre institusjonar i Sogn og Fjordane - Sogn og Fjordane
Teater, Førde Internasjonale Folkemusikkfestival og
Sogn og Fjordane fylkeskommune går nye vegar. Saman vil
dei utvikle eit nasjonalt kompetanse- og
utviklingssenter for scenisk folkedans og
folkemusikkformidling i Førde. Prosjektet har eit årleg
budsjett på 5 mill. kroner, og dei 3 partane har søkt
Kulturdepartementet om ei årleg bidrag på 3,1 mill.
Ein tenkjer seg at prosjektet engasjerer to
aspirantstillingar og to meir røynde utøvarar innan
dansefeltet. Aldersgruppe for aspirantstillingane er
tenkt frå 18 til 30 år, og stillingane skal vere opne
for søkarar frå heile landet. Dette
fortel dei i ei pressemelding.
(14/7-03) |
Det
var få Ungdomspass som vart seldt på Førdefestivalen
Ei ny ordning i år, for å auke interessa mellom
ungdomen, var Ungdomspasset. Men det vart seldt berre 80
slike. Likevel meiner leiar Hilde Bjørkum at det er ein
myte at det er få ungdomar på festivalen. Les
meir her.
(14/7-03) |
Mange
radiostasjonar i Europa vil sende frå Førdefestivalen
Det er klart at 20 radiostasjonar tilknytta EBU vil
sende opptak med alle dei 16 artistane som vart tekne
opp. Mellom desse er berre Majorstuen frå Noreg.
Festivalleiar Hilde Bjørkum er svært godt nøgd med
dette, som ho reknar med blir god reklame for
festivalen. Les
meir her.
(14/7-03) |
Mange
nye A-klassingar i dans men få i spel og vokalt etter
Landskappleiken
I spel var det bebbe Aslak Brimi (fele) som vart ny
A-klassing og i vokalt Tone Jorun Tveito. Men i dans
fele var det 4 nye A-klassingar og i dans hardingfele
heile 9 nye. Sjå
heile lista her.
(14/7-03) |
Bjørn
Turtums norgesmester i gammeldans på
Titanofestivalen
Titanofestivalen
på Vinstra vart avvikla på tradisjonelt vis. Bjørn
Turtums frå Vågå/Lom vart norgesmeister i
gamaladsnsorkester. Det er 16 år sidan sist dei deltok
på Titano. Les
meir
her.
(14/7-03) |
Knut
Buen med rock og jazz
Knut Buen har ein aktiv sumar. Nyss var han på Roskilde
festivalen der han spela med Gåte. No skal han til
Kalvøyafestivalen der han opptrer saman med Ytre
Suløens. Seinare skal han til USA der han skal delta i
program med Ytre Suløens og SKRUK. Tidlegare har han
også speela saman med pop-bandet DDE. Buen fortel til
Telemark Arbeiderblad at det er moro både med pop og
jazz. Les
meir her.
(14/7-03) |
1300
på opningskonserten på Førdefestivalen
Utanriksminister Jan Petersen opna konserten, som gav
eit breitt tverrsnitt av den musikken ein kan oppleve
på festivalen. Mellom artistane var den gode afganske
gruppa Ensemble Kabul, og norske Per Sæmund Bjørkum og
Kåre Nordstoga. Også Pubben Columbi Egg samla mykje
folk. Les meir
her.
(4/7-03) |
NM
på trekkspel i Tromsø vel gjennomført
Nordlandsgruppa Hilmars fra Remma stakk av med den
gjeveste prisen under NM på trekkspill i Tromsø.
Gruppa vart kåret til landets beste gamaldansgruppe
under avslutningea av NM. Her
finn du alle resultata.
(2/7-03) |
Bruvoll/Halvorsen
på mange festivalar i Tyskland
I juli vil tysk publikum kunne høyre dei på
festivalar i Rudolstadt 5.- 6. juli,
Badentreffen 25. juli, Nûrenberg 26. juli,
Flensburg 27. juli. Halvorsen var også med i eit BBC
program i februar. Les
meir her.
(2/7-03) |
Dei
mange artistane er på plass i Førde
Til saman blir det 240 artistar frå 25 land som skal
opptre i Førde på dei 3-4 festivaldagane. I år er
Festivalen også vertskap for the 24. EBU festival for
folk & traditional music. På scena i kinosalen er
det prøver på danseframsyninga "Den som rulla’
ette’ golvé", som har premiere fredag kveld.
Martin Myhr og Hæge Manheim dreg i spakane og tolv av
landets beste dansarar og folkemusikarar legg seg i
selen for å presentere historia om den norske
bygdedansen på ein ny måte i dette ganske
stuntaktige prosjektet i samarbeid med Sogn og Fjordane
Teater. Les
meir her.
(2/7-03) |
Sven
Nyhus vart tildelt Haugerudmedaljen under
Landskappleiken på Gjøvik
For første gong på mange år vart nokon tildelt
Haugerudmedaljen. Det var Sven Nyhus, som fekk den
høgthengande medaljen for sitt store og verdfulle
arbeid for norsk folkemusikk.
(27/6-03) |
Leiar
i LfS Randi Skeie fylte 50 år på Landskappleikens
siste dag
På Meisterkonserten søndag vart det markert at leiaren
i LfS Randi Skeie fylte 50 år. Ho fekk overrekt blomar
og salen song "bursdagssongen".
(27/6-03) |
Landskappleiken
2003 gjennomført med stil på Gjøvik
Arrangementet vart avvikla på ein framifrå måte. Det
var gode lokalitetar både for deltakarar og publikum -
både i storstua Fjellhallen, i Gjøvikhallen og i
samfunnssalen. Det var mange fine tevlingar. Per Anders
Buen Garnås vart bestemann i finalespelet på
hardingfele og Astrid Sulheim på vanleg fele. Beste
poengsum på vanleg fele gjekk likevel til bestemann i
B-klassen ungguten Andreas Bjørkås frå Oppdal.
Kongepokalen gjekk til beste dansepar i vanleg fele, og
det vart Anne-Grete og Rolf Bjørgan med springleik frå
Folldal (sjå biletet). Best i lausdans klasse A vart
Tom Løvli. Vinnar i dans hardingfele klasse A
vart Arvid Sperrud og Rannveig Bakke med
Telespringar. Her
finn du alle tevlingsresultata. Her
kan du sjå mange bilete frå Landskappleiken.
(29/6-03) |
Unni
Løvlid lanserer første boka si "So ro liten
tull" under Førdefestivalen
Boka er ei vidareføring av ein CD med same tittel, som
kom ut i 1999. Her finn vi notar, tekst og historier og
opplysningar om dei ulike songane. Det er
Førdefestivalen som skriv dette i ei pressemelding.
(27/6-03) |
|
Mykje å høre i NRK
frå Landskappleiken
I kveld, onsdag, startar Landskappleiken. For dei som
ikkje får vere til stades er det mykje å høre på
NRK. Ikkje minst blir det mykje å høyre/sjå på
Internett. Les
meir om det her. Les også kva GD
skriv om Laandskappleiken.
(26/6-03) |
"Raulandsstudentane"
markerer seg på Telemarkfestivalen også i år
Dette var ein av konsertane på festivalen i fjor, og
blir det også i år. Dei som deltar er Ottar Kåsa frå
Vinje, Astrid Sulheim og Aslak Brimi frå Lom og Linda
Gytri frå Sunnfjord - unge lovande folkemusikarar alle
fire. Les
meir her.
(26/6-03) |
Jorun
Marie Kvernberg har fått Øyvind Berghs minnepris
Ho spelar som kjent i Majorstuen og går på
Musikkhøgskulen og kjem frå Romsdal. Les
meir her. Den første som fekk prisen var Annbjørg
Lien i 1989.
(26/6-03) |
Oslopuls
har intervjua Hornaas Musikk i Oslo
Sidan 1908 har Hornaas Musikk A/S halde til i Storgata
43. Dette er ein samlingsstad for dei som er
interesserte i strykeinstrument og i trekkspel. Les
meir om forretninga her.
(26/6-03) |
Yngvild
(12 år) vil forsvare sitt 2 gull frå i fjor på
trekkspel-NM i Tromsø
Yngvild Haaland Ruud frå Bærum er svært dugande på
trekkspel, og Bærum Budstikke har intervjua jenta og
spelelæraren hennar på Asker Private Musikkskole. Les
meir her.
(26/6-03) |
Ragnhild
Knutsen leiar i Norsk Folkemusikklag
Dei har nyleg hatt årsmøte, og fått kr 50000 til
sekretærstillinga, som blir Silje Sølvberg ved Rff.
Hans-Hinrich Thedens er nestleiar/redaktør og i styret
er også Olav Sæta, Bodil Haug og Wigdis Espeland.
Laget har planar om å leggje alle artiklane i
årsskriftet til laget (frå 1983) ut på internett.
(25/6-03) |
Mange
har søkt på opplæringstilbodet Norsk Folkelig Dans
Påmeldingsfristen har gått ut, og til saman har 44
søkjarar meldt seg på dette nye studietilbodet med 18
studieplassar. Mellom søkjarane er det god spreiing
både geografisk og aldersmessig. Det er også
utanlandske søkjarar. Vegar Vårdal har hovudansvaret
for tiltaket.
(24/6-03) |
Også
Odd Roger Enoksen skal delta i trekkspel-NM 25 -29 juni
Den tidlegare leiaren i Senterpartiet skal delta i NM i
Tromsø, i Bærum Trekkspillklubb, i kategoriane
gamaldans og underhaldning. Les
om det her. Her kan du også lese om
meisterskapet.
(23/6-03) |
To
store festivalar kolliderer i Sel i juli
Laandsfestivalen for Gammaldansmusikk og Dansefestivalen
i Nord-Sel kolliderer i år i midten av juli. Det er to
spelemannsvener, Arne Grindstuen og Øystein Ulen, som
er leiarar for kvar sin festival. Stor påmelding til
begge festivalane tyder på at dei to festivalane
styrkjer kvarandre. Les
meir her.
(23/6-03) |
Mange
unge og gamle øver i Bærum Spellemannslag
Bærum Budstikke har vore på øving i spellemannslaget
når dei øver på Snarøya utanfor Oslo. Dei øver
mellom anna til ein festival på Island. Les
meir om det her.
(23/6-03) |
Odd
Are Berkaak skal utgreie Folkemusikkens hus
Det er NFD som har engasjert professor Berkaak til å
utrede forprosjektet med Folkemusikkens og dansens hus i
Oslo. Berkaak er sosialantropolog ved Universitetet i
Oslo. Utredningsarbeidet er støtta av
Musikkverkstedordningen og Norsk kulturråd. Les
meir her.
(23/6-03) |
Anne
Hytta ny redaktør i medlemsbladet "Kvinten"
Kvinten er som kjent medlemsbladet til Norsk folkemusikk
og danselag, og Anne Hytta har teke over
redaktøransvaret etter Tore Skaug. Anne Hytta er
A-spelemann på hardingfele, 28 år og bur i Oslo,
sambuar med Javid som kjem frå Esfahan i Iran. Ho har
studert ulike fag, historie, etnologi, musikk storfag,
journalistikk, og gjekk i åra 2000 -2002 på
spelemannsskulen på Voss med Knut Buen som lærar. Les
meir her.
(23/6-03) |
Startlista
over deltakarane på Landsfestivalen er no frigitt
Landsfestivalen i gamaldansmusikk er som kjent på Otta
16-20 juli. Her
finn du startlista over alle deltatarane.
(23/6-03) |
NRK
avsannar mange rykter om Kappspell
Etter mykje rykter om fusk og manipulering, svarar
produksjonsleiar Gunn Sølvi Gausemel på dei mange
skuldingane, som ho meiner er fullstendig grunnlause. Les
meir her.
(23/6-03) |
Landskappleiken
er snart igang - det startar onsdag 25. juni
På Gjøvik er det meste klart til Landskappleiken. Det
blir totalt ca 1700 deltakarar, og mange tevlingar og
konsertar. Det vert avslutta med meisterkonserten på
søndag. Les
meir her. Sjå også heimesida
til Landskappleiken.
(23/6-03) |
Sigmund
Fuglevaag årets aurgjelding 2002
Under Nordvesttreffen i Aure vart trekkspelentusiasten
og eldsjela Sigmund Fuglevaag denne utmerkinga. Les
meir her.
(21/6-03) |
Ola
Berge og Unni Boksasp fra Tinn har fått trillingar
Folkemusikarane og sambuarane Ola Berge og Unni Boksasp
har fått trillingar. Dermed har han også teke
permisjon ei tid frå stillinga i NFD, og ho måtte
utsetje opplæringa si i Stockholm. Dei har fått gåver
til trillingane frå Celina Middelfart og Kjell Inge
Røkke! Les
meir her.
(21/6-03) |
Leiv
Solberg om norsk folkemusikk
"Det viktigaste som ikkje skjer i norsk folkemusikk
er at folkemusikken ikkje har ein sjølvsagt plass i
norsk fjernsyn". Det seier han i eit intervju i
Årbok for norsk folkemusikk. Han fortel elles at dei
arbeider med eit TV-program om om hardingfela som ein
del av ein serie i EBU-regi om verdsmusikk som skal
sendast i 2004. Les
meir her.
(21/6-03) |
"Årbok
for norsk Folkemusikk 2003" er komen
Det er NFD som gjev ut årboka, som kjem i 12. årgang.
Igjen er det mange spennande og opplysande artiklar om
norsk folkemusikk. Bjørn aksdal skriv om felemakaren
Erik Johnsen Helland, Bjarne Bratås om Slåttenamn i
Numedal, Torleif Trykkerud om Lans Fykerud, redaktøren
Tore Skaug har intervjua Leiv Solberg, Jon Faukstad om
trekkspelmusikken i Gudbrandsdalen og Dagne Groven
Myhren om Nasjonalromantikk og folkemusikk.
(21/6-03) |
Førdefestivalen:
Kathryn Tickell til Førde og til Kongsberg
Kathlyn Tickell er ein kjent engelsk sekkepipevirtuos.
Ho skal delta på Folkemusikk-festivalen i Førde, men
skal også spele med Brazz Brothers på Kongsberg Jazz
festival. Les meir
her.
(21/6-03) |
Norsk
Kvedarforum med Seminar i Oslo 12. -14. september
Norsk Kvedarforum skipar til kvedarseminar i Oslo
12.-14. september 2003. Fokus på mellomalderballader
gjennom konsert, føredrag og kvedarverkstad (master
class). Konserten blir på Oslo Ladegård og seminaret går
av stabelen på Asylet på Grønland. Tone
Hulbækmo, Sinikka Langeland og Ragnhild Furholt vil
medverke, likeeins Unni Løvlid, Olav Solberg, Gudleiv
Bø, Gro Siri Johansen og Astrid Nora Ressem.
Påmeldingsfrist 1. aug. Info: Ingvild
Marit Garnås, tlf 99 25 83 91.
(20/6-03) |
Sommerrevyen
på Rudi Gard har hatt premiære
Les
meir om det i Dølen.
(17/6-03) |
Hallgrim
Berg om CD'en til Knut Heddis Minne:
"Det
er hittil ikkje gjeve ut så dristugt og krevjande
samspell på hardingfele her i landet." Det skriv
han om den nye CD'en "Lea deg". I dette
spelemannslaget frå Setesdal detar desse: Monika Antun,
Osterøy; Harald B. Knutsen og Herbjørn Liahagen,
Hallingdal; Marton Laksesvela, Bjerkreim/Rysstad; Knut
Breievegen, Bykle og Daniel Sanden-Warg,
Karlstad/Rysstad. Les
meir her.
(17/6-03) |
190
deltakarar frå 11 barneleikarringar på
"Vårleiken" i Kongsberg
Det er barneleikarringen i BUL Kongsberg
som står som arrangør av Vårleiken. Les
meir her.
(17/6-03) |
Hilde
Bjørkum intervjua av Spelemannsbladet
Bjørkum er leiar for Folkemusikkfestivalen i Førde,
men sit også i Fagutvalet for musikk i Norsk kulturråd
og Utanriksdepartementet sitt utval for profesjonelle
folkemusikkprosjekt i utlandet. Ho synest det er for få
som sender inn søknader om prosjekt som det offentlege
gjev stønad til. Les
meir her.
(17/6-03) |
Tove
Hagen frå Rendalen vart Glomdalsbrur på Bunnmuseet i
Rendalen
Både ho og brudgommen storelvdølen Lars Espen Rath
Vestad er frå Østerdølenes lag i Oslo, og har solid
utdanning innan folkemusikk. Les
meir her.
(17/6-03)
|
Homse-leikarringen
Drengeleik fekk stort intervju i Aftenposten
I leikarringen Drengeleik er det berre karar som dansar.
Normalt øver dei annankvar tysdag i Nordahl Brunsgt 22,
men no øver dei ekstra fram til "Skeive
dagar" på Rådhusplassen i Oslo. Jan Heier er
rettleiar. Les
meir her.
(17/6-03) |
Blåmann
Blåmann med "avskjedskonsert" i Berget det
blå
Den suksessrike gruppa Blåmann Blåmann tar pause eit
tid. Dei fire ungdomane frå Vinje har spela på eir rad
festivalar og konsertar og gjeve ut plate, og dei lovar
å kome att når dei har fornya seg. Ei tid frametter er
dei engasjert i ulike ting kvar for seg. Les
meir her.
(17/6-03) |
Gild
konsert på garden til Magnhild og Erik Almhjell på
Tingvoll
Åkerfallet er namnet på garden der ekteparet og
folkemusikarane Magnhild og Erik Almhjell budde. Nyleg
var det konsert der, mellom andre deltok Ferdafolk frå
Sunnmøre. Les
meir her.
(17/06-03) |
Strålande
ver på BLS sitt jubileumsstemne på Folkemuseet i Oslo
Bygdelagssamskipnaden i Oslo fyller i år 80 år. Dette
vart også markert på Bygdelagsstemnet på Folkemuseet
søndag 15. juni 2003. Som vanleg opna stemnet med tog
til amfiteateret der barnelaga i BLS og BUL synte fram
mange dansar. Seinare på dagen var dei vaksne danselaga
i aksjon og viste dans i fleire ulike tun.
Bygdelagskoret var også i aksjon. Folkedans for alle
vart det også. Nokre bilete frå stemnet kjem seinare.
(15/6-03) |
Fint
Stildansball på Sundvolden Hotel 14. juni 2003
Ca 100 deltakarar var det på ballet til Kvadriljetten i
Drammen. Christiania Tour og Runddansensemble sytte for
fin musikk. Her
finn du nokre bilete frå ballet.
(15/6-03) |
NFD
søkjer etter to medarbeidarar
Den eine stillinga er eit vikariat: Formidling av utøvarar
og tilrettelegging av program for oppdragsgjevarar, samt
å ivareta og utvikle kontakt med potensielle arrangørar.
Den andre er ei 50% stilling er også eit vikariat. Les
meir om stillingane her.
(11/06-03) |
Alt
er klart for Nordvesttreffen
For 8. gong går han av stabelen - trekkspeltrettet på
Nordvestlandet. Denne gongen på Nordmøre. Les
meir om det her.
(11/06-03) |
Intervju
med Eggen og Høye i Vårt Land
Du
kan lese intervjuet her. Dei to ga som kjent ut ein
ny CD for ein månads tid sidan.
(11/06-03) |
NFD
har samla informasjon om Bryggenspela i Bergen
Dei har laga ei fin side om det viktige som skjedde på
folkemusikkfronten i Bergen under Festspela. Her
finn du det.
(11/06-03) |
Jan
Beitohaugen Granli vart årets Fanitull under
Folkemusikkdagane på Ål
Han fekk dermed kr 15000 av dei 30000 premiekronene, og
napp i vandrepokalen. På andre plass kom Vegard Vårdal
og på tredje Per Anders Buen Garnås. I finalen var
også fjorårsvinnaren Øyvind Brabant og Daniel
Sandem Warg.
(3/6-03) |
Mari
Boine fekk Nordisk Musikkpris for 2003
I Kjøpenhavn vart det i dag gjort kjent at den kjente
samiske songaren Mari Boine vart tildelt den gjeve
prisen, som er på 35 000 danske kroner, for sin
mangeårige innsats for samisk kultur og verdsmusikar.
Ho fortalde at pengane skal ho bruke til å kjøpe seg
samisk fiskebåt.
(3/6-03) |
Mange
aktivitetar på Numedalstunet i Drammen 12. juni.
Den 12 juni er det travel aktivitet på Numedlastunet i
Drammen. Ikkje berre spelar Bukkene Bruse, men det er
Torader, Viser med evert Taube, Leikarringen Noreg og
anna. Les
om arrangementet her.
(2/6-03) |
Bryggenspelet
i Bergen avsluttar med Hauk Buen
Det er ein del folkemusikk-entusiastar i Bergen som
synest det er reint for gale at Festspela legg så lite
vekt på folkemusikken. Dei har difor midt under
Festspela skipa til ein solid serie konsertar med
folkemusikk. Hauk Buen var den som avslutta
konsertrekkja. Les
meir om Bryggenspelet her.
(2/6-03) |
Utanriksminister
Pettersen opnar Førde festivalen 3. juli
Opningskonserten "Møtestad Førde" torsdag 3.
juli i Førde blir opna av utanriksministeren. Førde
Intern. Folkemusikkfestival er som kjent den
største innan folkemusikk i landet.
(1/6-02) |
120
på konsert med Blåmann Blåmann i Sandvika
Bærum Budstikke fortel om ein konsert med stor stemning
då gruppa Blåmann Blåmann heldt konsert. Les
meir her.
(01/6-03) |
Vinje
Spilemannslag feira 50 år med konsert og dans
Det var fest og mykje hardingfelespel då Vinje
Spilemannslag feira 50 år nyleg. Les
meir om feiringa her.
(01/6-03) |
Fond
for Lyd og Bilde: 12,3 mill kroner fordelt våren 2003
Til saman er det 264 søkjarar som har fått støtte, og
ein del av desse er innan folkemusikk. Dei fleste
tildelingane er til CD-utgjevingar, og nokre til
konsertturnear. Tilskota er normalt på 20 - 40000 kr.
Her er dei som gjeld folkemusikk: Atle Bakken CD (kr
40000), Kirsten Bråten Berg, CD (30 000) og turne
(20000), Bruvoll/Halvorsen CD (25000), Arne M. Sølvberg
CD (25000), Knut Buen 2 stk CD'ar (20000 + 20000),
Heilo/Terje Hong CD (15000), Lindberg Lyd/Berit Opheim
CD (50000), Berit Lillevold turne (18000), Susanne
Lundeng turne (40000), Telemarkfestivalen kurs (20000). Heile
lista finn du her.
(01/6-03) |
Trekkspelaren
Aage Grundstad har fylt 80 år
 For
oss med interesse for folkedans og folkemusikk er Aage
Grundstad eit velkjent namn. Saman med Knut Trøen spela
han på 70-talet inn fleire kassettar med
gamaldansmusikk og turdansmusikk. Desse er i seinare år
blitt utgitt på CD, og er flittig i bruk i mange ringar
og lag. Han har også gjennom mange 10-år spela for ei
lang rekkje ringar og lag på festar, kurs, framsyningar
og på reiser i inn og utland. Grundstad er utdanna
musikar, men også politiutdanna. Han var med å stifte
Norske Trekkspilleres Landsforbund i 1971, der han er
æresmedlem. Han har blitt tildelt mange medaljer,
mellom andre Norges Vels medalje, Rotarys Paul
Harris-medalje og Deltakermedaljen frå krigen i
Finnmark 1944/45.
(27/5-03) |
Doktorgrad:
Har norsk jazz blitt påverka av folkemusikken?
James
W. Dickenson, kantor, jazzpianist og storbandleder i Sør-Fron,
forsvarte nyss avhandlinga si om norsk jazz og
folkemusikk for den akademiske doktorgrad. Les
meir i DG.
(25/5-03) |
Nye
prisar til Hemsing-jentene i Valdres
Ragnhild (15) og Eldbjørg (13) Hemsing fekk kvar sine
første-prisar på ei stor internasjonal fiolin-tevling
i Tsjekkia tidlegare i mai. Dette er truleg dei finaste
prisane dei har fått til no. Vi les også at dei fekk
første pris i sine klassar under
Sparre-Olen-konkurransen på Gjøvik nyleg. Som kjent
spelar søstrene både fiolin og hardingfele.
(24/5-03) |
"Langeleik-prototyp"
til Valdres Folkemuseum
Tidlegare i år fekk Valdres Folkemuseum kjøpt ein
langeleik på eit antikvariat i Oslo. Han er frå
1880-talet og lalga av Øystein Ø. Rudi frå Heggenes i
Øystre Slidre. Dette er ein av dei første langeleikane
som er limt saman av 4 sider. Tidlegare hola dei ut eit
trestykke. Øystein Ø. Rudi var den første i ei rekkje
på 3 generasjonar med instrumentmakarar i familien
Rudi.
(24/5-03) |
Poengsummane
til alle Kappspell-deltakarane er offentleggjort
Det var 48 lag som deltok totalt, og av dei gjekk 18
vidare til dei 6 programma som er sendt på P2 (siste
del av Folkemusikktimen). Av desse er 9 gått vidare til
semifinalen, som kjem utpå hausten. Vi ser at til
dømes Småviltlaget er heilt nede på 33. plass. Sjå
poengsummane her. På NRK er det også ei diskusjonsside
om Kappspel, og det er mange som har sterke meininga
om programma og døminga.
(24/5-03) |
Embrikt
Bergaplass med ny CD på Folkemusikkdagane på Ål
Bergaplass er kanskje den fremste av dei som spelar
slåttemusikk på torader. Under festivalen på Ål
kjem han med ny plate.
(24/5-03) |
Årets
Førdefestival med 240 artistar!
På Folkemusikkfestivalen i Førde er det også i
år eit rikhaldig program, og opplysningar om artistane
kan ein finne på heimesiden
deira. Det er også mange av våre fremste norske
med.
(23/5-03) |
Amatørteaterfestivalen
på Det Norske Teateret i full gang i Oslo
Denne store tilskipinga har også mange programpostar
med folkemusikk og folkedans og ulike kurs. Torsdag 22.
heldt Bygdelagskoret i Oslo ein vellukka konsert der det
også var innslag av folkedans og folkemusikk. Laurdag
24. har til dømes gruppa Fjøgl
kabaret og dans (Det Norske Teateret kl 20.30)
(23/5-03) |
Gjermund
Larsen på "Prøverøret" i Oslo 26. mai
Gjermund Larsen vart best på fele på Landskappleiken i
Vågå 2002, og den yngste nokon gong. Han skal spele
på FolkemusikkPøbb
kl 20.30. Larsen er med i fleire grupper, mellom
andre "Majorstuen" og "Frigg".
(23/5-03) |
Tone
Hulbækmo heidrar far sin Alf Hulbækmo
Det gjer ho med to konsertar i slutten av mai, ein i
Tolga Kirke (29. mai) og ein på samfunnshuset Vidarheim
(31. mai). Mange andre er også med på dei store
konsertane. Det er 100 år sidan Alf Hulbækmo var
fødd. Han var organist i Vingelen i 46 år! Les
meir her.
(23/5-03) |
Arild
Hoksnes skal vere arrangementskonsulent i Landslaget for
Spelemenn
For ei tid sidan lyste LfS ut ei stilling som
arrangementskonsulent. Arild Hoksnes er ikkje tilsett i
stillinga, men er innleigd som konsulent/rådgjevar - i
første omgang for 2 år. LfS har ikkje fått friske
pengar til stillinga, og vonar på sponsorpengar etc.
Hoksnes er vel kjent i miljøet som spelemann,
prosjektleiar, debattant, tidlegare redaktør i
Spelemannsbladet og mangt anna. Les
meir her.
(23/5-03) |
Domarane
på Landskappleiken og Landsfestivalen er bestemt
På kappleik har domarane ei viktig og utsett rolle. Her
kan du lese kven som skal vere domarar i år på Landskappleiken
på Gjøvik og på Landsfestivalen
på Otta Landskappleiken er 25-29 juni, og
Landsfestivalen 16-20 juli.
(23/5-03) |
Atle
Lien Jenssen og Margrete Nordmoen
i nye stillingar
Muserordninga i Hedemark lyste for ei tid sidan ut ei
stilling i folkemusikk. No har styret tilsett Atle Lien
Jensen og Margrete Nordmoen i stilling, ei halv stilling
til kvar. Dei byrjar i stillingane 1. september. Les
meir i Ballade.
(23/5-03) |
Dalakopa
går likevel vidare til semifinalen i Kappspell i NRK
"Majorstuen" har trekt seg frå semifinalen
fordi det kolliderer med ein konsertserie dei har i
Rikskonsertane. Dermed er det Dalakopa som rykkjer opp. Meir
her.
(23/5-03) |
Profesjonell
svensk folkedans i Oslo torsdag 29. mai
Denne kvelden kan du oppleve dei fremste av dei
profesjonelle dansarane i Sverike - gruppa
"Slinkelipas". Dei skal ha forestilling i
Teatersalen kl 18. Les
meir om
gruppa her.
(22/5-03) |
Spelemannslaget
Knut Heddis Minne med ny CD på Ål
Under Den norske
folkemusikkveka på Ål kjem det dugande
spelemannslaget frå Setesdal med CD, plateslepp 30. mai
kl 13. CD'en har fått tittelen "Lea Deg!"
Spelemannslaget er også månadens
artist i Norsk Folkemusikkatalog.
(22/5-03) |
Bjørn
Ole Rasch ny professor i "rytmisk musikk"
Bjørn Ole Rasch har dei siste åra arbeidd ved
Musikkonservatoriet i Kristiansand, og har dei siste
åra brukt mykje av tida si til å arbeide med
folkemusikk, særleg knytta til gruppa "Bukkene
Bruse" der han er medlem, og sambuaren Annbjørg
Lien. Han har søkt om og fått personleg opprykk til
professor. Han vart intervjua i Folkemusikktimen 18.
mai.
(18/5-03) |
Siste
kvartfinalen i Kappspell på NRK er ferdig
Søndag 18. mai gjekk den siste av kvartfinalane av
stabelen, og då står det att 9 lag som går til
semifinalen. Av dei tre laga som var i sving denne
gongen var det "Askerladden" frå Asker
og "Brit Anne's" frå Vestfold som gjekk
vidare, medan gruppa "Hått" (Bergseth/Buen
Garnås/Røine) kom på 18. plass. Samtidig var
det trekkjing til semifinalen som skal gå av stabelen
seinare på TV. I semifinalen er det 9 lag og ved
trekkjing vart dei delt i 3 grupper: Gruppe 1:
"Hallingdal Kraftlag", "Majorstuen"
og "Separatistan". Gruppe 2: "Rusten og
Aasegg", "Britt Anne's" og
"P.A.Røstad jr". Gruppe 3:
"Askerladden", "Edgar Herigstad" og
"Ole Liff". Den beste i kvar gruppe går
vidare til finalen. Les
meir på NRK og sjå bilete av gruppene. Seinare:
Majorstuen har trekt seg frå semifinalen og Dalakopa
kjem inn.
(18/5-03) (24/5-03) |
Spelemenn
og dansarar gjer ein stor innsats 17. mai
 Rundt
om i heile landet gjer spelemenn og dansarar ein stor
innsats på 17. mai. Mange leikarringar, folkedanslag,
spelemannslag og ungdomslag deltar aktiv i borgartog og
barnetog og mange har kulturprogram på eldreheimar og
sykehus og bygdekveldar. I Trondheim er BUL Noraros
blitt kåra til beste innslag i 17. mai toget. Olav
Mogstad har spela i BUL i 50 år , skriv
Adressavisa. I Oslo har leikarringen i BUL dansa opp
heile Karl Johan og framfor Slottet i mange år, og i
år fekk dei også støtte av dansarar frå andre
ringar. I Oslo er det også vanleg at leikarringane
dansar på sjukeheimar og eldreheimar i byen og bygdene
rundt. Såleis har Oslo Songdanslag dansa på Dikemark
sjukehus i ca 40 år, Symra har dansa på ulike stader i
Bærum i over 30 år. Liknande innsats har Sogn og
Fjordane-ringen og Leikarringen i BUL gjort, og sikkert
også dei andre danselaga. På
biletet ser vi dansarar frå Oslo Songdanslag som dansar
på Dikemark. Spelemann er Knut Trøen.
(18/5-03) |
"Sliten,
sveitt og lykkeleg" er mottoet for
Folkekulturfestivalen
Folkekulturfestivalen er som kjent det som før heitte
NU-stemnet, og er på Beitostølen 8-10 august. Her blir
det mellom anna mykje folkedans i mange former,
oppspeleing til feleknapp, framsyningskappleik og mangt
anna. Les
meir her.
(17/5-03) |
"Haralds
Illustrerte danseviser" til Kongen og
Dronninga og til Märta og Ari
 Harald
Aadnevik og Oslo Songdanslag ga føre jul ut ei bok der
Harald har illustrert ein del av dei mest brukte og
kjente folkevisene våre, viser som vert brukte til
songdans. I samband med at Kongen og Dronninga no har
vorte besteforeldre, og Märta og Ari foreldre, har Oslo
Songdanslag gjeve dei eit eksemplar av boka. Laget vonar
boka kan kome til nytte når det skal lesast og
forteljast for Maud Angelica, for Marius og for komande
barnebarn. Laget vonar også at dei kongelege vil bidra
med å sette folkevisene og songdansen i fokus, og at
rekrutteringa av dansarar på Karl Johan 17. mai vil
auke. Meir
om boka her.
(15/5-03) |
Mange
brukar bunad 17. mai, men mange kjøper også billege
"festdrakter"
Undersøkelser viser at ca 1/4 av alle normenn vil bruke
bunad 17. mai. Men samtidig er det mange som kjøper dei
billege fantasidraktene, såkalla
"festdrakter" - særleg gjeld det
barnedrakter. I fjor selde COOP til dømes 7000
barnebunader, og i år reknar dei med ei fordobling.
Cubus har selt fantasibunader for born i 10 år, og i
fjor hadde dei ein eksplosjon i salet, fortel dei til
Aftenposten. Direktør Magny Karlberg i Bunad- og
folkedraktrådet seier til Aftenposten at dersom fleire
kunne sy bunaden sjølve, så ville prisen på
"skikkeleg" bunad ikkje bli
avskrekkande.
(15/5-03) |
Svært
stor interesse for Strunkeveko 2003
Strunkeveko er
som kjent dei kursa i spel og dans som blir haldne i
Valdres i veka før Hilme-stemnet. Ei veke før
påmeldingsfristen er det heile 70 påmeldte. Maksimalt
kan det vere 100. Les
meir her.
(15/5-03) |
Mari
Boine og Solo Scissokho nominert til Nordisk råds
musikkpris 2003
Dei to er kandidatane frå Noreg. Prisen går til
utøvande musikarar og komponistar annakvart år. Les
meir her.
(15/5-03) |
 Hauk
Buen fekk Kongens fortensmadalje i gull på 70-årsdagen
Meistersdpelemannen og felemakaren Hauk Buen har nyleg
fylt 70 år, 11. mai,, og då fekk han også Kongens
fortenstmedalje i gull for sin store innsats for
folkemusikken. Dermed er Hauk den tredje i ein
søskjenflokk på fem som får denne utmerkinga. Knut og
Agnes har fått Kongens medalje før. Les
meir her.
(14/5-05) |
Programmet
for Riddu Riddu 2003 festivalen i Kåfjord lagt fram
Riddu Riddu er i Kåfjord 16 - 20 juli. Festivalen har
hatt økonomiske problem, men er no i ferd med å få
bukt med opparbeidd gjeld. Mellom artistane i år er
bandet Gåte. Nils Ingvar Gaup er årets unge artist.
Les meir på heimesida
til Riddu Riddu. Les også her
i Nordlys.
(11/5-03) |
Kappspell
i NRK: Dalakopa gjekk ikkje vidare til kvartfinalen
Søndag 11. mai var det nest siste runde i kvartfinalen
i Kappspell 2003. Det var også denne gongen 3 lag som
kjempa om plass i semifinalen. Av dei var det Rusten og
Åseggs kvintett som gjekk vidare. Dalakopa fekk 10.
plass totalt og gjekk dermed så vidt ikkje
vidare. Gruppa Nordafjells frå Oppdal vart totalt nr
12, og gjekk såleis heller ikkje vidare. Les
meir i NRK.
(11/5-03) |
Gruppa
"Utla" med ny CD
Den suksessrike gruppa Utla har kome med ny plate, denne
gongen med songaren Berit Opheim som gjesteartist. I
Utla spelar Håkon Høgemo (hardingfele), Terje Isungset
(saksofon) og Karl Seglem (trommer, munnspel). Kjetil
Bjørgan i NRK gjev den nye plata ros, men har også
negative kommentarar.
(10/5-03) |
Nytt
bunadleksikon i emning
Forlaget N.W.Damm & Søn AS har sett i gang arbeidet
med eit bunadleksikon på 3 bind som skal vere ferdig i
2005. Tanken vart lansert av konservator Kari-Anne
Pedersen ved Norsk Folkemuseum. Ho har mellom anna gjeve
ut boka om Beltestakken i Telemark. Redaktør for
leksikonet blir odølingen Bjørn Sverre Hol Haugen (30
år), som er etnolog, museumsstyrar på Eidsvoll museum
og har arbeidd mykje med Pols frå Finnskogen. Med i
redaksjonsnemnda er elles Mette Kahrs (konsulent i
Folkekulturforbundet), Kari-Anne Pedersen, Jon Fredrik
Skauge (konsulent i Bunad og folkedraktrådet) og Eli
Nistov (Husfliden Hamar). Leksikonet skal innehalde
tekst og bilete av meir enn 400 bunadvariantar.
(10/5-03) |
Stor
draktutstilling ved Hedemarkmuseet: "Moderne og
sømmelig"
"Draktskikk for kvinner i ringsaker fra 1750
til 1900" er undertittelen på utstillinga som er
open frå 18. mai til 15. juni, alle dagar kl 10 - 16. I
samband med utstillinga er det også kulturtilskipingar:
Søndag 18. mai kl 13.00 blir det foredrag ved Anne
Kjellberg og framsyning av dans ved Sølja. søndag 25.
mai kl 19 held Vigdis Vingelsgård foredrag og Toten
kontradans dansar. søndag 1. juni kl 19 vert det
foredrag av Kjersti prestkvern og dans ved Moulineten
Stildansgruppe.
(10/5-03) |
Apropos
bunad, festdrakt, prisar og slikt ....
I ein reklame frå "Spar kjøp" spanderer dei
store flotte bilete av "Norsk festdrakt" både
på framsida og baksida av brosjyra. Pene bilete av
drakter som ser fine ut! For dei som er på jakt etter
"bunad-liknande" klede må dette vere
freistande når ein samanliknar prisane med vanleg
norske bunader (20 000 - 50000 for ein kvinnebunad, sjå
litt lenger ned på sida). Nokre priseksempel: Festdrakt
komplett for kvinner kr 1850. Festdrakt for jente/gut kr
499. Festdrakt for mann (med skjorte) kr 1590. Festdrakt
ungdom kr 790. Bunadssko herre kr 199. Bunadsko dame kr
149. Sølje i sølv kr 199!! Ja, her er det sanneleg
lett for ein forbrukar å gå seg vill!? Ikkje rart det
blir diskusjon ??? Korleis kan det vere så billeg ?????
Kva er kvaliteten? Her
finn du informasjon og nettbutikk.
(8/5-03) |
Jan
Beitohaugen Granli med CD og DVD under Landskappleiken
I Avisa Valdres les vi i april at det har vore danse- og
spelopptak på bygdetunet ved Storefoss. Dei som dansa
springar var Anne Røine og Erik Onstad. Det var
opprinneleg meininga å lansere CD/DVD under Ål-dagane,
men nå har vi fått vite at det i staden blir under
Landskappleiken, fordi DVD'en ikkje blir ferdig i mai.
(5/5-03) (endra 6/5-03) |
Lokalkappleiken
i Øystre Slidre i april
Jan Beitohaugen Granli var best i A-klasse for
hardingfeleI bygdedans senior vann Geir Ove Hippe og
Mona Dalen føre Erik Onstad/Tone Vollhaug. I vokal
senior var Stian Roland best føre Gro Arneng.
(5/5-03) |
Fleire
menn skaffar seg bunad
Det nærmar seg 17. mai og bunadstid. Laurdag 3. mai
hadde Aftenposten ei heil sides reportasje om bruk av
mannsbunad. Mellom anna dess fakta kom fram om
bunadbruken i landet vårt: Det finst 2,22 millionar
bunader i Noreg (tal frå år 2000). 55% av kvinnene og
7% av mennene har bunad. Bunaden blir brukt i
gjennomsnitt 2,25 gonger per år. Bunadsnæringa omset
for ca 750 mill kroner i året. Meir enn 3000 kvinner i
distrikta arbeider i bunadsbransjen, av dei over 400
innvandrarar. Ein bunad kostar mellom 20 000 og 50 000
kroner. Leveringstida er frå 3 veker til 8 månader. Du
kan leige bunad for mellom 500 og 4500 kr per helg.
Salet av herrebunad har auka sterkt over heile landet
dei siste åra. Den mest populære mannsbunaden er
frå Gudbrandsdal, deretter Nordland og Hallingdal.
(4/5-05) |
"Majorstuen"
og "Edgar Heringstad" vidare i Kappspel i NRK
Søndag 4. mai var det igjen 3 orkester som prøvde å
kvalifisere seg til semifinalen i Kappspell i NRK. I
tillegg til dei 4 orkestra som var kvalifisert før,
går "Majorstuen" frå Oslo og "Edgar
Herigstads orkester" frå Nord-Trøndelag vidare. I
dei to siste programma skal det så plukkast ut 3
orkester til som går til semifinalen. Ben Andres
orkester frå Helgeland kom på delt 13. plass.
(4/5-03) |
Kulturveka
i Asker 3. - 11. mai med omfattande program
Programmet har også fleire program som gjeld
folkemusikk og folkedans. Det er bunadparade laurdag 3.
mai, jubileumsdansekveld 5. mai, gamaldansfestival 10.
mai og folkedanskveld 11. mai. Her finn det det
omfattande programmet.
(3/5-03) |
Stor
ny Folkemusikkfestival i Bergen under Festspela i
slutten av mai
Frå 21. mai til 1. juni går Bryggenspelet av stabelen
i Bergen. Det er Folkemusikkens venner i Bergen med Tore
Hansen i spissen som står bak. Namnet Bryggenspelet
kjem av at det vil foregå på og omkring Bryggen. Det
blir 12 konsertar på 12 dagar, og mange av dei beste
folkemusikkreftene i landet kjem, til dømes Hauk og
Knut Buen, Sondre Bratland, Finn og Øivind Vabø,
Kjersti Wiig, Annbjørg Lien, Arve Moen Bergset, Einar
Mjølsnes, Leif Rygg, Knut Hamre og mange fleire. I
timane føre kvar konsert vil lokale dansarar og
spelemenn underhalde. Dersom dette går bra, har dei
tankar om at det skal bli ein årleg festival, og
kanskje det også kan bli månadlege konsertar. Les
meir her, Les
også her. Sjå heile
programmet her.
(3/5-03) |
Koreografen
og dansepedagogen Lee Otterholt reiser tilbake til USA
Lee Otterholt heldt sitt siste kurs i Noreg i Nesodden
Internasjonale Folkedans sirket siste helga i april. I
kursannonsen les vi at han no forlet Noreg for godt. Han
har gjort ein stor innsats for dansen i landet, ikkje
minst innanfor folkedans.
(1/5-03) |
To
eller tre sviktar i Rørospolsen?
Kari Margrethe Okstad har i hovudfagsoppgåva si i
etnomusikologi ved Universitetet i Bergen (2002) teke
for seg svikten i rørospolsen basert på filmmateriale
ved Rff-senteret på Dragvoll. Viktigaste funnet er at
både 2 og 3 sviktar er mykje brukt i mange ulike former
av dansen, og at utøverane ofte blandar dei i ei og
same framføring. Tidlegare har granskarar som
Bakka (Norske dansetradisjonar 1978) og Blom (Fanitullen
1993) hevda at Rørospolsen nokså eintydig har 3
sviktar. Dette les vi i Norsk Folkemusikklag sitt skrift
16/2002 som nyleg kom ut.
(29/4-03) |
Hilmar-festivalen
i Steinkjer vart ei vellukka markering av 100-års
jubilanten
I samband med festivalen vart
Petter
A. Røstads Kvartett frå Levanger tildelt Hilmar
Alexandersens Musikkpris for innsatsen gjennom mange år
for folkemusikken. På
festkvelden i Dampsaga var det stor stemning og mykje
folk, men på sume av konsertane under festivalen var
det mindre folk. Men på Gåte-konserten var det full
fart. Her er nokre glimt frå avisene: Trønderavisa
, Adressavisa,
Trønderavisa,
(29/4-04) |
Vellukka
kurs i samspel for elevane ved Valle vidaregåande
Blåmann, blåmann med Odd Nordstoga i spissen haadde
eit vellukka kurs for elevane, fortel Fædrelandsvennen.
Les
meir her.
(28/4-04) |
"Drakt
og Samfunn" blir på nytt 10-vekttalskurs ved NTNU
Studiet er no er knytta til NTNU i Trondheim, med Egil
Bakka som fagansvarleg. Studiet går over eit år og det
er 4 samlingar i året. Samlingane skal vere hjå bunad
og Folkedansrådet på Fagernes. Søknadsfrist er 1.
juli, og for meir informasjon kan ein kontakte
Folkekulturforbundet ved Mette Kahrs (www.folkekultur.no)
eller Bunad- og folkedraktrådet (www.bunadraadet.no).
(28/4-03) |
UD
sin reisestønad til konsertar i utlandet: to
folkemusikkgrupper fekk
Av totalt 28 søknader som fekk støtte var det berre 2
med folkemusikk: Blåmann Blåmann fekk støtte til ein
folkemusikkturné i Skottland, medan duoen Fliflet /
Hamre fekk støtte til konsertprosjekt i Tyskland. Til
saman vart det delt ut kr 800 000 i dette halvåret.
Stønaden går til profesjonelle grupper. Les
meir
(27/4-03) |
Kappspell
i NRK er komne halvvegs og 4 grupper er klare
Av i alt 48 påmeldte lag, vart det plukka ut 18 til å
gå vidare i Kappspel i Folkemusikktimen på P2. No er 3
slike program sendt, og til saman 4 grupper er klare for
kvartfinalen der 9 grupper totalt sett skal vere med.
Søndag 27/4 var det Grindstuen og Midtlis, Separatistan
og Husk som kappspelte, og av desse gjekk Separatistan
frå Værran vidare. Etter vårt skjøn skulle vel
heller Grindstuen og Midtlis kome med blant dei 9, men
dei vart totalt nr 13, og Husk nr 18. Dei tre andre som
har kvalifisert seg er P.A. Røstad jr, Ole Liffs
og Hallingdal Kraftlag. Meir
her.
(27/4-04) |
Tre
gardar med "Dans Gardimellom" i Gudbrandsdalen
Tre storgardar i Gudbrandsdal, to i Vågå (Kleppe og
Valbjør) og Rudi Gard i Sør-Fron arrangerer ein
dansekurs-stafett i sumar med gamaldans, springleik og
parhalling. Dette skjer 24 - 26 juli. Det blir dugande
spelemenn og danseleiarar. Dette er ein del av eit
større opplegg "Gå
gardmillom" der heile 15 gardar er med. Les
meir her.
(26/4-03) |
 Sven
Nyhus med biografi om Hilmar Alexandersen
I år er det 100 år sidan Hilmar Alexandersen vart
fødd og 10 år sidan han døde. Nyhus kjem no med ein
fin biografi om den framifrå spelemannen og verket
hans. Alexandersen var spelemann heile livet, og hadde
det stort sett som sitt levebrød. Han spela ofte i NRK,
og det rikhaldige arkivet der har Nyhus utnytta.
Biografien er 3-delt: Ein del om spelemannen og livet
hans, ein CD med 26 opptak med spelemannen og ei samling
slåttar som Nyhus har skreve ned etter opptak. Dette er
eit stort og viktig arbeid som svært mange av dei
som er glad i godt felespel vi sette pris på. Idar
Karevold omtalar boka i Aftenposten i dag og gjev henne
fin omtale. Det er BUL Steinkjer som er utgjevar.
(26/4-03) |
Halvard
Kaasa held fram som leiar i NFD
På årsmøtet for NFD i mars vart Halvard Kaasa attvald
som leiar. Nye styremedlemer vart Tarjei Haugen og
Andreas Skeie Ljones, medan Helene Høye og Synnøve
Bjørset ikkje var på val. Varafolk vart Inge Midtveit
og Jon Anders Halvorsen.
(21/4-03) |
Torgeir
Straand vil ha tilbake den "gamle"
folkemusikktimen i NRK
I samband med NFD sitt årsmøte i Oslo i slutten av
mars var det også seminar om slåttespel i kommersiell
radio (Kanal 4). I samband med det skriv spelemannen
Torgeir Straand i Kvinten 2/2003 at mange vil ha tilbake
den gamle forma for folkemusikktime i NRK - dvs med
hovudvekta på dei eldste fromene for slåttespel og
kveding.
(21/4-03) |
Utdanning
i folkedans ved NTNU/Rff
Som før tilbyr NTNU/Rff ulike kurs i folkedans frå
hausten 2003. Det eine er 4 fordjupningsemne: Dansens
historie og estetikk I og II, Dokumentasjon og notasjon
og Etnokorelolgi. Desse emna tilsvarar i innhald og
storleik det tidlegare mellomfaget "Allmenn
dansekunnskap", og utgjer 10 vekttal. To av emna er
om hausten og to om våren. søknadsfrist er 10. mai.
Det arndre er "Innføring i norsk folkedans 5
vt" som er ei praktisk-metodisk innføring i norsk
folkedans for lærarar i grunn- og vidaregåande skule.
Det går over eit år, har 2 samlingar, kostar kr 2500,
har 30 studieplassar og søknadsfrist 15. juni. Meir
om dei to kursseriane her.
(21/4-03) |
Nytt
kurs i Norsk Folkeleg Dans - ein studiering på høgare
nivå
Frå hausten 2003 kjem det i gang eit nytt
opplæringstilbod som er eit samarbeid mellom Vegard
Vårdal, Oppland fylkeskommune, Folkekulturforbundet og
NU. Vårdal er hovudlærar på kurset, og Ami Petersson
og Martin Myhr blir også med som lærarar. Kurset går
over eit år og svarar til eit halvt års
fulltidsstudium. Meir
om kurset her. Det blir seks samlingar og
avsluttande eksamen.
(21/4-03) |
Amatørteaterfestivalen
i Oslo 23-25 mai
Det er Noregs Ungdomslag og Det Norske Teateret som
skipar til Norsk amatørteaterfestival . Her blir det
også mange kurs for dei som er interesserte i
folkemusikk, folkedans og bunader. Det blir mellom anna
kurs i "Slåtte-forteljing", kurs i
"Folkedansteater", kurs i "Folkedans på
scene" og kurs i "Bunad stand-up".
(21/4-03) |
Framsyningskappleiken
blir til NU-kappleiken
I ein del år har det på NU-stemna vore såkalla
Framsyningskappleik. På Folkekulturfestivalen 2003 blir
denne utvida og får namnet NU-kappleiken. Den tar også
opp i seg oppspelinga til feleknappen og spelmerket. Det
er Dansarliv 1/2003 som melder dette.
(21/4-03) |
"Dansarliv"
frå NU ikkje lenger som papirutgåve
"Dansarliv" er namnet på det vesle
meldingsbladet frå Noregs Ungdomslag som har
informasjon om folkedans. Nr 1/2003 vart det siste som
kom i papirform, frå no av vil det kome som e-post, og
vil dessutan vere å finne på heimesida
til NU.
(21/4-03) |
Folkemusikk
Nord kartlegg nordnorsk folkemusikk og dans
Nettverket Folkemusikk Nord arbeider med nordnorske
folkemusikk og danstradisjonar. Dei kartlegg no ved
hjelp av ei spørjeundersøking aktiviteten på feltet i
dei ulike kommunene i Nord-Noreg. Terje Foshaug ved
Nordnorsk Folkemusikksenter i Målselv er ansvarleg for
arbeidet.
(18/4-03) |
Marit
Rusten frå Heidal fekk COOP-prisen under Vågå-treffen
Under det 18. folkemusikktreffet i Vågå i januar fekk
den unge felespelaren Marit Rusten fekk pris frå COOP
Gudbrandsdal. Treffet på Vågå Hotell vart også denne
gongen ei vellukka samling, fortel Spelemannsbladet
2/03.
(18/4-03) |
Mange
krev hovudfag i folkedans
På representantskapsmøtet til Rff hausten 2002 la ei
aksjonsgruppe for hovudfag fram ein rapport og mange
underskrifter. I dei åra det har vore grunnfag og
mellomfag har 274 studentar teke eit eller fleire av
delstudia. Dei konkluderer med at tida no er inne for å
få hovudfagsutdanning i folkedans i Noreg.
(18/4-03) |
John
Ole Morken frå Ålen fekk Holåen kommunes
kulturpris for 2002
Spelemannsbladet 2/03 fortel om den 23 år gamle
studenten, samlaren, spelemannen, komponisten, leiraren
og læraren. Han er med i Fjellrypa spellemannslag og
Søøndre Trondhjems spellemannslag. Han byrja
spele fele for 10 år sidan. Han er i år student ved
Dragvoll i Trondheim, er lærar på fleire kulturskular
i heimetraktene, har i løpet av 7 år samla og delvis
skreve ned 1500 slåttar (!), har komponert 42
slåttar/musikkstykkje og har formidla musikk på ulike
måtar mellom anna i radio. Jau, han fortener verkeleg
ein pris!
(18/4-03) |
 Spelemannen
Lars L. Skjervheim døydde 29. januar 2003 87 år gamal
Lars Skjervheim var ein av våre fremste spelemenn,
tradisjonsbærar, ein dugande pedagog og produktiv
komponist. Han var fødd i Myrkdalen ved Voss i 1915, og
lærde seg særleg spel i Vossetradisjon. Han hadde han
eit svært allsidig spelemannsliv. Han deltok på ei
lang rekkje kappleikar, og vann Landskappleiken i 1972.
Han spela i ca 300 bryllup, på mange tilstellingar og
på turar i inn- og utland for ulike dansegrupper. Han
la ned eit stort arbeid i opplæring av yngre spelemenn,
både i Hordaland og i Sogn og Fjordane og andre stader,
og mellom elevane hans finn vi kjente namn som Leif Rygg
og Håkon Høgemo. Han komponerte ei lang rad slåttar
og dansar i gamal stil - nesten 300 til saman. Han spela
ofte i NRK og var med på fleire plater. Han budde
i mange år i Årdal i Sogn men frå 1981 budde han i
heimbygda att. Han var æresmedlem i fleire lag, mellom
andre LfS, fekk kongens fortenstmedalje i gull og mange
andre utmerkingar. Til 70-årsdagen hans kom
heidersskriftet "Huldra mi".Les
meir her.
(17/4-03) |
Dansegruppa
Kusum Gboo Dance Ensemble (Ghana) på turne
Med støtte frå Kullturrådet og UD har denne
dansegruppa framsyningar mange stader i landet i mai. Her
finn du meir informasjon.
(16/4-03) |
Gåte
opnar Hilmarfestivalen i Steinkjer
Den aller første Hilmarfestivalen
i Steinkjer går av stabelen 24-27 april. Gåte opnar
festivalen torsdag. Elles er det mange spennade namn,
mellom andre Sven Nyhus, Arve Tellefsen, Irsk
folkemusikk, og mykje anna. Les
meir her.
(16/4-03) |
Kappspell
i NRK - resultat 1. program
Resultatet av første program vart at P.A.Røstad jr.
orkester med Einar Olav Larsen og Ole Liffs Kvintett er
klare for semifinalen. Begge orkestera er frå Verdal. Les
alle resultata her.
(16/4-04) |
Førdefestivalen
satsar på ny frisk utsjånad
Etter 13 år med den same designen, synest
Førdefestivalen at det er på tide å fornye seg. Men
programprofilen er den same gode gamle. I år blir det 9
ulike kurs, og 250 ulike artistar vil delta i dei mange
programinnslaga.I år er det også EBU-festival,
ettersom EBU har valt festivalen som sin 24. fesival. Les
meir om det spennande programmet her.
(16/4-03) |
Kappspel
i NRK startar søndag 13. april på P2
Det har meldt seg i alt 48 gamaldansorkester, og Andreas
Lunnan er programleiar. Sendingane framover går kl
18.30 - 19.00. Her
finn du oversikt over alle orkestera som skal vere med.
(12/4-02) |
Unni
Løvlid skal delta på Molde Jazzfestival
Den kjende folkemusikaren stiller i år på Moldejazz
med eit nytt eksperimentelt musikkverk. Ho skal opptre
saman med Helge Sten i gruppa Motorpsyko og Supersilent
og perkusjonisten Terje Isungset. Det blir snakk om fri
improvisert musikk med røter i norsk folkemusikk.
(8/4-03) |
Naustedalen
Spelemannslag feirar 50 år
Det aktive spelemannslaget i Sunnfjord markerer 50 års
jubileet med mange tilskipingar, frå Gamaldansgalla 25.
oktober til jubileumsfest 17. januar. Sjå "Alt
som skjer" for detaljar.
(8/4-03) |
To
CD'ar blir presentert på årets Hilme-stemne
I pressemeldinga frå stemnenemnda står det at kvedaren
Marit
Mattisgard frå Øystre Slidre for fyrste gong gje ut
CD. Dessutan blir det gjeve ut ein CD med arkivopptak
med hardingfelespelemannen Ola Grihamar d.e frå
Vang
(5/4-03) |
Programmet
for Jørn Hilme-stemnet 21-27 juli er klart
Stemnet varer no frå månadag til søøndag, sjølv om
det meste er konsentrert om dei 3 siste dagane. Det er
eit omfattande program som også er godt integrert med
Strunkeveko - med elevane og lærarane der.
Tilskipingane på Valdres Folkemuseum står som vanleg
sentralt. Laurdag er det "Sumarkveld på
Museet" med mange ulike tilstellingar, mellom anna
dans til Sven Nyhus kvintett, "Bygdedans på tusen
golv", Nivelkinn-konsert og utekappleik. Her
finn du det rikhaldige programmet. Stemnet fekk i
år auka statleg støtte og hadde i fjor 5000
besøkande. I år er det også "masterclass i dans
og uttrykk", med Ingar Ranheim og Leif Stinnerbom
som instruktørar. Arrangørane vil at stemnet både
skal vere intimt og stort på same tid.
(4/4-03) |
Folkemusikkveka
i Ål har heile programmet klart, 25 mai - 1. juni
Denne festivalen legg hovudvekta på tradisjonelt
slåttespel, kveding og bygdedans. Men det er også
mange andre aktivitetar i form av kurs, utstillingar,
barneprogram og anna. Statsråd Toril Skogsholm opnar
festivalen søndag 25. mai kl 17. Kortprogrammet
finn du her.
(4/4-03) |
Västanå
Teater i Oslo 12. april
Västanå Teater er kjent som det leiande (og einaste?)
folkedans og folkemusikk-teateret i Norden. Leiaren er
Leif Stinnerbom, som har regi og manusansvaret for
oppsettinga. Gjestespelet deira heiter "I onda
ärenden" og er basert på tekstar av Selma
Lagerlöf og Anton Tjechov. Det foregår i Parkteateret
kl 18, og billettar kan bestillast på 815 33 133.
(4/4-03) |
Marit
Eggen og Helene Høye presenterte ny CD
 I
kjellaren på "kafeen "Bør og Børsen" i
Oslo presenterte dei to gudbrandsdalsjentene den nye
CD'en sin Glød mådag 31. mars. Lokalet er ikkje så
stort, men det var fullt av folk som ville høyre dei
spele frå den nye plata. Dei gav også ut plate for 10
år sidan - ho heitte "Spell levande". Denne
gongen er det ei blanding av tradisjonelt slåttestoff
frå Gudbrandsdalen og ein del stoff som dei har laga
sjølve. Nokre av slåttane spelar dei solo, men mange
ei i samspel. Til ein del av arrangeringa har dei fått
hjelp av Sven Nyhus, elles har dei stått for også den
sjølve. Begge har i mange år vore mellom våre fremste
spelemenn. Det har blitt ein fin CD som det er godt å
lytte til. Plata kjem ut på det nye plateselskapet
2L.
(31/3-03) |
Annbjørg
Lien på turne i Spania
Laurdag 29. mars har Aftenposten eit heilsides intervju
med Annbjørg Lien og reportasje frå den turneen som ho
og bandet hennar har hatt i Spania. Turneen er komen i
stand i samband med at den siste plata "Baba
Yaga" blir lansert i landet. Turneen går med stort
underskot, men det er ei investering for framtida, blir
det opplyst. I dei typiske klubbmiljøa for verdsmusikk
er det stor interesse for musikken hennar. Elles les vi
at Lien er gravid og skal ha barn i august. Ho og
sambuaren Bjørn Ole Rasch har nyleg kjøpt hus i
Kristiansand og skal busette seg der. Rasch spelar også
i bandet hennar, er produsent for platene og er med i
"Bukkene Bruse", som no snart skal ut på ny
turne. Ho fortel også at ho reknar med at det skal gå
greitt å kombinere rollene som mor og artist. Les meir
på
heimesida til Lien.
(29/3-03) |
 Finnskogspolsen
ein populær dans
Denne dansen må vel reknast som ein av våre
"nyaste" bygdedansar, og både musikken og
dansen vinn seg vener, både blant spelemenn og
dansarar. I Oslo vier Leikarringen
Symra to av øvingskveldane til å lære denne
polsen. Det
er Bjørn
Sverre Haugen som rettleier og
Lene Furuli og Helle Steinsholt Jansen frå gruppa
Veggpryden som spelar (sjå biletet). Så siste
øvinga i mars og første i april vert det mykje
"korte 3-ar-slag" i Storsalen i BLS-huset
onsdagane.
(28/03-03) |
Mari
Eggen og Helene Høye med ny CD
Dei to dugande felespelarane frå Gudbrandsdalen kjem i
desse dagar med sin andre CD, ti år etter plata
”Sprell levande” (Grappa 1993). Den nye heiter
"Glød" og blir presentert under FolkemusikkPØBB
på ”Prøverøret”, Bør og Børsen (Trondheimsveien
13) måndag 31. mars kl. 2030. Di to er også månadens
artist i Norsk
Folkemusikkatalog.
(28/03-03) |
Folkemusikklina
ved Fana
Folkehøgskule manglar elevar
I fjor starta skulen med ei line i europeisk
folkemusikk, og lina starta opp med 6 elevar - som etter
kvart vart til 10. I eit e-postbrev fortel hovudlæraren
for lina Olav Tveitane at dei no berre har to søkjarar,
og oppmodar alle om å gjere tilbodet kjent mellom
aktuelle søkjarar. Dei kan vende seg til Tveitane på
telefon 55 52 63 60/fax 55
52 63 61 eller e-post
til skulen.
(28/03-03) |
"Gåte"
får mykje ros også i Danmark
Berlingske Tidende rosar CD'en til Gåte og seier mellom
anna at bandet har fantastisk musikalitet og at
vokalisten Gunnhild E. Sundli er eit funn av
dimensjonar.
(25/3-03) |
Meir
støtte til folkekulturen og mindre til
"elitekulturen"?
Som innspel til den komande kulturmeldinga har
Forskningsrådet gjeve ut ei bok med artiklar av 30
forskarar. Georg Arnestad har skreve "Tilbodet
veks, etterspørselen stagnerer" der han etterlyser
er slik omfordeling av den statleg støtten. Det er
Aftenposten som skriv dette i eit intervju med Arnestad
(tysdag 25/3-03)
(25/3-03) |
Telemarkfestivalen
i Bø 4-8 august presenterer programmet
Det blir mykje norsk folkemusikk på festivalen. Eit
heilt spesielt prossjekt med samisk musikk rundt
Hardangervidda blir det også. I alt blir det 140
artistar fordelt på ca 20 grupper. I år vert det ikkje
kollisjon med Blus-festivalen på Notodden. Elles blir
det ein spennande konsert "Årolilja" med Øyonn
Groven Myhren, Bugge Wesseltoft og Nora Taksdal. Elles
blir det kjente grupper som Frigg (Finland/ Norge), The
Tramps (norsk/irsk folk-rock), Bengalo (sigøyner/
Balkan), Kvarts m/ Jo-Asgeir Lie, Øystein Rudi, Tom
Willy Rustad og Erlend Styve, samt gjestene Birger
Mistereggen og Berit Opheim. Les
meir her.
(25/3-03) |
Blåmann,
Blåmann på samspelhelg i Valle
På Valle vg skule vert det samspel 25-26 april. Les
her.
(25/3-02) |
Tango
og norsk folkemusikk i Gausdal.
Guasdal Kulturskule arrangerer laurdag 29. mars ein
heilt uvanleg konsert, med dugande utøvarar både i
folkemusikk og latimamerikansk tango. Les
her.
(25/3-03) |
Stor
interesse for Kappspell i NRK
Det blir hard kamp om "Norgesmeistertittelen"
i gamaldansmusikk som vil gå føre seg på NRK P2 og i
Fjernsynet. Når fristen no har gått ut, har 48 ulike
orkester meldts seg på, mellom dei mange av dei beste i
landet. Domarar vert Helene Høye, Jan Erik Kongshaug og
Kjell Harald Langhaug. Les
meir her.
(25/3-03) |
Veslemøy
Leikarring i Horten: Ein av mange aktive ringar.
Det blir skreve og sagt mykjeom at folkedansen som eit
døyande fenomen. Men rundt om i landet er det mange
leikarringar og folkedanslag som driv aktivt med
øvingar kvar veke og regelmessige kurs. Ein av desse er
Veslemøy i Horten. Borre Leikarring er ein annan. Les
her litt om dei to leikarringane.
(23/3-03) |
Fleire
medlemer i LfS
Per 1/1-03 var medlemstalet 5193, og det er ein oppgang
frå året før. Talet på vaksne medlemer gjekk ned,
medan talet på barnemedlemer auka.
(22/3-03) |
Ei
utgreiing om Dansens Hus er sendt til høyring
Med midlar frå KUF har Senter for Dansekunst
gjennomfør ei utgreiing om Dansens Hus - formål,
organisasjonsform og drifts- og styringsmodell.
Utredningen er gjennomført av gtl Management ved Gunnar
Thon Lossius i samarbeid med ei referansegruppe. Det er
uklart i kva grad folkedansen vil engasjere seg i dette.
Utgreiinga kan lastast ned
her.
(22/3-03) |
Eit
omfattande program på Rudi Gard i sommar
Også i år blir det mange og spennande tilskipingar på
Rudi Gard i Gudbrandsdal. Det er Øystein Rudi som er
primus motor for dette, som for ein stor del foregår
på garden hans i Sør-Fron. Mellom dei kjente namna
finn vi Susanne Lundeng, gruppa Triakel, Ytre Suløen,
Berit Opheim, Mari Maurstad, Øyonn Groven Myhren,
Kvarts og mange fleire. Meir
her. Første tilskipinga er fredag 23. mai. Programoversyn
her.
(22/3-03) |
Kurset
UngFolk for første gong i Seljord i august
I dagane 3-8 august blir det kurs for unge som vil lære
å spele folkemusikk og danse. Det er Telemark
folkemusikklag og Folkemusikkarkivet i Telemark som
står bak tiltaket. For dei vidarekomne heiter tiltaket
MeisterUngFolk. Det er mange flike lærarar,
mellom dei Øystein Romtveit, Torunn Raftevold Rue og
Per Anders Buen Garnås (hardingfele), Gøril Ramo Håve
(langeleik), Aaste Kveseth (torader), Silje Hegg (fløyte),
Anders Røine (munnharpe), Kari Lønnestad og Ragnhild
Furholt (kveding), Jorunn Manheim Torjussen (dans) og
Eivind Bakken (halling).
Kursleder: Tone Jorunn Tveito. Les
meir her.
(22/3-03) |
Konsertar
til minne om Hilmar Alexandersen
"Polsdans og plagiata …. i Hilmar Alexandersens
fotefar" er namnet på ein konsert i Oslo 29. mars.
Det er mange kjente spelemenn og dansarar i aksjon -
først og fremst familien Larsen (Geir Egil, Einar Olav
og Gjermund), P.A. Røstad jr. Martin Myhr og fleire. Les
meir om konserten her. Konserten er også i Steinkjer 24-27
april.
(22/3-03) |
Lokalkappleik
og runddanstevling for heile Valdres 5. april
Det heile foregår på Tingvang, og kvelden før blir
det springarfest. I fjor var det 57 (!) ulike klassar i
lokalkappleiken, men i år skal det foreinklast: A og
B-klassane blir slått saman og ein vil ikkje operere
med 1. 2. og 3.-premiegrader, men berre offentleggjere
rekkjefylgja.
Informasjon kappleiksgeneral: Sigurd
Bolstad: 6134 0033.
(21/3-03) |
Unge
trekkspelar Mona Holm frå Sørskogsbygda suveren
I distriktsmeisterskapen på trekkspel og torader
for Hedemark og Oppland var den unge jenta på 21 år
best. Ho har tidlegare vorte distriktsmeister 13 gonger
og i alt 7 Norgesmeitertitlar. Norgesmeisterskapet
blir i Troms 25-29 juni. Meir
her.
(21/3-03) |
Konsertserien
OsloFolk startar igjen 27. mars
Det startar med gruppa Tigerlilly som også skal
presentere ei ny plate denne kvelden. Det foregår i
Parkteateret i Oslo (Olaf Ryes plass 1) kl 21. Med i
denne gruppa Elisabeth Vatn (sekkepipe, harmonium, meråkerklarinett
og bassklarinett), Olav Torget (gitarer, konting, bass,
kinesisk månegitar og banjo), Harald Skullerud
(perkusjon og trommer) og Andreas Utnem (keyboards og
harmonium). Les
meir her.
(21/3-03) |
Fagseminara
i NU på Sørmarka 25-27 april
Fagseminara i NU blir også i år på Sørmarka utafor
Oslo. Innan folkedans er det i år eit todelt seminar:
"Ungdomsringseminar" og " Ein annan
dans". "Ein annan dans" er for
folkedansinstruktørar og vil ta for seg spenningsfeltet
mellom norsk dansetradisjon og ei breiare tilnærming
der alle danseformer skal takast på alvor. Ein skal gje
råd til NU sitt arbeid med folkedansen i åra framover.
Seminaret Ungdomsring skal drøfte arbeidsformer,
organisering, dansekvalitet og danseutval i
arbeidet med ungdomsringar. Ungdomsringane skal ha ei
samling i Midt-Gudbrandsdal 5-7 august. Påmeldingsfrist
er 20. mars. Det blir også Bunadseminar på
Fagseminara. Les meir
hjå NU.
(20/3-03) |
Tradisjonell
leikfest på Dombås laurdag 29. mars
Også i år byr Dovre folkedanslag inn til stor leikfest
- den 14. på rad. Det blir både Minikonsert, songdans,
turdans og gammaldans i tillegg til rømmegraut og
spekemat, kaffi og kaker. Musikken blir av beste merke:
Nye Ringnesin. Påmelding innan 18. mars til Ragnhild
Smette (612 41511) eller Kirsten Jørstad (612
41680).
(15/3-03) |
 Jan
Beitohaugen Granli med ny CD
Den dugande Valdres-spelemannen kjem snart med sin
første CD - på plateselskapet Ta:lik også frå
Valdres. Jan Beitohaugen Granli går no på
spelemannsskulen på Voss og har Olav Jørgen Hegge som
personleg lærar i felespel. Den nye plata skal
presenterast under Folkemusikkveka i Ål. Granli er
særleg kjent for sitt drivande dansespel og det vil
sikkert også prege den nye plata. Plateselskapet Ta:lik
har tidlegare gjeve ut nokre CD-produksjonar med
arkivopptak, til dømes med Ola Bøe, Harald Fylken og
Olav Moe. Så det er noko nytt når dei no satsar på
levande opptak.
(15/3-03) |
 Program
for Førde-festivalen: Europeisk fyrverkeri 3.-6. juli
"Europeiske stemmer" er i år temaet for
festivalen. Det heng mellom anna saman med at European
Broadcasting Union har valt festivalen i Førde som
vertskap for sin 24. EBU-festival. Heile 17 grupper frå
16 europeiske land vil presentere ei stor breidde i
musikken. Men det blir også grupper frå fleire andre
kontinent. Argentina, Madagaskar, Afganistan og Siri
Lanka vert med. Mykje bra frå vårt land blir det
også: Majorstuen, Flukt, Trispann, Jan Beitohaugen
Granli, Per Sæmund Bjørkum er mellom dei norske. Det
blir også danseforestillinga Den som rulla’
ette’ golvé samlar 12 av dei beste dansarane og
dansespelemennene Norge kan by på, m.a. Martin Myhr,
Gunnlaug Lien Myhr, Geir Helge Espeseth, Øystein
Romtveit, Hæge Manheim, Egil Syversbråten og Vidar
Underseth. Meir
her.
(14/3-03) |
Folkedansdisko
- ein ny vri på folkedansen?
Søndag 16. mars kl 19.30 kan du i Oslo oppleve ein
annleis folkedanskveld i Storsalen i Nordahl Brunsgt.
22. Då vert det ikkje eit folkedanslag eller ei
gamaldansgruppe som syter for musikk - men det blir
disko-musikk, rett nok folkemusikk-disko-musikk.
DJ er Benjamin Kehlet. No blir det også høve til
ein heilt annan dans: Frå kl 18.00 vert det minikurs i
storgardsdansar (balldansar) med Per Kristian Elvestad
som instruktør.
(14/3-02) |
Norsk
folkemusikk blir neglisjert på Festspela i
Bergen?
Dagleg leiar i NFD Jan Lothe Eriksen synest at Festspela
i Bergen neglisjerer norsk folkemusikk og folkedans. I
år er det nesten berre Fanitullen det blir plass til.
Mellom dei ca 100 programma er det berre plass til
eit med norsk folkemusikk - Nils Økland og Berit Opheim
- og det er alt for dårleg seier Eriksen. Men
Festspeldirektør Bergljot Jonsdottir
seier at ho er glad i norsk
folkemusikk. Les
meir her.
(14/3-03) |
Kappspel
i NRK: Påmeldingsfrist er 14. mars
Vi minner om at påmeldingsfristen snart går ut. Her
finn du reglar for tevlinga og påmeldingsskjema.
(9/3-03) |
 Ragna
Brenno Frydenberg får kongens fortenstmedalje i gull
Ho er snart 97 år, og har gjort eit stort arbeid med å
berge langeleikspelet over i vår tid. I mange år spela
ho i dei gamle stovene på Folkemuseet på Bygdøy. Ho
førde vidare spelet etter far sin Ola Brenno. Ho har
budd lenge i Oslo men kjem frå Valdres. I
folkemusikktimen søndag 9. mars vart ho intervjua og vi
høyrde opptak.
(9/3-03) |
Petter
Andreas Røstad tildelt kongens fortenstmedalje i sølv
Det var fylkesmann Inger Lise Gjørv som ved ei
tilstelning på Backlund Hotell i Levanger overrekte
medalja. Han får medalja for det store arbeidet har har
lagt ned for gamaldansmusikken særleg, for samling av
musikk, opplæring i musikk og for formidling av god
runddansmusikk. Les
meir her.
(9/3-03) |
Gruppa
"Utla" og Berit Opheim med plateslepp og turne
i Tyskland
Fredag 7. mars slepp NORCD plata SONG med UTLA og BERIT
OPHEIM - i Linz. Les
meir om det her.
(7/3-03) |
Vellukka
Folkedansfest på Ås
Leikfesten på Ås har i mange år vore ein av dei
største og beste i landet. Også i år hadde dei samla
svært gode musikarar (Jan Beitohaugen Granli, Vidar
Lande og Sven Nyhus orkester), og det var ca 200
dansarar. Les
meir her.
(5/3-03) |
 Heile
leikarringen vart invitert i bryllupet
Vi snakkar om Leikarringen Symra i Oslo, og bryllupet
til Heidi Sætern og Geir Opdahl - begge medlemer i
leikarringen. Bryllupet var laurdag 1. mars i Furuset
kirke, og mange frå Symra hadde møtt opp og
danna espaljer utafor kyrkjedøra med sverd og kransar.
På biletet ser vi brudeparet som går mellom dei
oppstilte dansarane. Det har vore vanleg gjennom heile
historia til Symra at medlemene på den måten møter
opp utanfor kyrkjedøra for å heidre medlemer som
gifter seg. Men det er første gongen at heile
leikarringen (ca 110 medlemer) vart invitert i
bryllupet. Sjå
fleire bilete her.
(1/3-03) |
8,6
mill kroner fordelt til folkemusikk, jazz, verdsmusikk
og rock
Tildelinga frå Musikkverkstadordninga vart gjort kjent
i dag, siste dagen i februar. Samla søknadsbeløp var
på 36 mill. kroner, så dei fleste søknadane fekk
ikkje noko. Av totalt 955 søknader var det 433 som
fekk. Norsk Musikkråd administrerer ordninga, og
pengane går til framføringsutstyr, øvingsutstyr,
opplæring og bygningsmessige tilpasningar. Les
meir her. I folkemusikk går det meste til
kurs og seminar og ein del til instrument. Her
finn du oversikt over alle tildelingane.
(28/2-03) |
Organisasjonane
krev betre innkjøpsordning for fonogram
Mange organisasjonar, mellom dei Rff, LfS og NFD, krev
at politikarane nå må betre ordninga frå 18% til 70%.
Dei ventar at når kulturmeldinga blir lagt fram til
våren, blir det ei vesentleg betring. Innkjøpsordninga
mfor fonogram vart etablert i 1985. Kvart år blir det
brukt 4 mill. kroner til innkjøp. Ca 18 % av CD'ane
vert innkjøpt enten i 430 eller i 550 eksemplar. Meir
her.
(28/2-03) |
Folkemusikkmiljøet
kjenner seg tilsidesett
Det er mange innan folkemusikken som er misnøgde med
måten Spellemannsprisen vart presentert på på TV.
Mellom andre er dagleg leiar i LfS kritisk. Det viser
seg også at sjåartala for programmet har gått sterkt
nedover dei to siste åra. Les
meir her.
(27/2-03) |
Norsk
Folkemusikkformidling har laga ny presentasjons-CD
Norsk Folkemusikkformidling driv Norsk
Folkemusikk-katalog - som er ein presentasjon av
over hundre ulike artistar og pedagogar på Internett.
Det er artistar frå denne katalogen som er med på
denne andre presentasjons-CD'en. Dei kutta som er
med på plata er både slike som er henta frå
tidlegare CD'ar og slikt som ikkje tidlegare har vore
presentert. Mange kjente artistar er med som Utla
m/Berit Opheim, Knut Hamre, Knut Kjøk/Dag Gården og
andre - til saman 22 ulike kutt. Les
meir her og få full oversikt.
(27/2-03) |
Folkemusikkhelg
i Stavanger 21-22 mars i Siddisstova
Fredag 17-20 er det Balladeseminar, og etterpå er det
konsert med gruppa Tindra. Etter det er det dansefest.
Laurdag held seminaret fram frå 09 - 12. I tida 12.30 -
18 er det kappleik, og frå kl 20 er det fest med
premieutdeling. Dei som står bak folkemusikkhelga er Vibå Spelemannslag, Bondeungdomslaget i
Stavanger og Folkemusikkarkivet i Rogaland.
(27/2-03) |
Folkemusikk
og dans på Grundsetmartn
Grunsdsetmartn har alltid vore 1. helga i mars - og den
største martnaden i landet i si tid. Torsdag kl 20-22
blir det dans på Elvarheim, og etterpå
Folkemusikkpøbb. Fredag blir det storfest frå kl
19.30 og utover, og då spelar mellom andre
Stoviltlaget. Laurdag 11 - 15 blir det middagsdans, og
frå 11 -12 kurs i Elverumspols. Så det blir mykje
musikk og dans å vere med på.
(27/2-03) |
Bygdelaga
i Oslo skipar til Bygdedansfest 21. mars
Dei bygdelaga i Oslo som mest aktivt driv med bygdedans
har gått saman og skipar til Bygdedansfest fredag 21.
mars. Det blir bygdedans frå Valdres, Telemark,
Hallingdal og Numedal i tillegg til noko runddans.
Framifrå spelemenn blir å finne, til dømes Jan
Beitohaugen Granli. Festen blir i Folkets hus på
Kjelsås og startar kl 19.30.
(25/2-03) |
Sinikka
Langeland avsluttar sitt 3-årige prosjekt om
Finnskogkulturen
I mars har Sinikka Langeland ein serie konsertar med
stoff frå det prosjektet ho har arbeidd med i 3 år: Å
dokumentere og levandegjere restane av finnekulturen
frå hennar heimetrakter, Svullurya på Grue Finnskog.
Arbeidet har resultert i boka "Karhun
emuu"gjendikting av 32 runesongar frå Finnskogen
(Achehoug 2001), så seinare same året CD'en
"Tirun lirun" med både autentiske opptak og
eigne songar og opplesingar, og i fjor kom CD'en
"Runjoa" på Heilo/Grappa der ho har tonesett
mange av runesongane med ny musikk frå finske område.
Den første CD'en vekte oppsikt også i Tyskland der
musikkbladet Volker peika "Tirun Lirun" ut som
månadens CD. Konsertruta
til Sinikka Langeland finn du her. I tillegg til
dette arbeidet med runesongane, har Sinikka Langeland
også samarbeidd med organisten Andreas Liebig med
Bach-musikk.
(25/2-03) |
Tom
Løvlid sparka høgast i halling på Markenskappleiken
på Kongsberg
Men det var Sigbjørn Rua, også han frå
Småjondølane, som vart best i klassen Laus kl A. Han
vann også Dans hardingfele kla A for gutar, medan
Rannveig Bakka vart best mellom jentene. I eldre
folkemusikkinstrument senior vart Svein Westad best. Les
meir her.
(25/2-03) |
Ny
husflidsutsal på Internett: www.husflid.as
Eit nytt utsal av husflidsvarer er opna på Internett: www.husflid.as.
Her er det meininga at handverkarar av alle slag kan
selje produkta sine. Dei som driv nett-staden held til i
Dalen i Telemark. Prosjektleiar er Nina Jacobsen, og dei
som står bak er gründerane Gunnvald Solli og Mikkel
Aaanderaa. Verksemda har fått 150 000 kr til oppstart.
(25/2-03) |
Rørosmarknadn
gjennomført på tradisjonelt vis for 150. gong
Nest siste veka i februar har det vore marknad på
Røros i 150 år. Også i år var det tradisjonell
marknad med mykje folk i dei sentrale gatene og mange
dansarar på middagsdansen og på kveldsdansen. Les
meir om Marknadn her.
(25/2-03) |
Musikkhøskolen
i Oslo tilset lærar i fele - folkemusikk
Det er snakk om ei halv åremålsstilling
(førsteamanuensis) for 6 år med søknadsfrist 31.
mars. Stillinga gjeld frå 1. august 2003. Vedkomande
skal særskilt arbeide med strykeropplæring for
felestudentar, og det krevst både teknisk kompetanse og
folkemusikkkompetanse. Les
meir her.
(25/2-03) |
Odd
Nordstoga misnøgd med Spellemanns-sendinga
Til aviser i Telemark seier han at TV2 si sending
nedprioriterte fleire kategoriar , mellom dei
folkemusikk, som vart klipt bort frå sendinga. Han
synest det er synd at folkemusikken skulle få så
stemoderleg behandling. På den andre sida er han glad
for å ha fått Spellemannsprisen. Les
meir her.
(25/2-03) |
Tom
Rustad tilsett i stillinga etter Sven Nyhus
Tom Rustad er tilsett i folkemusikk på
Musikkhøgskolen i Oslo - den stillinga Sven Nyhus hadde
i mange år. Han arbeider også som lærar ved
Vinstra vg skole, og pendlar mellom Oslo og Vinstra. Tom
Rustad spelar fleire instrument, men særleg
trekkspel/torader. Han er også med i gruppa Kvarts. Han
har undervist fleire stader dei siste åra ved sida av
å vere utøvande musikar.
(25/2-03) |
"Harpa"
- ei fin forestilling bygd på folkededans og
folkemusikk
Haugesund Teater viste i slutten av januar forestillinga
"Harpa" som er bygd på den gamle kjente
folkevisa "Horpa". Forestillinga har fått god
omtale. Det var Nils Økland som hadde ideen til
forestillinga. Ingvill Marit Granås framfører balladen
om dei to systrene, og nyttar ulike tonar frå fleire
delar av landet. Dansen i forestillinga har element
både frå moderne dans og folkedans. Det var berre to
forestillingar med "Harpa" i Haugesund, men
det kan vere aktuelt å sette ho opp på ein av
festivalane eller på turne med rikskonsertane fortel
Ingvill Marit Garnås til Kvinten (1/2003)
(25/2-03) |
Vidar
Lande professor i folkekultur ved Akademiet på Rauland
Hardingfelespelaren Vidar Lande - 53 år - frå
Arendal er tilsett som professor ved Akademiet i
Rauland. Rauland-Akademiet skal tilby hovudfagsstudium i
folkekunst frå hausten 2003, og då lyt dei ha ein
professor som leiar for master-studiet. Han byrjar i
stillinga 1. mars. Vidar Lande er ein av våre beste
spelemenn, sjølv om han ikkje er nokon trottig
kappleikdeltakar. Han har særleg grundig kjennskap til
musikken i Agder og Setesdal, men spelar også slåttar
frå mange andre strok av landet. Han har doktorgrad i
filosofi frå Canada, har undervist i mange år på den
vidaregåande skulen på Jessheim, har gjeve ut mange
plater og bøker og gjort eit grundig granskararbeid om
musikken og musikarane i Setesdal og Agder. Han har
også vore ein mykje brukt lærar på kurs og har skrive
mange artiklar om ulike folkemusikkemne, og har vore med
på ei lang rad konsertar og radioopptak. Det skal
bli 12 studieplassar på det 5-årige studiet i Rauland.
Vi ynskjer han lykke til med arbeidet.
(25/2-03) |
Asgaut
Bakken i gang som prosjektleiar for Den norske
Folkemusikkscena
Han tok ved nyttår over etter Randi Torgersen som er ferdig
med sin 3-års periode. Bakken er mest kjent som
gitarist i gruppa Blåmann, Blåmann. Han har også
bakgrunn som dansar og kvedar. Han har gått på
vidaregåande skule i Bø, Folkehøgskule på Voss, 2
år på Folkemusikkstudiet på Rauland og 3 år på
Kulturlina i Bø. Bakken (29 år) er frå Vinje men bur no i
Oslo. Arbeidsplassen hans er i Musikkens hus i Oslo.
Folkemusikkscena er eit samarbeidsprosjekt mellom NFD
oig LfS. Han prioriterer arbeidet med å bygge nettverk
og filialar for å presentere folkemusikk - i første
omgang særleg i sør-Noreg. Han har blitt intervjua både i Spelemannsbladet
og Kvinten.
(24/2-03) |
Nye
folkemusikk-fonogram innkjøpt i 2. runde 2002
Desse folkemusikkplatene vart innkjøpt: Tron Steffen
Westberg: Bortover all vei., Orbina: Orbina II, Fri
Flyt: Flyr fritt, Rusk: Rusk, Per Anders Buen Garnås:
Åleine, Vågå Spelemannslag: Takk for sist, Øyonn
Groven Myhren og Odd Nordstoga: Nivelkinn.
(24/2-03) |
Elias
Akselsen vart ikkje spellemann i gruppa viser
Det var mange som på førehand trudde at Elias Akselsen
skulle vinne prisen med si plate
"Hjemlandsklokker" - ei samling med religiøse
taterviser. Tatersangeren Elias Akselsen er 55 år og
har dei siste åra gjort ein stor innsats for å løfte
fram tatervisene. Heller ikkje Mari Boine vart spelemann
i Åpen klasse.
(24/2-03) |
I
klassen Samtidsmusikk vann Frode Haltli Spelemannsprisen
Plata hans heiter "Looking On Darkness".
Haltli spelar som kjent trekkspel, og han er også
kjent innan folkemusikken, der han mellom anna er med i
gruppa "Rusk".
(24/2-03) |
"Gåte"
vann Spelemannsprisen i "Årets
nykommer"
Gruppa "Gåte" vann prisen i denne klassen med
si plate "Jygri". Gåte opererer som kjent i
grenselandet mellom rock og folkemusikk - eller rettare
dei brukar folkemusikkstoff i sine rockelåtar. Med i
Gåte er Gunnhild E. Sundli, Magnus Børmark, Martin
Viktor Langlie, Gjermund Landrø og Sveinung Sundli.
(24/2-03) |
Groven
Myhren og Nordstoga vann spelemannsprisen i folkemusikk
2003
Øyunn Groven Myhren og Odd Nordstoga vann med plat
"Nivelkinn" - nyskreven musikk til Aslaug Vaa
sine dikt. Dei to andre nominerte i denne klassen var
Per anders Buen Garnås og Annbjørg Lien.
(24/2-03) |
Programmet
for Telemarkfestivalen 7 - 10 august tar form
Avslutningskonserte på festivalen - Borggjakonserten er
i år for første gong ved ein kvinneleg felespelar -
Åse Teigland. Elles er musikaren og komponisten
Frode  Fjellheim skal lage bestillingsverk - ein
kombinasjon av samisk musikk og hardingfele. Prosjektet
er mellom anna støtta med 30 000 kr frå Sametingent.
Her skal mellom andre Knut Hamre og Berit Opheim vere
med. Elles kjem ei kjent gruppe frå Spania: Radio
Tarifa. Elles kjem gruppene Majorstuen, Dvergemål,
Frigg, The Trams, Bengalo og Kvarts. Elles kal det
framførast eit prosjekt "Årolilja" med Bugge
Wesseltoft, Øyonn Groven Myhren og Nora Taksdal. Meir
her.
(20/2-03) |
I
år blir det igjen Kappspell i NRK både i P2 og i
Fjernsynet
Sist vart Kappspell arrangert i 1999 i Vågå, og då
vann Storviltlaget. Jutullaget vann i 1996, Edgar
Heringstads Orkester var i 1993 og Vågå Toradergruppe
i 1990. Det første Kappspell kjem i Folkemusikktimen
den 16. februar. Programleiar for programma blir som
før Andreas Lunnan. Dei avsluttande programma i
Fjernsynet kjem i jula 2003. Frist for å melde seg på
er 14. mars. Dei avsluttande opptaka blir i slutten av
september på Røros. Les
meir her.
(18/2-03) |
Sumaren
2002 var det MO-kurs for 20. gong
Vi les at det var 56 deltakarar på kurset på Mo i
Jølster. Mellom dei 12 lærarane var det mange dugande
spelemenn, og mange som hadde gått på kurset sjølv
tidlegare: Jorun Marie Rypdal Kvernberg, Gro Marie
Svidal, Monika Anthun, Dagfrid Vallestad, Britt Pernille
Frøholm, Eli A. Eimhjellen, Einr Olav Larsen, Gjermund
Larsen. Det er i siste nummer av Spelemannsbladet vi les
dette, men også at bladet aldri har vore innom kurset i
alle desse åra.
(16/2-03) |
Nytt
styre i Torkjell Haugeruds Minnefond for perioden
2003-2005
Det nye styret består av Torunn Raftevoll Rue, valt av
Telemark Ungdomslag, Kjell Bitustøyl, valt av Telemark
Folkemusikklag, og Jan H. Lislien, valt av LfS.
(16/2-03) |
Folkemusikklina
på Vinstra er i vinden
Etter det ein forstår blømer folkemusikken på den
vidaregåande skulen på Vinstra der dei har lina
Musikk, Dans Drama med fordjuping i folkemusikk - ei av
dei to såkalla landslinene for folkemusikk. (Den andre
er i Valle.) Elevar derifrå har gjort det godt på
kappleikar, dei har vore å høyre i Folkemusikktimen og
no også i Spelemannsbladet. Det er 27 elevar i alt som
tar fordjuping i folkemusikk, 9 på kvart årstrinn.
Avdelingsleiar er Birger Tangstad. Mellom lærarane er
Rasmus Stauri, Camilla Granlien, Tom Willy Rustad, Erik
Bjørke, Nina Furuli, Jan Beitohaugen Granli, Per
Sæmund Bjørkum og Stein Villa. Som vi ser mange
dugande lærarar.
(16/2-03) |
Vidar
Lande: To bøker og CD om og med spelemannen Otto
Furholt
Vidar Lande har skrive to bøker om Otto Furholt. Den
eine er om spelemann og den andre er notar med
kommentarar - 180 ulike oppskrifter. I tillegg har det
kome ein CD med 32 arkivopptak av Otto Furholt. For
knapt 10 år sidan gav Vidar Lande også ut ei bok om
Otto Furholt, så den nye er eit slags utgåve nr 2.
(16/2-03) |
Stor
martna også på Elverum: Grundset mart'n er den eldste
Visstnok strekkjer mart'nstradisjonen i Elverum
seg meir enn 400 år tilbake. Og det blir arbeidd sterkt
for å revitalisere tradisjonen. Det seier
arrangementsansvarleg Trond Hagen i Elverum Næringsutvikling.
I år blir det eit yrande folkemusikk- og danseliv med
innslag frå Røros, Folldal, Hamar og Malung. Mart'n
startar tysdag 4. mars. Les
meir her i Østlandingen
(14/2-03) |
Rørosmartna'
nr 150 startar neste tysdag 18. februar
Tida for årets Røros-martna nærmar seg raskt. Her
kan du lese meir om årets martna'.
(14/2-03) |
Hallingdans
og break har mykje sams, seier dansaren Ulf-Arne
Johannessen
Han har saman med Bård Vegard Bjørhusdal reist rundt
på skular og dansa halling. Også Gunnlaug Lien Myhr
har vore med i forestillinga "Rotnheims Knut".
Les
meir her.
(13/2-03) |
Europeisk
ungdomssamling i Spania for folkemusikarar
I juni kjem over 70 ungdomar frå 15 land i Europa saman
for å spele
folkemusikk for kvarandre og for andre. Samlingen foregår
i tilknytning til
festivalen "Folk Segovia". NFD skal sende 3
unge norske deltakarar i alderen 18-25 år.
Søknadsfrist er 17. februar. Meir
info her. Les
også meir her.
(13/2-03) |
Landslaget
for Spelemenn lyser ut nyoppretta full stilling
I siste nr av Spelemannsbladet (1/2003) lyser LfS ut ei
ny full stilling som Arrangementskonsulent. Vedkomande
skal ha ansvar for å overføre kunnskap og erfaring
frå arrangør til arrangør når det gjeld
Landskappleiken og Landsfestivalen. Ho/han skal også
arbeide for å skaffe sponsorar og drive PR både for
desse to tilskipingane og for LfS. Søknadsfrist
er 20. februar 2003. Infor: 22424592.
(12/2-03) |
Landskappleiken
på Gjøvik: Dugnadsfolk får gratis adgang
Oppland Arbeiderblad har snakka med Marit Steinsrud -
leiaren i Gjøvik spelemannlag, og Stein Villa i
hovudkommiteen, og dei fortel at arbeidet går etter
planen. Dei reknar med ca 500 friviljuge hjelparar undet
stemnet, og reknar også med å leige inn andre. Les
meir her.
(112/2-03) |
Odd
Nordstoga på Cordial Scene i Oslo måndag 17. februar
Han er kjent frå mange prosjekt, til dømes Nivelkinn
og frå gruppa Blåmann, Blåmann. Han er frå Vinje og
vaks opp på Plassen der også A.O. Vinje i si tid
budde. Du finn meir
om Odd Nordstoga her.
(12/2-03) |
FolkemusikkFesten
på Ås 1. mars: Ein av dei beste og største i landet
Den årlege leikfesten på Landbrukshøgskolen på Ås
har vore ein fin tradisjon i mange år. Årets fest
nærmar seg, påmeldingsfrist er 18. februar. I år er
det Sven Nyhus Kvintett som spelar, og bygededansen
syter Tore Bolstad og Vidar Lande for. Dørene opnar kl
19 og intimkonserten startar kl 19.30. Info: Silje
Nygaard Holen tlf. 90 87 56 84.
(12/2-02) |
Bogemakar
Niels Jørgen Røine intervjua i Dagbladets Magasinet
Laurdag 8. februar er det eit to-siders intervju med
landets einaste bogemakar. Han fortel korleis han byrja
som felemakar og korleis han lagar bogar. Han nyttar
hår frå mongolske høglandsponny og tre frå
austkysten av Brasil. Han har verkstad i Schweigaardsgt.
i Oslo. Han har arbeidd som bogemakar sidan 1995, men
tener førebels ikkje så mykje på handverket. Når han
lagar bogane skjer det på same måte som for 300 år
sidan - utan moderne maskiner.
(8/2-03) |
Kongens
sølv til fire ungdomslagsfolk
I siste nummer av Ungdom les vi at fire kjende
ungdomslagsfolk har fått kongens fortensmedalje i
sølv. Det er: Magne Frøystein frå Odda Ungdomslag,
Anna Skjerve Sidselrud frå BUL i Oslo, Petter Eide frå
Sogn og Fj. UL og Ivar Skjelvan frå BUL Ervingen.
(6/2-03) |