 God
jul til alle lesarar og bidragsytarar!
Folkedans.com ynskjer alle lesarar og bidragsytarar god
jul 2008!
Helsing Vebjørn Bakken
(23/12-08) |
Trio Mediævel nominert til Grammy prisen
Trio Mediævel er nominert til Grammy for plata
"Folk Songs" som kom ut på ECM i 2007. Trio Mediæval
består av sopranane Linn Andrea Fuglseth, Anna Maria
Frimann og Torunn Østrem Ossum og vart etablert i 1997. De
har så langt gitt ut fire plater, alle på det anerkjente
selskapet ECM. Tidlegare er det berre Leif Ove Andsnes,
Truls Mørk og Ensemble 96 som har blitt nominert til det
som må kunne kallast verdens mest kjente musikkpris.
Grammyprisene blir utdelt 8. februar 2009 på Staples
Center i Los Angeles.
Les meir her.
(23/12-08) |
Noregs Ungdomslag skal tilsette ny
generalsekretær
Marit Jacobsen sluttar etter mange år som generalsekretær,
og stillinga er lyst ledig med søknadsfrist 5. januar.
Tilsettingsperioden er for 4 åte, og kan forlengast med
ein periode. Erfaring og gode resultat i arbeidet med
samspel mellom frivillig sektor og offentlege strukturar
blir tillagt stor vekt. Organisasjonen har mange dyktige,
engasjert frivillige tillitsvalde over heile landet. or
meir informasjon om Noregs Ungdomslag sjå
www.ungdomslag.no
Send søknad til
post@ungdomslag.no eller Noregs Ungdomslag, Postboks
414 Sentrum. For meir informasjon, kontakt:styreleiar
Gunhild Berge Stang
gunhild@ungdomslag.no tlf. 976 53 785 eller
generalsekretær Marit Jacobsen
marit@ungdomslag.no
tlf. 915 80 781.
(23/12-08) |
Bergen ungdomslag ervingen får 100000
frå DnBNOR
Pengane skal gå til å pusse opp ungdomshuset Gimle - legge
ny parkett og speilveggar.
Les meir her.
(23/12-08) |
Valkyrien Allstars intervjua av
lokalavisenfrogner.no
Dei er intervjua av lokalavisa på den restauranten på
Majorstua der det heile starta: Valkyrien Pub eller Valka.
Dei har i løpet av året spela over 200 konsertar.
Valkyrien Allstars har selt til platinum, og vore det
bandet som har spela mest rundt om på norske festivalar i
år. På nyåret skal dei i gang med å spele inn ny CD.
Les meir her.
(23/12-08) |
Musikaren Morten Dybsjord (32) fekk Hol
kommunes kulturpris
Han fekk overrekt prisen av ordføraren i Hol. Dybsjord
spelar trekkspel og torader.
Les meir her.
(23/12-08) |
Fin
samling med folkemusikk og dans på Nordvestlandet
Som ei oppfølgjing av prosjektet "Snu Nordvest" var det
nyleg ei svært vellukka samling for unge på Nesrås i
Romsdal, der det var opplæring i både folkedans og spel.
Les meir her.
(23/12-08) |
Eit
skikkeleg oppsving for folkedansen i Hallingdal
NRK melder at det er stor interesse for folkedansen i
Hallingdal, og det gjeld all slags folkedans: songdans,
gamaldans, springar og ikkje minst halling.
Les meir her.
(23/12-08) |
Agnes
Buen Garnås kritisk til samanslåing av Lf S og NFD
Styra i Landslaget for Spelemenn og Norsk Folkemusikk og
Danselag har i lengre tid arbeidd aktivt for å etablere
ein ny folkemusikkorganisasjon. Men det er ikkje alle som
er enig i at det er vegen å gå. Agnes Buen Garnås, kjent
kvedar og folkemusikar, har i eit innlegg i Ballade gått
imot tanken om ein ny organisasjon. Ho trur at
folkemusikkfeltet er betre tent med fleire frittståande
organisasjonar som samarbeider på område der det er
naturleg. Ho avsluttar innlegget sitt slik: "Lat
dei forbli ulike, ikkje slå dei saman. Folkemusikken har
bruk for dei båe og også dei hine organisasjonar som
arbeider for folkemusikken – for mange er det ikkje!
Les heile innlegget her.
(17/12-08) |
Berit Opheim Versto syng Draumkvedet på
ny dobbel-CD
Den 6. januar, på 13. dagen, kjem det to nye CD'ar der
Berit Opheim Vesto syng Draumkvedet og Karl Seglem spelar
bukkerhorn / elektronikk - saman med Berit. Denne 2 CD
utgjevinga kjem på NORCD. Vokalopptaket er gjort i Voss
kyrkje i 2006. Resten er tilrettelagt/spelt inn i studio
gjennom 2007 og 2008. Meir informasjon finn du på
www.norcd.no
(17/12-08) |
Haugebonden - ei folkevise vi nyttar
føre jul
Dei fleste som driv med songdans eller kveding brukar som
oftast folkevisa Haugebonden når det lir mot jul. Denne
visa har stått på leikarringane sitt repertoar i mange år,
og vore godt likt. Dersom du vil lese og lære meir om
visa, så har Ingvill Marit Buen Garnås skreve ein artikkel
om visa.
Du finn artikkelen på Kulturlandskap.net
(17/12-08) |
Ensemble og festivalstønad frå Norsk
kulturråd for 2009
Tala for festivalstøtte for 2009 viser ein liten auke.
Noregs Ungdomslag sin Kulturfestival er no komen med
mellom dei festivalane som får støtte, men berre med 50
000 kr. I alt er stønaden til festivalane på 3,55 mill
kroner og til Folkemusikkensemble på 1,3 mill kroner. Tala
ser du i tabellande under. Førdefestivalen er ikkje med
her, for han får stønad direkte over statsbudsjettet..
Musikkensembler
|
Søker
|
Fylke
|
Sakstittel |
Tilråding |
|
1
Tradisjons-/verdensmusikk |
|
|
|
Flukt
|
Sør-Trøndelag
|
Flukt
|
100 000
|
|
Gjertruds
Sigøynerorkester |
Telemark
|
Gjertruds
Sigøynerorkester |
200 000
|
|
Karl Seglem Band
|
Oslo
|
Karl Seglem Band
|
150 000?
|
|
KVARTS
|
Oppland
|
Kvarts
|
200 000
|
|
Majorstuen
|
Sogn og Fjordane
|
Majorstuen
|
200 000
|
|
Rosa i Botnen
|
Hordaland
|
Rosa i Botnen
|
100 000
|
|
Slagr
|
Oslo
|
Slagr
|
100 000
|
|
Tindra
|
Oslo
|
Tindra
|
100 000
|
|
Unni Løvlid
ensemble |
Oslo
|
Unni Løvlid
ensemble |
150 000 |
Musikkfestivalar: (norsk folkemusikk)
|
Den Norske
Folkemusikkveka |
Buskerud
|
Den Norske
Folkemusikkveka 2009 |
700 000
|
|
Folkekulturfestivalen |
Hedmark
|
Folkekulturfestivalen 2009 |
50 000
|
|
Folkelarm
|
Oslo
|
Folkelarm 2009
|
250 000
|
|
Haukeliseterfestivalen |
Telemark
|
Haukeliseterfestivalen 2009 |
100 000
|
|
Hilmarfestivalen -
Stiftinga Hilmar Alexandersen |
Nord -Trøndelag
|
Hilmarfestivalen
2009 |
200 000
|
|
Jørn Hilme-stemnet
|
Oppland
|
Jørn Hilme-stemnet
2009 |
700 000
|
|
Kalottspel
|
Troms
|
Kalottspel 2009
|
250 000
|
|
Nordsjøfestivalen
i Farsund |
Vest-Agder
|
Nordsjøfestivalen
i Farsund 2009 |
200 000
|
|
Osafestivalen
|
Hordaland
|
Osafestivalen 2009
|
250 000
|
|
Telemarkfestivalen
|
Telemark
|
Telemarkfestivalen
2009 |
850 000
|
|
Nytt
nummer av Spelemannsbladet er under utsending
Det siste nummeret av Spelemannsbladet er under vegs, og
du kan lese deler av det på Internett. Her er det mellom
anna ein artikkel av Stein
Versto om Draumkvedet, eit folkemusikkportrett av Henning
Sommero, skrive av Ove Røsbak, byrådsleiar Erling Lae
skriv om Riksscenen sin funksjon i Oslo og redaktøren
sjølv er opptaken av makta i folkemusikken og om
folkemusikken er "farleg".
Les meir her.
(17/12-08) |
LfS skal utarbeide nytt kappleiksprogram
Landslaget for Spelemenn vil utarbeide eit nytt
kappleiksprogram, og dei er på jakt etter folk som kan
gjere ein slik programmeringsjobb. nteresserte kan ta
kontakt med dagleg leiar i LfS, Magnar Sundt på tlf. 2200
5620 /
magnar@folkemusikk.no
Les meir her.
(15/12-08) |
Folkemusikkprosjektet i Setesdal søker
prosjektleiar
Folkemusikkprosjektet i Setesdal er eit samarbeid mellom
Bykle, Valle og Bygland kommunar, Setesdal regionråd,
Aust-Agder fylkeskommune og Setesdal spelemannslag.
Prosjektet skal gå over 3 år, og eit overordna mål er å
rekruttere til og mobilisere folkemusikkmiljøet i
Setesdal. For å nå målet vil dei setje i gaang fleire
spennande aktivitetar, særleg retta inn mot barn og
ungdom. Festival, spel, danseworkshop,
folkemusikkafé, kappleik for barn og unge, opplæring i
barnehage og skule er døme på tiltak i prosjektet.
Les meir om dette her.
(15/12-08) |
Folkemusikk på byLarm 09
Neste år blir det også litt folkemusikk på nordens største
bransjetreff ofr musikk - byLarm 09. Kim Andre Rysstad og
Unni Boksasp skal vere med på treffet som går av
stabelen i Oslo mellom 19. og 21. februar. Her er det
venta hundrevis av musikkfolk frå heile Europa.
Les meir her.
(15/12-08) |
Norsk Folkemusikklag med Jubileumsnummer
Norsk Folkemusikklag fyller i år 60 år, og difor er
årsskriftet deira denne gongen via laget sjølv, mellom
anna artiklar om grunnleggjaren O. M. Sandvik. Sandvik er
kjent som folkemusikksamlar, forskar og debattant. I
skriftet er det teke med eit par av hans sentral artiklar,
og litt av ein av motmennene hans Catharinus Elling. Vi
finn også lein lang artikket av
Per Åsmund Omholt der han presenterer og diskuterer sider
ved forskning på tonalitet frå tidleg på 1900-talet og
fram til i dag. Sven Nyhus gjev personlege glimt frå
samarbeid med Sandvik.Gjermund Kolltveit diskuterer
folkemusikkbomgrepet og danseforsker Anne Margrete Fiskvik
syner korleis element frå teaterdans og folkedans
har vore brukt om kvarandre, og spesielt under Gerd
Kjølaas’ oppsetningar på 1940-tallet. Velle Espeland har
skrevet en artikkel om sjantien, og Bjørn Aksdal drøfter
spelemannkontaktar over grensa i Trøndelag og Hedemark. I
det heile eit omfattande og spennande årsskrift.Les meir
om det her:
http://www.hf.ntnu.no/rff/organisasjonar/nfl.html
(15/12-08) |
Felles svar til
Hallvard Kaasa frå NFD og Lf S
Som kjent har både Landslaget for Spelemenn og styret i
Norsk folkemusikk og danselag gått inn for at dei to
organisasjonane skal gå saman og skipe ein ny
organisasjon. Hallvard Kaasa er mellom dei i NFD som ikkje
er samd i styret sitt arbeid og sende for ei tid sidan ope
brev både til NFD og LfS om det. No har han fått eit ope
brev tilbake underskreve av den gamle og den nye leiaren i
LfS (Nils Øyvind Bergset) og leiaren i NFD Åshild Vetrhus.
Dei avsluttar brevet sitt slik: "Me
skal arbeide for ein ny organisasjon med auka kompetanse
og profesjonalitet i alle ledd. LfS sitt årsmøte 1. nov i
år vedtok eit samrøystes intensjonsvedtak om å stifta ein
ny felles organisasjon for folkemusikk og folkedans i
Noreg innan januar 2010. Om dette er vegen å gå, får
medlemmene avgjere på årsmøta som følgjer. Difor oppmodar
me alle medlemmer om å nytte si stemme."
Les heile brevet her.
(10/12-08) |
Stilig avslutning
på stildansøvingane i Symra
 I
nokså mange leikarringar, ikkje minst i Oslo-området, har
stildans blitt ein viktig aktivitet. Slik er det også i
Symra som held til i Oslo. Laurdag 29. november var det
avslutning på haustøvingane, og det var 32 dansarar til
stades, litt mindre enn det som vanlegvis møter opp på
stildansøvingane gjennom året. Symra har sine faste
øvingar på fredag, og instruktør er Marita Ramstad som tar
vegen heilt frå Hamar for å instruere. På biletet ser vi
stildansansvarleg i Symra Grete overrekkje takk og blomar
til Marita for vel gjennomført hausthalvår.
Fleire bilete frå avslutninga her.
(30/11-08) |
Buskerud vil bli neste fylket i "Bygda
dansar"-prosjektet
Buskerud
folkemusikklag, ved
Folkemusikksenteret i Prestfoss, har søkt om at "Bygda
dansar" blir lagt til Buskerud ved neste tildeling.
Kirke og
kulturdepartementet gjev 1
million kroner i årleg prosjektstøtte. Det er ein
føresetnad at fylkeskommunen stiller med 10%, dvs 300 000
kr over 3 år. Målgruppa for prosjektet er elevar i
vidaregåande skole. Dei skal i løpet av året danne eit
ensemble som skal lage ei forestilling. Hovudutvalet i
fylkeskommunen skal behandle saka 4. desember.
Les meir her.
(30/11-08) |
Konsert med Buen Garnås og Mjelva på
Nesbyen og Røros
To av våre aller fremste folkemusikarar held konsert
saman, på Nesbyen 1. desember og på Røros 2. desember.
Olav Luksengård Mjelva (25) er oppvaksen på Røros, men med
røter i Hallingdal har han også byrja spele hardingfele då
han gjekk på utøvarstudiet ved Ole Bull Akademiet. han
vann årets Landskappleik i klasse A. Per Ander Buen Garnås
har vunne ei rad kappleikar og andre tevlingar. Begge har
gjeve ut solo-plate, Buen Garnås i 2002 og Mjelva i 2008.
Les meir her.
(30/11-08) |
|
Engelsk pris
til Ingfrid og Åshild Breie Nyhus for Grieg-CD
Det engelske Grieg-selskapet ga denne månaden sin pris for
årets plate til Ingfrid og Åshild Breie Nyhus.Prisen som
ble utdelt ved ei mottaking ved den norske ambassaden i
London, ble gitt for innspelinga av Edvard Griegs
”Slåtter, op. 72”, der versjonen for piano er spela saman
med dei originale slåttane for hardingfele. Innspillinga
er basert på spelemann Knut Dahle (1834-1921) sine
versjoner av slåttane. Slåttane til Dahle vart nedteikna
av fiolinisten, dirigenten og komponisten Johan
Halvorsen. Resultatet ble grunnlaget for Griegs Slåtter,
op. 72, utgitt i 1903.
Les meir her.
(30/11-08) |
Langt intervju med Nils Øyvind Bergset i
Ballade
Nils Øyvind Bergset vart nyleg valt til ny leiar i
Landslaget for Spelemenn. I Ballade står det no eit langt
intervju med den nye leiaren. Det meste av intervjuet
omhandlar arbeidet med å skape ein ny organisasjon innan
folkemusikk og dans. På årsmøtet i landslaget for
Spelemenn vart det einstemmig vedtak for å arbeide for ein
organisasjon. Ein ventar no på at saka skal behandlast på
årsmøtet i Norsk folkemusikk og danselag i mars, men
Bergset har god tru på at dei også vil vere positive til
ein ny samlande organisasjon, sjølv om det også finst
kritiske røyster.
Les intervjuet her.
(30/11-08) |
Tildeling av 250 000 kr til ulike
folkemusikkprosjekt i Valdres
Av i alt 10
søknader, var det 8 som fekk stønad frå 2000 til 45000 kr.
Ordninga er eit treårig prosjekt som heiter «Folkemusikk –
for nåtid og framtid», og inntil vidare er denne utdelinga
for 2009 den siste. Ordninga er eit slags kompensasjon
etter at distriktsmusikarordninga vart lagd ned i 2006.
Dei åtte som får støtte neste år er:
45.000 kroner går til Jørn-Hilmestemnet.
40.000 kroner går til Bente Midtsveen, Oslo, og Ingunn
Bjørgo, Asker, og prosjektet «Toradar og trekkspel i
valdrestradisjon». 35.000 kroner går til
avslutningsframsyninga til Frikar-akademiet ved Hallgrim
Hansegård.35.000 kroner går til «Baka kake søte» der
utøvarane er Marit Karlberg, Jan Beitohaugen Granli, og
Stian Roland. 30.000 kroner går til Marit Karlberg og
Camilla Granlien til konsertproduksjonen «Skjønn Anna»,
25.000 kroner går til «Profesjonelt dansespel i Valdres».
Der skal Jan Beitohaugen Granli, Ingunn Bjørgo, Olav
Tronrud og Bente Midtsveen ta for seg runddanslætet i
Valdres. 20.000 kroner går til Oddrun Hegge, Aurdal, og to
av langeleikelevane hennar, systrene Anne og Astrid Hamre.
20.000 kroner går til Eivind Dølerud, Strand, og Jan
Beitohaugen Granli for prosjektet «Musikalsk forbrødring».
Les meir her.
(30/11-08) |
Fire nye folkemusikkplater har fått
støtte
I den fjerde tildelinga av midlar for innkjøp av fotogram
frå Norsk Kulturråd, er det 4 folkemusikkplater som har
fått stønad. Dei fire er Berit Opheim: Slåtter på tunga,
Toradertrioen: Uppatt og atte, Åse Teigland: Stille og
Ragnhild Furebotten/ Tore Bruvoll: Hekla stålstrenga.
Sjå meir her.
(30/11-08) |
NRK sin flotte plateserie kjem på CD
 I
samband med 100-års jubileet for Rolf Myklebust kjem dei
første CD'ane frå den serien med EP og LP plater som NRK
gav ut mellom 1953 og 1974 med norsk folkemusikk i
samarbeid med RCA. Det blir i alt 19 slike CD'ar samt ein
DVD og dei første 3 ligg føre i desse dagar. I tida
framover vil det kome ein per månad. Den kjente serien med
norsk folkemusikk har vore utselt i lang tid, og ein har
ikkje visst kvar original-banda til innspelingane var. Men
så viste det seg at Arne Bendiksen hadde kjøpt dei i si
tid. Det er plateselskapet Talik som gjev ut CD'ane i
samarbeid med NRK, der Gunn Gausemel har stått for
arbeidet. Dei gamle opptaka er reinska for støy, men er
elles ikkje endra noko særleg. Platesleppet var under
innspelinga av folkemusikktimen i Studio 19 torsdag 27.
november. På biletet ser vi Frode Rolandsgard og Anders
Røine med dei rykande ferske CD'ane.
Les meir her.
Les også her på NRK
(28/11-08) |
Jubileumfeiring for Rolf Myklebust i
Folkemusikktimen
Torsdag 27. november var det opptakt i Studio 19 med
publikum til stades. Og opptaka var for follkemusikktimen
komande søndag. Det er i desse dagar 100 år sidan Rolf
Myklebust vart fødd. Han var sjølve Folkemusikkhalvtimen
heilt frå 1952 til 1978, og det er rimeleg at det må
feirast. Myklebust gjorde eit enormt arbeid for NRK og
folkemusikken, både som programskapar, men ikkje mist ved
å bygge ut det store opptaksarkivet til NRK. Han tilførte
arkivet ca 30000 einkeltopptak. I programmet får vi høyre
gamle opptak og intervju med folk som samarbeidde med
Myklebust gjennom mange år, mellom dei Arne Bendiksen,
Lisa Halvorsen og Sven Nyhus. Vi får også intervju med eit
av barnebarna til Myklebust Rolf Graff. Det blir også
opptak i studio med Sven Nyhus, Gro Marie Svidal, Tore
Bolstad og Torgeir Straand.
Les
her på NRK
(28/11-08) |
|
Mauricio B.
Evensen på torader kom vidare
Det pågår audition i Norske talenter i Oslo, og 30.
november er det "finale".
Les meir her.
(28/11-08) |
Ung danseglede på Sangerhuset på Røros
Om lag ein gong for månaden inviterer Røros Folkedanslag
til familiedans på Sangerhuset, og av det blir det liv og
smittande humør på dansegolvet.
Les meir her.
(28/11-08) |
Rannveig Djønne frå Ullensvang med
debutcd
Rannveig Djønne har spela torader i 25 år, og kjem no med
ein CD med slåttar frå Voss og Hardanger. På CD'en inngår
toraderen i ulike instrumentsamansetjingar.
Les meir her.
(28/11-08) |
Tilskot frå Norsk Folkemusikkfond utdelt
Dei fleste tilskota for 2008 gjekk til CD-utgjevingar, men
også til bokprosjekt og notesamling. Her er tildelingane:
Bjørn Aksdal - Publisering av ”Hardingfela” Bokutgjeving.
kr. 9.000 Einar Olav Larsen Nyutgjeving på CD av
innspelingar med H Alexandersen/P.A. Røstads
”Gammeldandstreff 1-5 ” kr. 9 000 Etnisk musikklubb CD med
Olav Luksengard Mjelva kr. 9 000
JPS Records Nyutgjeving på CD av ”Folkmusic from
Gudbrandsdalen” med /Brimi, Faukstad, Berthelemy . kr.
9 000 Norsk Lur- og bukkehornlag Utarbeiding av
notesamlingar med tradisjonsmusikk for lur og bukkehorn
kr. 9 000 Spelemannslaget Fjelljom CD m/ opptak av Jens
Maurseth kr. 9 000
Ta:lik / Hæge Manheim CD m/ opptak av Magne Manheim
supplert med opptak av Gudmund Manheim kr. 9 000 Åse
Teigland / Frank Rolland CD m/ runddansmusikk frå
Hardanger kr. 9 000.
(28/11-08) |
Annbjørg Lien får arbeidsstipend i
Vest-Agder
Som ein av to får Annbjørg Lien Vest-Agder sitt
arbeidsstipend på kr 100000 kr. Ho vil bruke stipendet til
å arbeide med ein ny CD med eigeprodusert stoff.
Les
meir her.
(28/11-08) |
Tirsdag 2. desember blir det
internasjonalt i Trondheim
På Rff senteret ved Universitetet i Trondheim blir det 2.
desember internasjonalt. Det blir mellom anna vis film frå
invandrarmiljøet i byen.
Les meir her
(28/11-08) |
Nordafjells øver fram mot ny CD til
våren
Gamaldansgruppa Nordafjells har tidlegare gjeve ut CD'en
Generalen, og planlegg ny CD til våren. Det blir ein Cd
med ein del nye uttrykk, les vi i Opp.no.
Les meir her.
(28/11-08) |
Om lag 30 ungdomar i Lea de prosjektet
samla på Gjøvik
Opplands-varianten av "Bygda dansar" heiter "Lea deg", og
dei er i full gang med å øve. Nyleg var 30 ungdomar samla
på Gjøvik.
Les meir om det her.
(28/11-08) |
Stor interesse for halling i Hallingdal
Hallingdølen melder at det er stor interesse for
lausdansen mellom dei unge i Hallingdal. Og snart kjem dei
også på Norge rundt. Les meir her.
(28/11-08)Les
meir her. |
Vellukka dansesamling for rettleiarar i
Oslo
 Helga
23-24 november var det samling for rettleiarar i
Austlands-regionen i BLS-huset i Oslo. Folkedansnemnda i
BLS med Marianne Dahl i spissen var arrangør, og drygt 20
rettleiarar og dansar var samla. Programmet la vekt på
korleis vi presenterer dansen vår, samt
erfaringsutveksling. Ingrid Maurstad Tulo lærde
mellom anna bort runddansvariantar frå Austlandet med
Edvin Øen som spelemann. Laurdangskvelden var det open
dansefest der Tonje Lien Barkenæs og Stein Magne Eggen
sytte for fin musikk (sjå biletet).
(27/11-08) |
4 siders intervju med Nils Øyvind
Bergset i Nationen
I papirutgåva av Nationen er det denne helga eit 4 (!)
siders intervju med den nye leiaren i Landslaget for
Spelemenn.
(23/11-08) |
Nordsjøfestivalen tildelt
Fylkeskulturpris
Nordsjøfestivalen i Farsund vart av hovudutvalet for
kultur og utdanning nyleg tildelt fylkeskulturprisen for
2008. Prisen er på 50.000 kronerog eit kunstverk av Tone
Svaland Homberg.
Les meir her.
(23/11-08) |
Ny ordning for musikkutstyr
Fredag møttest fleire organisasjonar for det rytmiske
musikkfeltet, der også folkemusikken inngår, for å stifte
den nye ordninga som har fått namnet
Musikkutstyrsordninga.Dette er eit resultat av ei
samanslåing av Musikkverkstadsordninga (MVO) og
sceneorganisasjonen Norgesnettet. Den nye ordninga skal
stø utstyrsbehovet til alt frå amatørar til profesjonelle
innanfor øverom, sceneutstyr og ikkje-personlege
instrument. MVO inndeheldt også støtte til opplæring, og
det er førebels uklart korleis dei pengane skal
kanaliserast. Dagleg leiar i NFD, Haldis Gjømle, går inn i
styret for den nye musikkutstyrsordninga.
(23/11-08) |
Norske folkemusikarar får støtte til
oppdrag i utlandet
STIKK heiter den ordninga frå UD der ein gjev støtte til
mellom andre musikarar som vil på opopdrag i utlandet. På
den siste tildelinga var det desse som fekk støtte: Britt
Pernille Frøholm (kr 6000), Irene Tillung, Anders Røine
(kr 3000), Majorstuen (kr 10000), Rite (Unni Løvlid, kr
15000), Spindel (6000), Trio Mediæval (30000) og Unni
Løvlid (kr 15000).
Les meir her.
(23/11-08) |
Rolf Myklebust heidra på fleire vis i Stryn
Det er 100 år sidan Rolf Myklebust vart fødd. For mange er
han sjølve Folkemusikkhalvtimen i NRK radio. Han var
programsekretær der frå 1952 til 1978, og gjorde ein stor
innsats med å byggje opp NRK sitt omfattande
folkemusikkarkiv. Laurdag 22. november 2008 er det i Stryn
ei stor tilstelling, der det blir avduka relieff av Rolf
Myklebust, og det blir ein stor konsert der mange av våre
fremste folkemusikarar er med. Fjelljom Spelemannslag står
bak. Elles blir det også plateslepp med historiske opptak
der Rolf Myklebust er med. Les meir om detee,
slik Arne Sølvberg fortel det.
(21/11-08) |
Olav Mjelva nordisk meister i
folkemusikk
Det første nordiske mesterskapet i folkemusikk gjekk føre
seg i Sälen i Sverige. Det er første gong at det
blir arrangert ein slik nordisk "kappleik" med
folkemusikarar frå Sverige, Finland, Danmark og Noreg for
å konkurrere om kven som var best. Landslaget for
Spelemenn og Svenske Spelmäns Riksforbund var mellom dei
som støtta tiltaket, men det har også vore kritiske
røyster i Sverige. Det vart konkurrert i tre klasser,
solospel, grupper og lag. Kvart land stilte med to
deltakarar i kvar klasse.Ein jury på fire med ein
representant frå kvart land plukka fyrst ut tre innslag i
kvar klasse som gjekk vidare til ein finale. Olav Mjelva
vann soloklassa, klassa for grupper blei vunnen av finske
Hyperborea medan hardingfelelaget Team Gløs Tøs vann
lagspelet. Dei andre norske deltakarane var; Aslak O.
Brimi, Lom (solo), Tufskrøkjun frå Vågå (grupper), Silje &
Una frå Osterøy (grupper) og Vågå spelmannslag (lagspel).
Les meir om tevlinga her. Her kan du
lese eit intervju med Olav Mjelva.
(21/11-08) |
Egil Bakka tildelt St. Olavs orden
tysdag på Ringve museum
 Den
18. november vart Egil Bakka utnemt til kommandør av St.
Olavs Orden av fylkesmann Kåre Gjønnes. Etterpå av
det ei festforestilling der dansen stod i høgsetet.
I samband med utnemninga vart det dagen etter halde eit
forskningsseminar ”Dance heritage in the area of tension
between safeguarding and research - Dansearven i
spenningsfeltet mellom kulturvern og forsking” på
NTNU Dragvoll. Her kan du lese
eit langt intervju med Egil Bakka. På
sida til Rådet for folkemusikk og folkedans kan du
finne meir informasjon om saka.
(21/11-08) |
Oslo-kappleiken 2008: Juniorane
dominerte kappleiken
 Oslo-kappleiken
vart avvikla 15. november - noko seinare enn vanleg.
Kanskje det gjorde sitt til at det var færre dltakarar enn
vanleg, sæleg var det få i A-klassane både i dans, spel og
song. Kappleiken starta med Sjokoladekappleik for dei
aller yngste. På sjølve kappleiken var det juniorane som
dominerte og som imponerte mest med spelet sitt. Særleg
mange gode var det frå Bærum spelemannslag sitt juniorlag
(biletet), som både i solo og samspel viste svært gode
takter. Elles var det deltakarar heilt frå Hordaland, og
særleg imponerte C-klassingen Alexander A. Røynstrand med
framifrå fint spel. Han vart som kjent best i C-klassen på
Landskappleiken 2008.
Resultata vil kome her.
(16/11-08) |
Storm Weather Chanty Choir vekkje
begeistring
 Dette
vestlandske chant-koret er på turne, og var laurdag i Oslo
og heldt konsert på teaterbåten Innvik som ligg på hamna i
Oslo. Konserten var i regi av OsloFOLK. Heilt frå første
song var det stor stemning i salen og korleiar og solist
Håkon Vatle fekk salen med seg i rop og song. Koret vart
danna i år 2000 og har på desse åra oppnådd stor
polularitet og har utgitt tre CD'ar og er også i gang med
ein ny som kjem til våren. Dei syng sjømanns-songar frå
heile verda. Konsertserien er komen i stand i samband med
at dei gjev ut singel. Koret frå Stord har vore med på ei
rekkje festivalar, mellom dei Folkelarm.
Les meir på heimesida deira.
(16/11-08) |
Austrheim
Musikklag med bok om spelferd gjennom fylket
I fjor var Austrheim Musikklag 90 år, og som ein del av
jubileumsfeiringa vart det laga ei bok om spelferda.
Spelferda gjekk ut på at laget skulle spele i alle dei 26
kommunane i Sogn og Fjordane fylke. Boka vart nyleg
lansert på ei tilskiping.
Forfattarane av boka er Trygve Apalset, som også er
musikalsk leiar i Austrheim Musikklag og redaktør i Firda
Tidend, Bjørn Grov, medan Kjell Thue var musikklaget sin
faste fotograf under reisa. Han har teke dei fleste
bileta. Atle Nygård og Amund Apalset har også vore med i
boknemnda.
Les meir her.
(14/11-08) |
Fin minnekonsert etter P.A. Røstad under
Hilmarfestivalen
Petter
Andreas Røstad senior gjekk bort like før jul i fjor, 80
år gamal. P.A. Røstads kvartett med Hilmar Alexandersen
var eit av våre beste gamaldans orkester gjennom mange år.
Under Hilmarfestivalen i år hadde P.A.Røstad jr. orkester
minnekonsert, og leiaren for orkesteret er barnebarne til
Røstad senior.
Les intervju med han her.
(14/11-08) |
Tre dansestudentar frå Litauen på Manger
Folkehøgskole
På danselina ved Manger Folkehøgskole er det i år tre
studentar frå Litauen. Dei såg annonse for skulen på
internett og fekk lyst på eit år i Noreg.
Les intervju med studentane og rektor ved skulen
Geir Rydland
(14/11-08) |
Danseprosjektet "Sans for dans 2009 er i
gang
Dei 8 unge dansarane som er plukka ut for prosjektet i år,
møttest første gong på Manger Folkehøgskole. Vi har mange
svært gode folkedansarar med også denne gongen, og ser
fram til å kome i gong, fortel Endre Kleiveland, leiar i
folkedansrådet i NU. Dei som er med er Merete Lia -
Porsgrunn, Sveinung Heide Vaskinn – Manger, Maren
Albrigtsen – Bodø, Astrid Bruun Arnesen – Tromsø, Svein
Oskar Smogeli – Hamar, Mathias Bjørlo Fett – Oslo, Anna
Liv Skjelten Gjendem – Rauland og Carin Funseth – Ärlanda,
Sverige. Saman med desse skal Martin Myhr og Bente Hjellum
Syvertsen lage ei danseforestilling som skal synast på
Folkekulturfestivalen på Hamar 2009. Dei vi også prøve å
kome til Nordlek 2009 i Lahti, Finland og til andre
festivalar innanlands.
Les meir her.
(14/11-08) |
Rekordoverskot på Landsfestivalen i
Skjåk i sumar
På Årsmøtet i Landslaget for Spelemenn nyleg vart også det
økonomiske resultatet for Landsfestivalen i Skjåk
offentleggjort. Kappleiksgeneral Randi Rust kunne fortelje
leiaren i Landslaget for Spelemenn, Randi Skeie at
overskotet vart på heile 700 000. I fjor hadde
Landsfestivalen eit overskot på 50 000 og året før eit
underskot. Det gode resultatet i år kjem truleg av god
økonomistyring, billeg lokalleige og tilnærma monopol på
matsal.
Les meir her.
(14/11-08) |
Forestillinga SVIV oppført for Kong
Harald i Newcastle
Kong Harald vart nyleg utnemnd til æresborgar av
Newcastle, og i samband med det vart danseforestillinga
SVIV framført i det fine konserthuset Sage Gateshead med
den norske ambassadøren som vert.Gro Marie Svidal står som
produsent for forestillinga og har med seg Gunnlaug Lien
Myhr, Ulf-Arne Johannessen, Torkjel Lunde Børsheim og Tom
Karlsrud i produksjonen.
I samband med London Jazz festival nyleg har det også vore
ein norsk mini-festival i London. I tillegg til SVIV
vil dei norske musikarane og dansarane også vise
teaterforestillinga "den vesle prinsen". Les meir om
London jazzfestival her.
(14/11-08) |
Bernt Balchen og Hauk Buen imot
samanslåing
Som kjent er det mange som arbeider for ei full
samanslåing av dei to folkemusikkorganisasjonane
Landslaget for Spelemenn og Norsk folkemusikk og danselag.
Men det finst også dei som er skeptiske. Spelemennene
Bernt Balchen og Hauk Buen er redd for at ei samanslåing
vil gå på bekostning av hardingfelespelet og det som
høyrer med til det. Dette les vi i Varden som har
intervjua dei to spelemennene om saka. I samband med
Kappleiken i Bø denne helga, er det tanken at det skal
vere eit møte mellom dei som er skeptiske til ei
samanslåing.
Les meir her. I kommentarar til artikkelen går mellom
andre Svein Nesje og Ragnhild Knudsen inn for ei
samanslåing.
(09/01-08) |
Nytt styre i Landslaget for Spelemenn
Nils Øyvind Bergset vart ny leiar i landslaget for
Spelemenn Dei andre i styret er dansar Knut Erik Godtland
(ny) frå
Oppdal, Solbjørg Tveiten frå Tørvikbygd (attval), Torun
Raftevoll Rue (attval), Marte Frihetsli (ny) og Dag
Hovda Sture (ny). Mari Eggen og Jon Ellingsen var ikkje på
val. Leiaren Randi Skeide slutta etter 6 år, og nestleiar
Jan Lislien slutta også etter 6 år, men han hadde også ein
6-års periode på 1980-talet.
(08/11-08) |
 Nils
Øyvind Bergset ny leiar i Landslaget for Spelemenn
På årsmøtet til LfS i Førde sist helg slutta Randi Skeide
etter 6 år som leiar, og ny leiar vart Nils Øyvind Bergset
frå Oslo og Numedal. Bergset er ein framifrå dansar og
spelemann på torader/trekkspel. Han har vore aktiv i
Numedalslaget i Oslo, i Laget for folkemusikk, i BLS og
andre organisasjonar.
(08/11-08) |
Ungdomsringane i folkedans i NU har hatt
ein kraftig vekst
Dei fleste leikarringar kring om i landet slit med dårleg
rekruttering og aukande gjennomsnittsalder på medlemene.
Men dei såkalla Ungdomsringane i Noregs Ungdomslag har
hatt ein kraftig vekst. Ungdomsringane er regionale
grupper der ungdomar frå eit større distrikt møtest iblant
til øvingar og festar. Ungdomsringane er: Tromsringen,
Ungdomsringen i Salten (URS), Midgardsormen, Ungdomsringen
Austlandet (URA), Fylkeslagets Ungdomsring i Aust-Agder
(FLUR), Ungdomsringen i Rogaland Ungdomslag (URU),
Ungdomsringen i Bergen/Hordaland og den nyaste er
Ungdomsringen Bygda dansar i Møre og Romsdal.
Les meir hjå NU.
(07/11-08) |
Lite folkemusikk på kulturskolane viser
ny undersøking
I ei ny undersøking som Bjørn Aksdal har gjort kjem det
fram at ca 40% av kulturskolane tibyr undervisning i
folkemusikk. Totalt er det 1078 elevar som tar timar i
folkemusikk. Fele er mest populært med 471 elevar, medan
det er 266 som får undervisning på hardingfele. Tolv
skolar, eller 4,4%, tilbyr undervisning i folkedans.
Dårlegast står det til i Nord-Noreg. Grunnane til at det
er så lite undervisning i folkemusikk og dans er
lærarmangel, manglande etterspurnad og i liten grad
økonomi.
Les meir her.
(02/11-08) |
Mange deltakarar på Sjokoladekappleiken
på Prestfoss
Det var heile 105 unge deltakarar på sjokoladekappleiken
på Prestfoss, seier Veslemøy Fjerdingstad til avisa DT.
Les meir her.
(02/11-08) |
Felemakar Ottar Kåsa har fått kr 60000 i
stipend
Ottar Kåsa frå Arabygdi i Vinje har fått eit stipend på kr
60000 frå Telemark fylkeskommune. Han er nettopp ferdig
utdanna som felemakar frå Ole Bull Akademiet.
Les meir her.
(31/10-08) |
Knut Buen rundar 60 år utan å feire
Til avisa TA seier han at hen er meir oppteken av å levere
ennå feire. I intervjuet held han også fram at han er glad
han får behalde fantasien og er gladare i korte impulsive
prosjekt enn i lange prosjekt. Det er arbeidet og familien
som er viktigast, seier han. Knut Buen er av våre alle
fremste spelemenn og ein svært produktiv og dugande
kulturarbeidar, innan mange område, som rosemålar,
skribent, foredragshaldar, diktar (både i tonar og ord),
plateprodusent og mykje anna. Han har gjennom åra fått ei
rekkje utmerkingar, er æresmedlem mellom anna i Landslaget
for spelemenn og har fått St. Olavs orden.
Les
intervjuet her.
(31/10-08) |
Tilskot frå Fond for lyd og bilde
Tildelingar frå fondet for hausten 2008 ligg no føre. Til
folkemusikkformål er tildelingane slik:
|
Musikk |
Prosjekt |
Sum |
|
Den Norske Folkemusikkveka |
Komponering |
30000 |
|
Furebotten, Ragnhild |
Turné med R. Furebotten og T. Brunvoll, folkemusik
|
30000 |
|
Kvarts ANS |
Turné med Kvarts, folkemusikk |
20000 |
|
Langeland, Sinikka |
Turné med S. Langeland ensemble, folkepoesijazz
|
30000 |
|
Larsen, Gjermund |
Turné med Gjermund Larsen trio, folkemusikk
|
10000 |
|
Majorstuen |
Juleturné med Majorstuen, folkemsuikk |
25000 |
|
Mjelva, Olav L. |
Turné med Sver, folkemusikk |
25000 |
|
Tekst |
Prosjekt |
Sum |
|
Løvlid, Unni |
Sangtekster til CD |
25000 |
|
Vellukka Osafestival
I helga gjekk Osafestivalen på Voss av stabelen, og
festivalleiinga er godt nøgd med festivalen. I år var
musikk og identitet tema for festivalen. I alt var det
1700 publikum, og det er von om at festivalen økonomisk
går i balanse. Det er Ole Bull Akademiet, Voss
Spelemannslag, Voss Ungdomslag og Orkesteret Fossegrimen
som står bak festivalen.
(27/10-08) |
Svært vellukka dansefest med
Småviltlaget i Oslo
 Det
er lenge sidan det var så mange på ein dansefest i
Storslaen i Nordahl Brunsgt 22 i Oslo. Rundsnuen hadde sin
tradisjonelle haustfest - gamaldansfest - denne gongen med
Småviltlaget som viktig trekkplaster. Det var over 150 som
var påmeldt festen, som byrja med ein fin konsert og dans
etterpå. Dei mange som kom fekk full valuta for pengane -
Småviltlaget leverte topp dansemusikk, og ca halvparten av
dansane var polsar. Nettopp det dei frammøtte ville ha.
Folk hadde kome langvegs frå, frå fleire stader i Sverike,
frå Manger folkehøgskole og elles rundt om. Biletet viser
eit utsnitt frå dansegolvet. Stemninga var stor, og sjølv
om det var mykje folk, gjekk det godt an å danse.
(26/10-08) |
Ordskifte om scenefyll på kappleikar
Per Anders Buen Garnås hadee i siste nummer av
spelemannsbladet ein artikkel der han tar opp temaet om
musikarar som drikk alkohol før dei går på scena på
kappleikar. Temaet er teke opp i to innleg i avisa Varden.
Her er det eine. I det
andre vert Åsmund Nordstoga intervjua, og han meiner
at fyll ikkje høyrer heime på ei kappleikscene.
(26/10-08) |
Støtte til folkemusikktiltak
Fond for utøvande kunstnarar har delt ut pengar for 5.
gong i år, og også ein del folkemusikktiltak har fått
støtte:
Reisestønad
Anderdal, Arne
VOSS 12.000
Bjørset, Synnøve S. SKEI I JØLSTER 18.000
Musikk
Bjørset, Synnøve
S. SKEI I JØLSTER 20.000
Hamre, Knut GRANVIN 30.000
Hilmarfestivalen STEINKJER 20.000
Laget for Folkemusikk OSLO 16.000
Langeland, Sinikka GRUE-FINNSKOG 40.000
Larsen, Gjermund OSLO 20.000
Løvlid, Unni OSLO 25.000
Majorstuen SKEI I JØLSTER 10.000
Norsk Kvedarforum OSLO 18.000
Sver TØRVIKBYGD 25.000
Dans
Hålien, Silje
Onstad OSLO 40.000
Jørn Hilme-stemnet FAGERNES 37.500
Fonogram
Frøholm, Britt
Pernille OSLO 20.000
Hamre, Knut GRANVIN 30.000
Slagr v/Anne Hytta OSLO 40.000
(25/10-08) |
Ungdomsgruppa "Snu nordvest" hadde fin
samling i Hellesylt
Ca 40 ungdomar frå Møre og Romsdal var samla på Hellesylt
for å lære Valdresspringar og halling. Lærarar var Silje
Onstad Hålien og Erlend Viken. Samlinga var eit samarbeid
mellom Ungdomsringen Snu Nordvest og Hellesylt Ungdomslag.
Hellesylt Ungdomslag har mange unge dansarar som var med
denne helga. Hellesylt er ei lita bygd, men på kurset
hadde dei heile 20 deltakarar, av dei 12 nye gutar. Neste
samling er 12. til 14. desember på Nerås i Vestnes.
Les meir her.
(23/10-08) |
Jutullaget feira 20 års jubileum med
vellukka jubileumsfest
Jutullaget har i mange år vore eit av fåre fremste
gamaldansorkester. Dei vart norgesmeistrar på
Titanofestivalen på Vinstra i 1993. Og dei vann gull på
Landsfestivalen i Gamaldansmusikk både på Fagernes i 1996,
på Oppdal i 2004 og på Harpefoss i 2005. Det starta for 20
år sidan med Jon Amund Karusbakken, Stig Ove Kveen og Inge
Gjevre på torader. Dei fekk etter kvart med seg Svein Ove
Brun på gitar, Øivind Grindstuen på kontrabass og seinare
Bjarne Odde.Det var fullt hus og stor stemning på
jubileumsfesten i Vågå kulturhus laurdag.
Les
meir her.
(23/10-08) |
Jon Faukstad er ukens P2-artist i veke
44
 I
neste veke er det Jon Faukstad som er vekas P2-artist. Jon
Faukstad er professor i akkordion ved Musikkhøgskolen, der
han har vore leiar for trekkspelutdanninga sidan 1972, og
er ein allsidig musiakar. Men han har sine røter i
folkemusikken i Gudbrandsdalen, og P2-programmet med han
vil stadig kome innom folkemusikken, seier han i ein
kommentar, sjølv om hovudfokus blir på andre typer musikk.
Jon Faukstad har vore med på fleire plater med
folkemusikk, ikkje minst er han kjent frå samarbeid med
Per Sæmund Bjørkum og Hans Brimi.
(23/10-08) |
Vellukka leikfest på
Jessheim laurdag 18. oktober 2008
Det var ein vellukka leikfest som dei fem leikarringane på
nedre Romerike skipa til på Jessheim 18. oktober. Dei 5
leikarringane var Rakne, Peer Gynt, Sørum, Hunar og
Kjerringa med staven. Det var Stomperudlaget som sytte for
fin dansemusikk og Marita Ramstad var flink danseleiar.
God middag var det også, og kafi utpå kvelden. Det var ca
80 deltakarar, og ein retteleg triveleg, god gamaldags
leikfest, med mykje turdans og også ein god del songdans.
819/10-08) |
Gunnar Stubseid får Hilmar-prisen 2008
 Rektor
ved Ole Bull akademiet og spelemannen Gunnar Stubseid frå
Setesdal har fått Hilmar-prisen for 2008. prisen blir
utdelt under Hilmar Alexandersen Musikkfestival i
Steinkjer 6-9 november. Stubseid har lagt ned eit stort
arbeid for norsk folkemusikk på mange område, som
spelemann, som lærar, som rektor, som skribent, som
redaktør for Spelemannsbladet, som plateartist og
administrator. Han har og granska utviklinga av
slåttespelet i Setesdal. Han vart kjent gjennom gruppa og
plata Slinkombas på 70-talet og kom i år med eigen CD.
Tidlegare vinnarar er
Susanne Lundeng 1991, Knut Hamre 1992, Leif Inge
Schjølberg 1993, Hans Brimi 1995, Sven Nyhus 1999, Petter
Andreas Røstad sen. kvartett 2003, Geir Egil Larsen 2004,
Majorstuen 2005, Annbjørg Lien 2006, Knut Buen 2007. Les
meir her:
www.hilmarfestivalen.no
(16/10-08) |
To unge dansarar frå "Drag og dåm"
utmerkar seg
Dei to dansarane som avisa rbnett.no skriv om er Anna Liv
Skjelten Gjendem (20) frå Molde og Svein Oskar Smogeli
(19) frå Vikebukt. Dei er to av 8 utvalde dansarar som har
kome med i Noreg Ungdomslag sitt utviklingsprogram for
unge dansarar "Sans for dans". Dei to har dansa saman i
knappe tre år og har alt gjort seg gjeldande i
folkedansmiljøet. Dei vann mellom anna dans fele klasse B
under landskappleiken på Oppdal i sommar og
Fylkeskappleiken for Møre og Romsdal 2008. Begge to er med
i folkemusikkgruppa Dåm og Drag i Vestnes, der Smogeli
spiller både fløyte og fiolin.
Les meir her.
(16/10-08) |
Er jentene i ferd med å dominere norsk
folkemusikk?
Ja, det spør Adressavisa i ein artikkel der dei påpeikar
at jentene gjer seg svært gjeldande på kappleikar, på sal
av plater og på radiokanalenes a-lister. Dei peikar
på namn som Ragnhild Furebotten, Jorun Marie
Kvernberg, Unni Boksasp, Sigrid Moldestad, Unni Løvlid,
Anne Hytta, Synnøve S. Bjørset, Marit Mattisgard, Øyonn
Groven Myhren, Britt Pernille Frøholm, Camilla Granlien og
pionerene Kirsten Bråten Berg, Susanne Lundeng og Annbjørg
Lien. Dei peikar også på dette: "Under årets Landskappleik
i Oppdal hadde tre av fire vokalklasser jenter på toppen,
gruppespill hardingfele både senior og junior ble vunnet
av jenteduoer, fløyteklassen og spel fele klasse A og B
hadde også jenter i teten. I klassene der både gutter og
jenter deltok, tok jenter åtte seire, mens guttene fikk
ni. Under Folkelarm i Oslo ble åtte av 15 solokonserter
framført av kvinner." På folkemusikkstudiet ved
Norges Musikkhøgskole er det 12 studentar, av dei er 9
jenter.
Les meir her.
(16/10-08) |
Ingvild Lie er tilsett i valdres
Folkemusikklag
Ingvild Lie er tilsett i 40% stilling i valdres
folkemusikklag, etter Stian roland osm har fått større
jobb i Lea deg - Bygda dansar prosjektet i Oppland. Lie
arbeider som lærar ved Øystre Slidre ungdomsskule og er
frilans musikar.
Les meir her
(16/10-08) |
NU vil lære Stortingsfolk å danse
folkedans
Noregs Ungdomslag vil 14. oktober kl 10.15 - 10.45 halde
kurs for stortingsrepresentantane i folkedans. Det skal
vare ein halv time og foregå i stortingskorridorane.
Mellom dei som skal delta er
ove
Karoline Knutsen, Gunn Karin Gjul, May Hansen, Espen
Johnsen og Britt Hildeng.
Dette er ein del av ssatsinga frå NU på danseopplegger
Danselyst som skal lære opp lærarar til å kunne undervise
i folkedans i skulen.
(13/10-08) |
Erlend Apneseth fekk Solgunn Margaret
Flaktveit sin minnepris
Under Vestlandskappleiken på Voss i helga fekk Erlend
Apneseth Solgunn Margaret Flaktveit sin minnepris på 5000
kr. Kappleiken var også ei markering av 150 års
dagen for Sjur Helgelands fødsel. Les meir om dei to
hendingane
her og her.her.
(13/10-08) |
Kirsten Bråten Berg og Arild Andersen på
Rikskonsert-turne
I år er det 20 år sidan artistane Berg og Andersen byrja å
samarbeide, og det feirar dei med ein omfattande konsert i
oktober og november i regi av Rikskonsertane (som feirar
40 år). Med seg på scena har dei også Bendik Hofseth,
Jojje Wadenius og Paolo Vinaccia. Musikken dei spelar er
frå dei to bestillingsverka som Andersen har laga: Arv og
Sagn. Sagn var bestillingsverk til Vossajazz i 1990, medan
Arv var eit bestillingsverk til festspillene i Bergen i
1993, i samband med Edvard Griegs 150-årsjubileum.
Les om konserten her. I samband med konsertane har
Enebakk Avis eit
lengre intervju med Kirsten Bråten Berg.
(10/10-08) |
Tysil-Knut-leken vart ei vellukka
tilstelling
Trysil-Knutleken vart arrangert for første gong i haust og
vart ein suksess. Programmet var tredelt med både
tevlingar, konsertar og seminar. Og det var deltakarar frå
Nord i Trøndelag til Oslo. I kappdansen for lag vann røros
folkedanslag knepe føre Trysil-Knut dans- og spelmannslag.
I alt var det Totalt var det over 200 deltakarar.
Les meir her.
(10/10-08). |
Årinn-festivalen i Kristiansand får fine
omtalar
Årets Årinfestival i september var eit samarbeid med
jazzfestivalen Punkt. I ei melding frå Norsk folkemusikk
og danselag blir det peika på at festivalen har fått mange
fine omtalar i norske og utanlandske blad. her er nokre av
dei artiklane dei viser til:
Les All About Jazz sin oppsummering
her.
Les Dave Mullan sin oppsummering
her
Les Fredrik Wandrup sin artikkel
her.
Les intervju med Unni Løvlid på
her.
Les artikkel om Árinn/Punkt
her.
(10/10-08) |
Pengar på vent for Kompetansesenter i
folkemusikk /dans
I det nye statsbudsjettet er det ingen som får direkte
stønad til Kompetansesenter for follkemusikk, dans, jazz
og rock. Det er fleire regionar som har søkt om å få
opprette slike sentra, etter dei kriteria som
Stortingsmelding nr 21 legg opp til. ”Ingen av søkarane
har kome langt nok i prosessen til å få pengar no,” seier
statsråd Trond Giske. Det betyr at det er pengar i bakhand
som kan bli nytta i løpet av 2009.
(09/10-08) |
Osa-festivalen vert opna av Åse
Kleveland
Det er direktøren for rikskonsertane som opnar årests
Osa-festival på Voss 23-26 oktober 2008. Det er ei lang
rekkje av våre beste folemusikarar som vil vere med i det
rikhaldinge programmet på festivalen.
Sjå her for oversikt
over programmet og liste over utøvarane.
(09/10-08) |
Noregs Ungdomslag nøgd med
statsbudsjettet
Marit Jacobsen, generalsekretær i Noregs Ungdomslagseier i
ein kommentar: "Statsbudsjettet for neste år er meir
positiv lesnad for oss som er opptekne av folkemusikk og
folkedans enn tidlegare. Rådet for folkemusikk og
folkedans får ei auke på 2,15 millionar kroner. - Nytt i
2009 er at støtta til Noregs Ungdomslag sitt
folkedansarbeid går igjennom rådet og denne er auka frå i
fjor. Vi ser dette som ein start i opptrappinga av ei
større satsing på norsk folkedans."
Les meir her.
(09/10-08) |
Mykje positivt for
folkemusikken i statsbudsjettet
I ei presseemelding frå Norsk Folkemusikk og danselag
(NFD) skriv Lene Furuli at statsbudsjettet er gledeleg for
folkemusikken, og dagleg leiar i NFD haldis Gjølme er
nøgd. NFD får 2,6 mill i stønad, og det er ein auke på 0,8
mill. Det har kome ein ny post på 10 mill som er
Tilskotsordning til arrangører. Dessutan er det 3 mill
meir i ensemblestøtte, og det vil også kome folkemusikken
til gode. Riksscenen får 4,5
millionar kr i budsjettet for 2009, ein auke på 2
millionar kr frå 2008. Rådet for folkemusikk og folkedans
får 9,3 millionar kr, ein auke på 2,1 millionar kr frå
2008. Førde Internasjonale Folkemusikkfestival får 4
millionar kr i budsjettet for 2009, ein auke på 800 000
kr. Også
redaktør i Spelemannsbladet Knut Aastad Bråten er nøgd med
budsjettet. I det nye Spelemannsbladet (nr 6/2008) siterer
han Trond Giske: ”På mange
måtar er dette budsjettet eit uttrykk for at det no er
folkemusikkens tur.”
Sjå meir her.
(08/10-08) |
Egil Bakka får St. Olavs orden
Professor
Egil Bakka vil bli tildelt St. Olavs Orden på Ringve
museum tirsdag 18. november kl 19.00. Bakka får utmerkinga
for sin store innsats for arbeidet med norske
folkedanstradisjonar.
"Han har gjennom mer enn førti år bygd opp
et omfattende dokumentasjonsarkiv om tradisjonsdans i
Norge og samtidig formidlet forskningsbasert kunnskap både
i et allment formidlingsperspektiv og som grunnlag for
akademisk utdanning," skriv kansellisjef Egil Vindorum ei
pressemelding. Bakka starta med innsamling av folkedans på
60-talet og har heilt sidan Rådet for folkemusikk og
folkedans vart oppretta tidleg på 70-talet stått i spissen
for folkedansarbeidet der. Han har lagt ned eit stort
forskningsarbeid innan feltet, har vore ein sentral aktør
i å formidle informasjon om dans gjennom bøker og foredrag
og vore sentral også innan nordisk og internasjonalt
arbeid med folkedans. Ikkje minst har han gjort ein stor
innsats ved å byggje opp eit heilt studium innan
follkedans ved NTNU, og vore den sentrale læraren der. I
1970 ga han ut rettleiingsboka i folkedans "Danse danse
lett ut på foten" og var sentral i arbeidet med å revidere
Klara Sembs rettleiingsbøker i songdans og turdans.
I 1978 ga han ut den
populærvitskapleg "standardboka" "Norske
dansetradisjonar". Han er sekretær for Rådet i
folkedanssaker, fagansvarleg for folkedans og professor i
dansevitskap ved Institutt for musikk, NTNU.
Les meir her. Les
også her. Eit
intervju med Egil Bakka her. (foto: Rff-senteret)
(07/10-08) |
Magnhild Winsrygg er død
Det har kome melding om at folkedansaren og pedagogen
Magnhild Winsrygg er død. Gjennom svært mange år la ho ned
eit stort arbeid for folkedansen i Oslo-området, som
dansar og leiklærar, særleg i Sogn og Fjordaneringen og i
BLS. Ho ga også ut ei lærebok i folkedans. Ho var
æresmedlem i Sogn og Fjordaneringen i Oslo. Ho blir bisett
frå Haslum Krematorium, Lille kapell fredag 10. oktober kl
10.30.
(07/10-08) |
Kvarts feirar 10 år med jubileumskonsert
Kvarts sin jubileumskonsert
er i Oslo torsdag 16. oktober i NRK studio 19.
Med seg på konserten har
Kvarts fått ingen ringare enn Jonas Fjeld, Trio Mediæval
og Birger Mistereggen! Heilt frå starten for 10 år sidan
har gruppa Kvarts vore ei av våre mest omtykte
folkemusikkgrupper. Kvarts er den einaste
folkemusikkgruppa som har vunne to Spellmannprisar.
(02/10-08) |
Årests Folkemusikkartist vart Valkyrien
Allstars
Folkelarm 2008 er over, og
Folkelarmprisane 2008 er utdelt. Den viktigaste prisen
gjekk til Valkyrien Allstars: Dei vart Årets
folkemusikkartist. Andre vinnarar vart:
Årets soloplate: Kim André
Rysstad / Tak hardt uti hand (Etnisk musikklubb),
Gamaldans / tradisjonelt
samspel: Vegar Vårdal og Patrik Andersson /
Finnskogen brinner (ta:lik),
Årets nyskapande album:
Niko Valkeapää / Birrat Birra (Duippiditt),
Åpen klasse:
Niko Valkeapää / Birrat Birra (Duippiditt),
Årets nykommer:
Valkyrien Allstars / Valkyrien Allstars (Heilo, Grappa
musikkforlag), Årets
dokumentasjonsalbum: Diverse artister / Viser på
vandring i Norden (Etnisk musikklubb).
(01/10-08) |
Folkelarm 2008 er godt i gang
 Folkelarm
2008 er eit stort arrangement og på kveldstid foregår det
spel på 5 scener samtidig. Vi var i går - torsdag -
innom dei to scenene John
Dee, John Dee Pub,
og der kunne ein få med seg samanhengande serie med
konsertar - det var halvtimes konsertar på kvar scene
Vi fekk med oss konsertar med Flukt, Johanna Juhola,
Camilla Granlien Band og Valravn, og dessutan Sudan Dudan,
Nico Valkeapää duo og Bruvoll Halvorsen. Alt saman svært
ulike konsertar, som det kvar for seg var moro å få med
seg. Mest trøkk var det med gruppa Valravn, og dei synest
også å rive med seg publikum mest. På biletet ser vi Sudan
Dudan i aksjon. Les meir på nettsidene til
folkelarm
(26/09-08) |
Dei nominerte til Folkelarm-prisane 2008
er nå klar
Laurdag kveld i Gamle Losjen blir årets Norwegian Folk
Music Awards delt ut med Steinar Ofsdal og Hannah Wosene
Kvam. Det er i år 70 plater som jurien har hatt å velje i
innan desse klassane: Årets solo-album, Gammeldans og
tradisjonelt samspill, Nyskapende, Åpen klasse, Årets
nykommer og Årets Dokumentasjonsutgivelse. I tillegg deler
juryen ut pris til Årets folkemusikkartist.
Vi merkjer
oss at alle tre nominerte i solo-klassa er frå Setesdal og
at Valkyrien Allstars er nominert i fleire klassar.
Oversikt over alle nominerte finn du her.
(22/09-08) |
Folkelarm 2008 er like om hjørnet
Den svært vellukka festivalen og lanseringsarenaen
Folkelarm 2008 er like om hjørnet, og med ei imponerande
samling av gode grupper og solistar innan folkemusikk
/verdsmusikk. Dei fleste er frå Noreg, men mange er også
frå utlandet.
Les om dei ulike artistane her.
(21/09-08) |
Storm Weather Shanty Choir med stor
turne i november
Det omtykte shanty koret skal på ein konsertturne til
mange stader i landet. Dei skal også deta på Folkelarm
2008, der dei er ein av dei 34 artistane/gruppene som er
med i det offisielle programmet.
Les meir om det her.
(21/09-08) |
Langt intervju med Camilla Granlien på
MIC
I samband med Folkelarm 2008 har Mic eit langt intervju
med Camilla Granlien (på engelsk).
Les intervjuet her.
(21/09-08) |
Langt intervju med Kim Andre Rysstad på
MIC
I samband med Folkelarm 2008 har MIC eit langt intervju
med den dugande kvedaren frå Setesdal, som i fjor ga ut
plata "Tak hardt ut i hand".
Les intervjuet her.
(21/09-08) |
Sjå animerte
kjemper danse halling!
I dataspelet "Age of Conan" dansar kjempene halling. Det
skal vere Solveig Hårdnes og Hallgrim hansegård som har
vore "modell" for dei som har laga animasjonane. Sjå her
på youtube.com.
(20/09-08) |
Håvard Svendsrud
gir ut CD med Per Bolstad slåttar
Trekkspelaren Håvard Svendsrud har gjeve ut ein CD med
Bolstad-slåttar på Norilds Musikk på Sjøholt. For den litt
eldre generasjon vil Per Bolstad (1875-1967) vere godt
kjent frå radio. Han hadde slekta si frå Stryn men budde
det meste av livet i Ålesund. Han komponerte 600 melodiar,
og vart svært populær med si fele og sitt orkester. Av
kjente melodiar kan vi nemne
Melodititlane avspegla også at han var ein reisande
spelemann, ”En aften på Grotli”, ”Hilsen til Vågå”,
”Sommerkveld på Videsæter”, ”En aften på Erdal”,
”Moldenserpolka” og ”Stryningen” og ”Fagre Stryn”. Kjell
Opsal i Norilds Musikk hevdar at musikken til Bolstad har
vore alt for lite framme. Håvard Svendsrud (34) er busett
i Oslo og har eit internasjonalt namn som musikar. I
orkesteret på Bolstadplata har Svendsrud med fele, bass og
gitar og trekkspelveteranen Rolf Nylend er også med på eit
par spor. Les meir på
www.hsvendsrud.com eller
www.norilds.no
(20/09-08) |
Fin minnekonsert
for Manheim-brørne i Seljord
I Seljord var det nyleg ein fin minnekonsert for Gudmund
(1918-1991) og Magne (1926-1997). Det var 250 til stades i
salen og mange dugande spelemenn deltok. Det var ikkje
minst Seljord spelemannslag, skipa i 1991, og mange unge
krefter frå bygdas musikkskule var med. Av folk utanfrå
var Hallvard Bjørgum, Alf Tveit, Stein Versto, Einar
Øverland med. Det var også felespelaren i Valkyrien
Allstars, Erik Sollid. Han har også Manheims-blod i årane,
og spela på den fine Røstadfela til Magne Manheim.
Les
meir her.
(20/09-08) |
Øyonn Groven
Myhren framfører eldgamal Oslo-tradisjon
Førstkomande onsdag 24. september har Øyonn Groven Myhren
konsert i Oslo Ladegård. Ho skal framføre gamalt
tradisjonsstoff frå Oslo, mellom anna
700-år-gamle
balladar med direkte referanse til Oslo Middelalderby. Les
meir om det her:
oslo.kommune.no og i
dagsavisen.
(20/09-08) |
Knut Buen har
mange jarn i elden
I haust har han gjeve ut to CD'ar og ei bok. Den eine
CD'en heiter "Tonebod" og er laga saman med Bugge
Wesseltoft, Anne Gravir Klykken og japanske Michiyo Yagi.
Han har også gjeve ut «Best of-album» saman med avisa TA.
Boka som nettopp har kome ut heiter "Sitring" og inneheld
dikt som han har laga gjennom fleire år.
Les
meir her.
(20/09-08) |
Jan Beitohaugen
Granli får 200 000 i stipend
 Oppland
Fylkeskommune har tildelt Jan Beitohaugen Granli eit
toårig arbeidsstipend på til saman kr 200000. Den andre
som har fått stipend er saksofonisten Lena Lien. Ein av
dei som mottar stipendet skal vere folkemusikar. Målet med
stipendet er å gje musikaren rom til å kunne konsentrere
seg om å utvikle ei musikarkarriere. Tidlegare
folkemusikarar som har fått stipendet er Vegar Vårdal og
Andreas Ljones.
Les
meir her.
(20/09-08) |
Frikar-akademiet hadde samling i Valdres
nyleg
Dei 4 valdrisane
Silje Onstad Hålien, Brita Haldis Blomlie, Anita
Langødegard og Ådne Kolbjørnshus var med på første
samlinga på Frikar-akademiet, der hallgrim Hansegård er
hovudlærar. Elevane fekk opplæring i tøyakrobatikk, som
betyr å boltre seg i tøystrimlar som heng ned frå taket.
Les meir her.
(20/09-08) |
Fire junior-spelemenn frå Gausdal til
USA
Det er fire medlemer i juniorspelemannslaget som skal
underhalde på 25 års jubileet til Norwegian Shipping Club
i Florida. Dei som skal avgårde er
Sigrid
Graedler Listuen, Inga
Volden Inger Olstad og Martin
Graedler.
Les meir her.
(20/09-08) |
Munnharpe i folkemusikktimen søndag 21.
september
Denne helga har Norsk Munnharpeforum 10 års jubileum, som
vert avvikla på Folkemuseet i Oslo. I folkemusikktimen 21.
september blir det mykje musnnharpe å høyre.
Les meir her.
(20/09-08) |
Statue avduka av
Torger Iverstugun i Skåbu
I Skåbu vart det nyleg avduka ei statue av Torger
Iverstugun. Han var ein svært allsidig kultubærar i byga:
Spelemann, komponist, folkemusikksamlar, diktar og den
praktiske lokalpolitikaren.
Mange hadde møtt fram du statuen vart avduka sist laurdag.
Les meir her.
(20/09-08) |
Ny vinnar av
Intro-FOLK skal kårast i 2009
Den 1. oktober går fristen ut for å melde seg på i
tevlinga Intro-FOLK 2009. Vinnaren blir kalla Årets unge
folkemusikar, og juryleiar er Åse Kleveland. Den første
vinnaren vart Majorstuen i 2005 og den andre var Benedicte
maurseth i 2007. Formålet med tevlinga er å styrke norsk
og samisk folkemusikk.
Les meir her.
(20/09-08) |
SAFFA i Akershus
har fått ny fin heimeside
SAFFA står for Samarbeidsorganet for folkedans og
folkemusikk i Akershus. Dei har nå fått ny
heimeside. Dei
har nå 36 dansegrupper og 23 musikkgrupper som medlemer.
SAFFA har kvart år eit kurs i byrjinga av januar På
Sørmarka utafor Oslo der dei gjev opplæring i ulike dansar
og spel på fele og trekkspel. SAFFA har også vore
engasjert i GAmle Hvamsdagen med dans og musikk. Det er
både vanlege leikarringar, gamaldansgrupper og
bygdedansgrupper som er med mellom dansegruppene.
(17/09-08) |
Endringar i
prosjektet "Lea de"
"Lea de" er namnet på det tredje prosjektet i serien
"Bygda dansar" og omfattar Oppland fylke. Prosjektet bygda
dansar har nå vore i gang i fleire år, med Sigurd Heide
som prosjektleiar og Stian Roland frå Valdres som lokal
prosjektmedarbeidar på deltid. Nå har Sigurd Heide kome
inn på masterstudiet i koreografi ved Kunsthøgskolen i
Oslo som ein av tre nye studentar, og den einaste og
første med folkedansbakgrunn. Heide vil halde fram som
prosjektleiar i Bygda dansar _Lea deg i redusert stilling
medan Stian Roland får utvida si stilling til full.
Les meir her.
(17/09.08) |
Rff prisen
for 2008 er tildelt Elias Akselsen
Rff-prisen for 2008 er tildelt musikeren og
tradisjonsformidleren Elias Akselsen, Skarnes (f. 1947).
Prisen som er på kr. 15.000 blir delt ut under
Representantskapsmøtet i Rådet for folkemusikk og
folkedans i Trondheim 16. oktober. Elias Akselsen er fødd
på Årnes i Nes, Hedmark i 1947. Han har sin
tradisjonsbakgrunn i taterkulturen og har gjennom ei
årrekkje formidla taterviser og historier frå tatermiljøet
både på konsertar på CD.
(15/09-08) |
Hilmarfestivalen får Festivalartist
Hilmarfestivalen har bestemt at det kvart år skal
utpeikast ein festivalmusikar som kan vere med på å sette
preg på festivalane.
Årets artist er Frode Fjellheim frå Trondheim. Han er
sørsamisk musikar og komponist, kjent gjennom ei rekke
prosjekt. Han har komponert musikk til 25
teateroppsettingar, fire filmar pluss ei rekke
dokumentarproduksjonar for TV. I tillegg har han laga 15
bestillingsverk til ulike festivalar og arrangement, og
har delteke i 28 plateinnspelingar. Hans mest kjente
grupper er Transjoik og Tango Consertino.
Les meir her.
(15/09-08) |
Ny
dansebutikk i Oslo
I Oslo er det opna ein ny dansebutikk, Storgata 13.
Butikken heiter Oslo Dance &
Fitness Store. Dei har også
nettbutikk. Men der
ser ikkje ut til å vere mykje for folkedansarar. Bunadsko
kunne eg ikkje finne.
(12/09-08) |
Plateslepp med
Bergen Mandolinband 20. september
Platesleppet er på Gamla kl 21.00. Dette er gruppa sin 6.
CD. Med i orkesteret er
Olav Christer Rossebø (mandolin og feler),
Ståle Holgersen (mandolin), Gaute M. Sortland (gitar og
vokal), Ingemund Askeland (munnspel og banjo) og Kjetil
Olai Lundø (bass).
(12/09-08) |
Valkyrien
Allstars har fått gullplata
Litt forseinka kan vi melde at Valkyrien Allstars har
fått gullplata for sitt debutalbum "Valkyrien Allstars".
Gullplata vart utdelt i juli på valkyrien. I tillegg til å
selje godt, har gruppa i sumar også spela på svært mange
festivalar, og må reknast som ein vinnar på det området
også.
(12/09-08) |
Honndalstausene
feirar 25 år med ny CD
 "Gamle
Nordfjord" er namnet på den nye CD'en som vart lansert i
Honndalen nyleg.
Her var det fullsett av
publikum då tausene spela opp dei fyrste tonane på ”Gamle
Nordfjord”, som er tittelsporet på CD-en. Utgjevinga
inneheld fleire nyinnspelingar, i tillegg til stoff frå
dei tre tidlegare utgjevingane. Særleg frå debutplata
”Honndalstausene”, som ikkje lenger er tilgjengeleg på
marknaden. CDen har vorten motteken med stor glede av eit
breidt publikum, som no ser fram til nye høve til å svinge
seg til tonar frå Honndalstausene.
Foto: Gitte Johannessen.
HONNDALSTAUSENE:
Synnøve
Hjellbakk Hole {f. 1963}, Hellesylt.Gunn Sølvi Gausemel
{f. 1963}, Bærum.Torunn Raftevold Rue {f. 1964},
Flatdal.Gunnhild Sindre {f. 1964}, Stryn.Bente Storbakken
f. Tomasgård {f. 1965}, Krokstadelva.Tone Lien Dyrkorn {f.
1965}, Oslo.Marianne Tomasgård {f. 1966}, Ski.
(09/09-08) |
Symra hadde svært
vellukka hausttur til Ringsaker.
 I
Leikarringen Symra er det ein 30 års tradisjon å dra på
fjelltur om hausten i byrjinga av september. I år gjekk
turen til Ringsaker, med overnatting på det staselege
hotellet Høsbjør, med utsikt over store deler av Ringsaker
og Mjøsa. Det vart ikkje så mykje fjelltur denne gongen,
men hyggelege og lærerike turar i det frodige
kulturlandskapet. Ein kjent lokalhistorikar Erik Skjeseth
var omvisar på Stein gard med helleristingar,
Mjøskapellet, spennande geologi og ikkje minst den flotte
Ringsaker kirke. Så vart det spasertur langs Præstvegen,
og framom Prøysenstua og til Prøysenmuseet. Om
kvelden vart det stildans i den fine ballsalen på Høsbjør.
Vidare vart det vandring langs pilgrimsleia tilbake til
Hamar. På Stein gard fekk vi også auge på ei ku som gjerne
ville ta seg ein tur på Mjøsa "i ein sprukken holk" (sjå
biletet). Det var bortimot 40 på turen, som vart velsigna
med fint haustver.
Sjå mange bilete her..
(08/09-08) |
Langt intervju med Unni Løvlid - nesten konstant på
reise
Unni Løvlid er ei av våre fremste folkemusikarar og fortel
i eit intervju med Ballade at ho nesten er konstant på
reise. Ho er frå Hornindal og bur i Oslo, men har sitt
publikum over heile landet og i utlandet.
Les meir om det ho meiner her.
(19/09-08) |
Kurs i Danselyst
- dans i skole og barnehage
Kurspakka Danselyst er utvikla av Noregs Ungdomslag og tar
sikte på å gjere det lettare å ta folkedansen i bruk i
skole og barnehage. I oktober blir det arrangert 4
dansekurs for lærarar i skule og barnehage. Det er i
Kristiansand, Oslo, Bergen og Trondheim. Kurset i
Kristiansand er 8. oktober og i Oslo 9. oktober. I Bergen
er det 22. oktober og i Trondheim 23. oktober. På dei to
første kursa er Marianne Dahl og Vegar Vårdal lærarar, og
på dei to siste
Gro Vetås og
Endre Kleiveland. Les
meir om kursa her.
(17/09-08) |
Brei interesse
for norsk folkemusikk i utlandet
I ei pressemelding skriv Lene Furuli at det er mange
norske folkemusikarar som i sommar har hatt stor suksess
på utanlandske scener. Karl Seglem spelte i Portugal,
Tyskland og Bulgaria tidlegare i sommar med stor suksess,
Majorstuen har gjesta store festivalar i Tjsekkia, Estland
og i august Frankrike. Benedicte Maurseth og Gamaltnymalt
tek seg av Quebec og Unni Løvlid har vore med på eit
større prosjekt i England og saman med Hallgrim Hansegård
i Italia. Norsk folkemusikk tek god plass på utanlandske
scener i sommar. Nyleg reiste GamaltNymalt og Norsk
folkemusikkformidling til festivalen La Grande Rencontre i
Quebec, Canada.
Les meir her.
(04/09-08) |
Dalakopa kjem med
ny CD
Gruppa Dalakopa har halde saman i 23 år og det er deira
9-ande plate som no kjem ut. CD'en heiter "Trø".På
plata er det tradisjon, nyskaping og god dansemusikk:
Brudevalser, ringleender, masurka og pols.
Dalakopa vart stifta
i 1985. Gruppa har base på Røros og i Nord-Østerdalen.
Plater: Dalakopa (1986) På viddene Villdans og Honning
(1991) Høysnu (1993) E vi alle ihopa (1996) Trøndertrøkk
med Dalakopa (1998) Grenseløst (2000) Elixir (2006)
Medlemmene i gruppa er: Oline Sofie Bakkom Härdelin: Fele.
Thore Härdelin: Fele, vokalist. Bent Jacobsen:
Kapellmester, trekkspill, orgel, fele. Jens Nygård: Fele.
Mary Barthelemy: Fløyte, fele. Stein Nygård: Trekkspill.
Roar Kjeldsberg: Bass . Ole Anders Feragen: Gitar .
Les meir her.
(04/09-08) |
Gard Nergaaard
vann "Eckbo legaters pris 2008"
Under Telemarkfestivalen i sumar vart
Gard Nergaard (15) frå Marnardal tildelt «Eckbo legaters
nasjonale folkemusikkpris for unge utøvere». Han sat i
salen då prisen vart delt ut og visste ikkje at det var
han som skulle få han.
Les meir her.
(04/09-08) |
Stor interesse for NU sitt danseprosjekt
"Sans for dans 2009"
Noregs Ungdomslag melder at det er stor interesse for å
kome med på danseprosjektet "Sans for dans 2009". Det er
ca 20 gode dansarar som kjemper om å få vere med.
Sans for dans er Noregs Ungdomslag
sitt talentutviklingsprogram for unge folkedansarar.
Martin Myhr og Bente Hjellum Syvertsen har det faglege
ansvaret denne gongen.
I løpet av 4 helgesamlingar skal 8
dansarar, saman med profesjonelle dansepedagogar og
musikarar, skape ei danseframsyning med premiere under
Folkekulturfestivalen 2009 på Hamar.
Les meir her.
(04/09-08) |
Dei kjente danske folkemusikarane
Haugaard & Høirup gir seg
Haugaard & Høirup har spela saman i 10 år og har vore
i fremste rekkje i dansk og nordisk folkemusikk. Men frå
årsskiftet sluttar dei, fortalde dei på festivalen Tøønder
i Danmark.Les
meir om dei framgangsrike musikarane her. Les
også her
intervju med Hrald Hougaard.
(02/09-08) |
Annbjørg Lien lite nøgd med dagens
journalistar
Journalistane i dag har som oftast dårleg tid og er mindre
førebudd enn for ein del år sidan, seier Annbjørg Lien til
Journalisten.no.
Les meir
kva ho meiner i det lange intervjuet i Journalisten.
(02/09-08) |
Vellukka gamaldansfestival på Bjerka i
Rana
Rana Blad kan fortelje om fin stemning og mange glade
dansarar på gamaldansfestivalen på Bjerka.
Les meir her.
(02/09-08) |
Seks vellukka festivaldagar i Farsund
Nordsjøfestivalen kan rapportere om nok ein vellukka
festival med folkemusikk og dans og song frå landa rundt
Nordsjøen. Festivalleder Tor Steinar Fromreide fortel til
Farsund avis at det igjen har vore oppgang i billettsalet,
og både musikalsk og for publikum har det vore ei positiv
utvikling.
Les meir her.
(02/09-08) |
Mange fornøgde deltakarar på "Dansen
mellom elvene"
I Elevrum har "Dansen mellom elvene" gått av stabelen. Og
Østlandingen kan melde om glade deltakarar både i halling
og i gammelpols.
Les meir her.
(02/09-08) |
Ulike meiningar om klassedelingar på
Landskappleik/Landsfestival
Som kjent skal det neste år vere både Landskappleik og
Landsfestival på same tid, og for å få det til blir det
viktige endringar i klasseinndelingane. I staden for A-,
B-, C- og D-klasse blir det i år junior og senior. Les
meir om ulike meiningar om dette
Her og andre stader.
(26/08-08) |
Årinn går av stabelen 5-6 september i
Kristiansand
I år blir festivalen arrangert i samarbeid med festivalen
PUNKT. Som dei siste to åra er Årinn ei blanding av
seminar, kulturpolitiske møte og konsertar med
tradisjonsmusikk. Årinn vart arrangert for første gong i
Kristiansand, og er no tilbake i byen.
Les meir her.
(26/08-08) |
Synnøve S. Bjørset skal lære sogningar å
spele hardingfele
I haust startar dei kurs i hardingfelespel både i Lærdal
og Årdal. Dette er å rekne som ei starthjelp og vona er at
Kulturskulane skal overta stafettpinnen, seier Bjørset.
Les meir her.
(26/08-08) |
Gruppa Fribo på omfattande turne i Noreg
Denne gruppa har medlemer frå Noreg og Storbritania og
spelar folkemusikk frå begge områda. Dei legg ut på ein
omfattande turne frå midten av september - mange stader på
Sunnmøre. Sunnmøre er nok valt fordi det norske medlemet
Anne Sofie Linge Valdal er frå Valldal på Sunnmøre.
Les meir her.
(26/08-08) |
Toraderskulen på Voss startar friskt på
nytt
Voss Ungdomslag hadde i våt kurs i toraderspel for vaksne
og born, og vil no halde fram med eit litt anna opplegg.
Les meir her.
(26/08-08) |
Eit omfattande program på Columbi Egg i
Bergen
Vår kanskje fremste folkemusikkpubb Columbi Egg i Bergen
har lansert haustprogrammet sitt og det er eit omfattande
og godt program. Her er kjente namn som Majorstuen, Odd
Nordstoga, Gamaltnymalt og Storm Weather Shanty Choir.
Dessutan blir det program med Olav H. Hauge, musikk frå
Storbritannia og mykje meir.
Les heile programmet her.
(26/08-08) |
Nytt nummer av Spelemannsbladet
Eit nytt nummer av Spelemannsbladet har nyss kome. Her er
det sjølvsagt mykje om Landskappleiken, om
folkemusikkarkiv i Østfold, intervju med avtroppande leiar
i LfS Randi Skeide, om Folkelarm, kronikk, leiar om
mediedekning.
Les meir her
.
(26/08-08) |
Ørjedagen med folkemusikk og dans 31.
august
Det er mange aktivitetar som vil foregå på Ørjedagen
søndag 31. august. Det er
Østfold musikkråd og Haldenvassdragets kanalmuseum som
inviterer. Det blir fleire kurs, i spel, dans og song, og
om kvelden held Sofia Karlsson, Mats Berglund og Martin
Hederos konsert. Når det gjel
dans blir det kurs både i springdans frå Østfold og
Finnskogspols.
Les
meir her.
(26/08-08) |
Flott folkemusikkonsert i Hvitsten i
helga
I to år nå har det på Ramme
Gaard - Petter Olsens flotte,
økologiske herregårdsanlegg i Hvitsten – vore "Ramme Rokke
Festival". I helga stod nordisk folkemusikk på programmet.
Med i programmet var mellom andre
Valkyrien Allstars,
Hedningarna,
Annbjørg Lien/Steinar
Ofsdal/Kirsten Bråten
Berg/Bjørn Ole Rasch og en
nysammensatt internasjonal jentegruppe med Anne
Hytta i spissen.
Les meir og
sjå mange bilete frå konserten her.
(26/08-08) |
Varierte kurs på Klones i Vågå
Helga 19. - 21. september blir det arrangert kurs i
folkemusikk, dans og teater på Klones i Vågå. Kurset er
for aldersgruppa 8 - 16 år, og instruktørar er Tonje
Barkenes (fele), Geir Thorud (toradar), Stein Magne Eggen
(trekkspel), Anders Aasberg (halling), Jertru Stallvik
(teater) og Tor Stallvik (danseteater). Deltakarane kan
overnatte på Klones, og det er lagt opp til mykje sosial
aktivitet i tillegg til kursa. Påmeldingsfrist er 15.
september og kontaktinformasjon finn du
her.
(26/08-08) |
Symra på vellukka danseturne i USA
 Leikarringen
Symra i Oslo har nettopp komen att frå ein vellukka
danseturne i USA - i Seattleområdet. Turen varte i nesten
3 veker, medrekna nokre feriedagar i San Francisco. Dei
hadde framsyningar i fleire byar: Seattle, Junction City,
Portland og Poulsbo. I Junction City var dei til stades på
den store festivalen Nordisk Folkedansfestival. Turen vart
avslutta med Norsk
Folkedans Stemne på Camp Brotherhood utafor Seattle.
Her møtest kvart år folkedansarar og rettleiarar frå USA
og Canada for å lære norsk folkedaans, og i år var det
Symra som hadde fått i oppdrag å stå for undervisninga.
Overalt vart Symra mottekne på aller beste måte, og dei
fekk overalt mykje skryt for eit fint folkloreprogram.
Her kan du lese meir
om ferda til USA og så mange bilete. Biletet er frå ei av
framsyningane i Junction City.
(25/08-08) |
Vellukka Barnlek 2008 avvikla i
Porsgrunn
Det var heile 1600 påmelde til det nordiske
folkedansstemnet for barn i Porsgrunn sist helg. Av desse
var heile 900 frå Finland.
Les meir om stemnet her. Les også kva
Noregs Ungdomslag skriv om stemnet. Les også kva
Nationen skriv om barnestemnet.
(08/07-08) |
Gabriel Fiflet - møt han i eit stort
intervju i Ballade
Den allsidige musikaren frå Bergen er aktuell på fleire
måtar både i førde og i Bergen og andre stader. Som kjent
er han drivande kraft i folkemusikklubben Columbi Egg i
Bergen, også på besøk i førde under festivalen.
Les i Ballade her.
(08/07-08) |
Nordisk Folkedansfestival avvikla på ein
vellukka måte
Det er Leikarringen Huldra i røyken som står bak Nordisk
Folkedansfestival. Han vart arrangert første gong i 1981.
I år er det 150 folkedansarar frå Noreg, Danmark, finland,
Sverike og Åland.
Les meir her.
(08/07-08) |
Talentpris til 20 år gamle Ingrid
Stubhaug frå Naustdal
Sparebanken Vest sin nye Talentpris for unge utøvarar vart
delt ut til Ingrid Stubhaug frå Naustdal. Ho har
spela fele sidan ho var 7 år gamal, og har mange gode
kappleikplasseringar bak seg. Ho spelte seg opp i
A-klassen på Landskappleiken i fjor.
Les meir her.
(08/07-08) |
Ingunn Bjørgo vart auksjonert bort til
eit damesselskap!
Under markeringa av Schous Kulturkvartal, auksjonerte
Riksscenen bort ein spelemann. Vanja Jagedal fekk
tilslaget, og sist laurdag dukka Ingunn Bjørgo opp i Vanja
og venninnen Ragna Vikøren sitt party - med 25 damer på
Bekkestua i Bærum.
Les meir her.
(08/07-08) |
Bli ein betre folkedansar: "Norsk
folkelig dans"
Dette er eit samlingsbasert vidareutdanningskurs for deg
som vil utvikle din eigen dansestil og lære meir om
tradisjon, stil, takt, rytme etc. Kurset vil også folusere
på sjølve tanseteknikken, folkeleg rørsemåtar, balanse,
rotasjon, samdans etc.
Les meir her.
(08/07-08) |
Svært vellukka Landskappleik fekk
Olavsrosa
Endå til Dagens Næringsliv skriv positivt om
Landskappleiken denne gongen. På meisterkonserten søndag
fekk Landslaget for spelemenn tildelt Olavsrosa for
arrangementet. Stemneleiaren Knut Erik Gotland i spissen
for 550 frivillige fekk mykje ros og takk for fin innsats.
Les om kappleiken i lokalavisa
Opdalingen.
(08/07-08) |
 Camilla
Granlien vann kongepokalen under Landskappleiken
For tredje året på rad vann Camilla Granlien Ringebu
spelemannslag vokal folkemusikk klasse A, og i år fekk ho
også kongepokalen. Andre plassen vart delt mellom Unni
Boksasp og Åshild Vetrhus. I spel hardingfele klasse A
vart Olav Mjelva Luksengard best med Jan Beitohaugen
Granli på andre plass og Per Anders Buen Garnås på tredje.
I fele klasse A vann Nina Owren Furuli, med Andreas
Bjørkås på andre og Mari Eggen på tredje plass. I lausdans
klasse A vart Martin Myhr og Sigbjørn Rua best, og
på tredjeplass Ulf-Arne Johannesen .
Her kan du finne alle resultata frå kappleiken
(08/07-08) |
Ny festivalrekord under Førdefestivalen
Festivalleiar Hilde Bjørkum kan fortelje om ein svært
vellukka Førdefestival med ny publikumsrekord, godt over
dei 25000 som tok del i fjor. Ho fortel også at det har
vore framifrå tilbakemeldingar frå artistar og publikum.
Det er til NRK Sogn og Fjordane Bjørkum fortel dette.
Les meir her.
(08/07-08) |
Det går mot ein folkemusikkorganisasjon
Landslaget for Spelemenn og Norsk folkemusikk og danselag
har sendt ut ei pressemelding der det framgår at dei to
organisasjonane vil arbeide for at dei skal bli ein
organisasjon. Arbeidet fram mot dette skal starte straks.
Styra i dei to organisasjonane vil arbeide mot ein
organisasjon for på den måten å få til ein meir
slagkraftig organisasjon og unngå parallelle strukturar
som arbeider med det same.
Les meir her.
(08/07-08) |
 Stemnesesongen
eller festivalsesongen er over oss
Det er mange festivalar som står for døra men ein del er
faktisk avvikla allereide, slik som Folkemusikkdagane i
Ål, og BLS-stemnet på Folkemuseet i Oslo. Biletet viser
litt av stemnetoget i det strålande veret i byrjinga av
juni. Her kan
du sjå fleire bilete frå stemnet.
(22/06-08) |
Landskappleiken startar onsdag 25. juni
i Oppdal
Det er ikkje mange dagar til Landskappleiken 2008 startar
- onsdag 25. juni 2008. På Internett kan ein no finne
detaljert program for alle kappleikdagane og
oversikt over alle som skal vere med på dei ulike
tevlingane. På onsdag er den store klassen Lagdans senior
der det deltar 29 ulike lag, elles er det ein del eldre
folkemusikkinstrument, mellom dei langeleik. Dans fele kl
B på torsdag er som venta ei stor klasse med 27
deltakarar. Og i dans hardingfele kl B er det heile 30
deltakarar (på fredag). Spel i klasse B er på torsdag og
der er det 23 og 24 deltakarar. I vokal folkemusikk klasse
B er det 18 deltakarar (fredag). I spel hardingfele klasse
A (fredag) er det 16 deltakarar og i spel fele kl A
(lauardag)er det 17 deltakarar. I dans fele kl A (fredag)
er det 21 deltakarar, og dans hardingfele kl A (laurdag)
er det også 21 deltakarar. I vokal folkemusikk klasse A
(laurdag) er det 7 deltakarar og i lausdans klasse A
(laurdag) er det 8 deltakarar. På søndag er det som vanleg
Meisterkonsert.
(22/06-08) |
Fleire unge folkemusikarar har fått
draumestipend på kr 10000
Norsk
kulturskoleråd og Norsk Tippingstår bak stipenda. Kvart år
deler dei ut draumestipend til 100 unge, norske talent.
Dei som har fått no er mellom andre desse:
Solfrid Nestegard
Gjeldokk frå Hol kulturskule har fått stipendet for å
utvikle sitt talent innanfor song og folkemusikk, medan
Margit Myhr frå
Ål er aktiv med song, langeleik og hardingfele.
Anne Marit
Jota fekk for fele.
Jon L. Rohde
frå Røros og gruppa Toraderbælgenj.
(22/06-08) |
I Valle får du tilskot til folkemusikk i
50-årsdagen din
I Valle i Setesdal er det oppretta eit fond som skal
styrke den lokale bruken av folkemusikk. Kommunen og
sparebanken har gått sman om prosjektet som betalar 2/3 av
kostnaden ved å leige lokale musikarar og dansarar til
bryllup, festar etc.
Les meir her.
(22/06-08) |
Norsk Kulturråd har kjøpt inn
folkemusikkplater
Norsk kulturråd si innkjøpsordning for fonogram har i
siste runden kjøpt inn 5 folemusikkplater: Berit Opheim -
Song, trø lett på hjarta mitt, Christian Borlaug -
Austmannspel/ Slåtter under Norefjell, Unni Løvlid
Ensemble - Rite, Camilla Granlien Band - Jarnnetter og
Britt Pernille Frøholm - For allje dei. Alle blir kjøp
inn med 580 eksemplar.
Les meir om ordninga her.
(22/06-08) |
Noregs Ungdomslag får kr 80000 til
rilprosjekt
Prosjektet skal gå føre seg under Folkekulturfestivalen i
Lillesand 24 -27 juli 2008. Tanken er å gjere rilmusikken
og dansen meir synleg gjennom prosjektet der ein mellom
anna vil lage ei framsyning. Nokre av dei fremste unge
dansarane og musikarane frå Noreg, Dannmark, Skottland,
Sverige, Irland og Shetland, seier Hill Aina Steffenach
som er produsent og regissør for prosjektet.
Les meir her.
(22/06-08) |
Valkyrien All Stars fekk gullplata for
den første CD'en sin
Valkyrien ga som kjent ut sin første CD i fjor, og nå har
dei faktisk fått gullplata for. Gullplata vart overrekt av
Åse Kleveland på restauranten Valkyrien på Majorstua i
Oslo, der bandet har sitt namn frå. Tuva Syvertsen seier
til blikk.no at dei er svært glade for prisen.
Les meir her.
(22/06-08) |
Osa-festivalen får ikkje stønad frå
kommunen
I 20 år har Osa-festivalen på Voss fått stønad frå
kommunen sin Voss kommune. Men i år er det instilt på null
kroner. Dette har Osa-festivalen protestert på. I eit brev
til kommunen nemner dei 4 viktige grunnar til at Voss
kommune framleis må støtte festivalen økonomisk.
Les meir her.
(22/06-08) |
Storebekkens musikkpris 2008 til Magnar
Storbækken
Egil Storbekkens musikkpris for 2008 går til
instrumentmakaren Magnar Storbækken frå Tolga. Storbækken
er den fremste av instrumentmakarane som fører vidare den
tradisjonen som Egil Storbekken starta. Magnar Storbækken
får overlevert utmerkinga på Dølmotunet den 20.
juli, under Olsok i Tolga.
Les meir her.
(22/06-08) |
Framleis plass på folkedanslina ved
Manger Folkehøgskole
Det er framleis ledige plassar ved folkedanslina ved
skulen. Og i år fristar skulen med at at dogså er gutar
mellom elevane! Søknadsfristen er eigentleg ute, men er du
snar kan du får plass!
Les meir om tilbodet her.
(22/06-08) |
Gruppa Galder "Vestlandets beste i
gamaldans"
Under blømingsfestivalen i Kinsarvik nyleg gjekk gruppa
Galder til topps i tevlinga om å bli beste
gamaldansorkester på Vestlandet. Gruppa består av 3
medlemer frå Osterøy og to frå Voss. Medlemene er:
Andreas
Kollvangsnes (toradar), Yngve Jordalen (kontrabass),
Synnøve Jordalen (accordeon), Tormod Kleiveland (gitar) og
Ailin Kristine Solberg (toradar). Berre ein dag før
tevlinga ga gruppa ut sin første CD:
”Sprid”.
Les
meir om gruppa her.
(29/05-08) |
Ny CD med Daniel Sanden Warg og Per
Anders Buen Garnås
Dei to framifrå musikarane kjem no med ny CD der dei
presenterer musikk frå Setesdal og Tinn. CD'en blir
presentert på OSLOfolk
Søndag 8. juni på Kafe MIR i Oslo(Toftes gt. 69). CD'en
inneheld slåttemusikk på fele, hardingfele og munnharpe.
(27/05-08) |
Konsert med FRIBO på Kafe MIR i Oslo
torsdag 19. juni
FRIBO er ei gruppe som består av musikarar frå Noreg,
Skottland og England: Anne Sofie Linge Valdal fra
Norge, Ewan MacPherson fra England og Sarah-Jane Summers
frå Skottland tar for seg den norske folkemusikken og
kombinerar den med skotsk og engelsk folkemusikk. Det er i
regi av
OSLOfolk
(27/05-08) |
Den norske Folkemusikkveka: "The best
ever"
"Den mest vellukka Folkemusikkveka nokon gong" skriv
dagleg leiar Ingunn Stræte Lie om årets Folkemusikkveke i
Ål. Årets Fanitull vart Olav Luksengård Mjelva føre
Gjermund Larsen og Andreas Bjørkås. Mjelva fekk
dermed sølvpokal og 15 000 kroner. Olav H. Skrindo
Slettens minnepris gjekk til bogemakar Niels J. Røine, og
Jens A. Myros minnepris gjekk til Vetle Springgard. Det
vart seldt 5500 billettar, og det er ny rekord,
publikumstalet var dermed på ca 7000. Det var mange
høgdepunkt under festivalen, gruppa Slinkombas møttest på
ny etter fleire 10-år, Hallvard Bjørgum og Gunnar Stubseid
spela saman , og likeeins Gjermund Larsen og Trond Steffen
Westberg. Kvarts hadde konsert saman med
Kringkastingsorkesteret, hallinggruppa Frikar hadde ei
gild framsyning med forestillinga Kruk, kyrkjekonserten
med Brazz Brothers og Vågå Spelemannslag vart svært godt
motteken, likeeins Sofia Karlsson og bandet hennar. Og det
var dans på mange golv mellom anna med Øvrevoll
Spelemannslag.
Les meir her.
(27/05-08) |
Aftenposten over 2 sider i dag: "Joik og
bunad inntar Løkka"
I dag 26. mai 2008 har Aftenposten (Aften) eit stort
to-siders oppslag om Riksscenen som snart skal få sitt
eige bygg i Schous Kulturbryggeri på Grünerløkka i Oslo.
Byggearbeida til nybygget er i gang og skal stå ferdig
hausten 2009. Det er også bilete og intervju med Unni
Løvlid, fotografert midt i utgravingstomta. Unni Løvlid er
representant for musikarane i styret for
Riksscenen. I
nybygget skal det bli ein fleirbrukssal med plass til 300
tilhøyrarar og eit stort dansegolv. Dessutan ein Intimsal
med plass til 40-50, ein prøvesal/seminarrom og eit lite
innspelingsstudio der ein kan gjere opptak frå alle
salane.
Les
meir her.
(26/05-08) |
Interessant nyutsending av "Brudeferden
i Hardanger"
Filmen "Brudeferden i Hardanger" kom ut i 1926 som
stumfilm. Denne filmen har blitt restaurert vart sendt på
NRK TV laurdag 24. mai. og utgitt på DVD. I samband
med restaureringa av filmen har Halldor Krogh arrangert og
tilrettelagt musikken, m.a. med utgangspunkt i
tradisjonelle slåttar frå Hardanger, samt musikk av Edvard
Grieg, Agathe Backer-Grøndahl. Åse Teigland frå Utne i
Hardanger er solist med Kringkastingsorkesteret. Les meir
her: www.nrk.no/kork
(26/05-08) |
Jarnfrid Kjøk kritisk til for mykje
nyskaping og utvikling
I Spelemannsbladet nr 3/2008 har Jarnfrid Kjøk eit innlegg
der ho kommenterer Løkenutvalet sine tilrådingar om
tilskotsordningar for folkemusikk. Kjøk er redd for at det
vert fokusert for einsidig på at "tilskotsordningane skal
leggje til rette for nyskaping og utvikling", og ho synest
at kulturarv og kulturvernomsyn må vere ein premiss for
tilskotsordningane.
(26/05-08) |
Ulike syn på samanslåinga av
Landskappleiken og Landsfestivalen
Som kjent har Landslaget for Spelemenn vedteke å slå saman
dei to store tilskipingane i 2009. Det skal gå føre seg på
Geilo, og tidspunktet blir det som er det vanlege for
Landskappleiken, altså i slutten av juni. Det blir
presisert at dette er ei naudlaøysing for dette eine året,
men at det også vil tene som ein test på om det kan ha
noko for seg å slå dei to tilskipingane saman meir
permanent. I ulike medie har det kome fram ulike meiningar
om samanslåinga, dei fleste har vel vore negative. Les til
dømes meiningsytringane på
www.folkemusikk.no
.
(26/05-08) |
Mykje folkemusikk på Literaturfestivalen
på Lillehammer
Den 27. mai opnar Litteraturfestivalen på Lillehammer der
Randi Skeide er direktør. På opningsframsyninga
27.mai skal Jon Anders Halvorsen og gruppa Sterke Nils
framføre Kjartan Fløgstads "Stolpesko". Fredag får vi
konserten "Mellom draum og vakning" med Elisabeth Matheson
Solberg, Sondre Bratland og Tore Bruvoll. Banknatta,
fredag kveld er det konsert med Bruvoll / Halvorsen (og
band) og endeleg laurdag 31.mai Debutantmøte mellom
Benedicte Maurseth og Agnes Ravatn.
Les meir om dette her.
(26/05-08) |
Norske folkemusikkarkiv dannar nettverk
Folkemusikkarkiva i
landet organiserer seg no i nettverk. I leiainga for
nettverket står ei styringsgruppe. På arkivseminaret i
Trondheim 10-11 mars var desse vald inn i styret:Ruth
Anne Moen, Folkemusikkarkivet for Rogaland, Ryfylkemuseet
(leiar), Kari Lønnestad, Folkemusikkarkivet i Telemark og
Hans-Hinrich Thedens, Norsk folkemusikksamling, UiO.
Rff-senteret skal være sekretariat for nettverket.
(26/05-08) |
Synnøve S. Bjørset vil ha kollektiv
opphavsrett
Felespelar Synnøve S. Bjørset tar i ein kronikk i Ballade
til orde for ein kollektiv opphavsrett til
tradisjonsmusikken. Ho vil at når komponistar og
utøvararar nyttar tradisjonsstoff, skal det utløyse pengar
som kjem heile tradisjonsmiljøet til gode.
Les heile kronikken her.
(26/05-08) |
Springar i sentrum i
Norge Rundt 16. mai
Programleiaren for Norge rundt 16. mai Jorun vang har som
mål å lære seg springar i Ervingen i Bergen slik at ho kan
vere med å danse på 17. mai. Ho er med på springarkurs i
Ervingen.
Her kan du lese meir om den danseglade programleiaren som
vil lære springar.
(15/05-08) |
Agnes Buen Garnås skriv kronikk om
folkemusikken og dansen
I nettavisa Ballade skriv folkesongaren og pedagogen Agnes
Buen Garnås om stoda for norsk folkemusikk og dans. Ho
skriv mykje om kappleikar, om organisering av folkemusikk
og dans og om samarbeid mellom dei ulike aktørane på
feltet. Ho er ikkje tilhengar av at alt samlast i ein
organisasjon, og meiner ein kjem like langt med samarbeid
mellom ulike aktørar. Ho skriv også at
folkemusikkfestivalane, Rikskonsertane og i dei siste åra,
Folkelarm har einsidiggjort folkemusikaren.
Og ho skriv om mykje anna..
Her kan du lese kronikken.
(02/05-08) |
Det blir open klasse på Landskappleiken
i år
I fjor vart klassa avlyst, og i år har det gått tregt med
påmeldinga til klassen. Men med utvida påmeldingsfrist har
det nå blitt så mange at det blir tevling i "Open klasse".
Les meir her.
( 02/05-08) |
Millionbeløp i sponsoravtale for
Førdefestivalen
Førde Internasjonale folkemusikkfestival har inngått ei
millionavtale med Sparebanken Vest. Avisa Firda opplyser
at det er snakk om innpå 3 millionar over ein 3 års bolk.
Sparebanken Sogn og Fjordane som har vore sponsor så
langt, kunne ikkje bla opp så store beløp. Dei to partane
vil ikkje opplyse kor store beløp det er snakk om.
Les meir i avisa Firda.
(02/05-08) |
Plateslepp med Christian Borlaug på
Hønefoss 2. mai 2008
Fredag 2. mai er det plateslapp og konsert med spelemannen
Christian Borlaug
på Fengeselet i
Hønefoss kl 19.00. CD'en heiter "Austmannspel - Slåttar
under Norefjell". Det er slåttespel og runddans frå
Krødsherad, Sigdal og Ringerike. Det er svært liste
slåttestoff som har kome på plate tidlegare frå dette
distriktet. Plata er laga på
Etnisk
Musikklubb.
(01.05-08) |
Hallinggruppa "Frikar" til finalen i
Norske Talenter på TV2
 Gruppa
Frikar med Hallgrim Hangsgård i spissen har kom til
finalen i TV2 si konkurranse Norske Talenter.
Her
kan du sjå video frå deira første konkurranse. Her kan
du
sjå den spektakulære semidinaleinnslaget deira. Eit av
dei nye tinga i det dei gjer er å spenne ned to hattar i
same kastet ein hatt med kvar fot på kvar si stong!
Gratulerer!
(27/04-08) |
"Nordafjells" vinnar av NRK-tur til
Moskva
I regi av Folkemusikktimen har det i vår pågått ei
konkurranse om å bli Noregs representant på EBU-kongressen
i Moskva 25-27 juli. Dei som vann var Nordafjells i ei
live-tevling i NRK. I Moskva skal dei halde ein konsert på
ei time, og dei har sjansar på å bli spela for mange
hundre millionar radiolytterar i mange land. I tillegg får
dei 15000 i premie. I Folkemusikktimen søndag 27/4 fekk vi
høyre opptak frå finalekonserten. Finaledomarar var uryen
Berit Opheim, Carl-Petter Opsahl og Sigbjørn Nedland.
(27/04-08) |
Eksamen i å lære på "gamlemåten"
For litt sidan tok dei 14 dansestudentane i kurset "Norsk
folkelig dans" eksamen ved ei danseforestilling på garden
Gammel-Kleppe i Vågå. Olav Luksengård Mjelva og Nina
Furuli var spelemenn. Her fekk ein mellom anna sjå ein
polkavariant frå Gran, ein reinlendervariant frå Manger,
Vågåspringleik, Valdresspringar og Hamborgar frå Sekse i
Hardanger.I dette kurset vert det fokusert på
dansekvalitet for dein einskilde dansaren, men til saman
vart det også ei fin framsyning. Det er Vegard Vårdal som
er hovudlærar på kurset og Egil Bakka er fagleg ansvarleg.Les
meir her.
(27/04-08) |
Kulturmeldinga "Samspill" lovar meir
pengar til rytmisk musikk
Med rytmisk musikk meiner ein rock, jazz og folkemusikk.
Stortingsmelding 21 heiter "Samspill" og har undertittelen
"Et løft for rytmisk musikk". I meldinga blir det lova
vesentleg større offentlege tilskot til produksjon av
ikkje-klassisk musikk og vil sikre at meir pengar går til
frilansmusikarar. Norsk folkemusikk og danselag er saman
med dei andre organisasjonane i SAMSTEMT godt nøgd med
kulturmeldinga, seier dagleg i NFD leiar Lene Furuli.
Allereide i 2008 blir det lova pengar til år til prosessen
LfS og NFD er inne med å etablere ei sams avdeling for
informasjon- og formidling, samt for større endringar i
organisasjonssturkturen på folkemusikkfeltet på sikt. "Det
gjør det mulig å etablere den felles informasjons- og
formidlingsavdelingen allerede høsten 2008." skriv NFD.
Det blir foreslått fire ordningar for tilskot: fonogram-,
arrangør-, musiker- og utstyrsordning.
Les meir her.
(26/04-08) |
CD'en "Tak hardt uti hand" får fin
omtale i engelsk tidsskrift
I musikkmagasinet "Songlines" får CD'en til Kim Rysstad 5
av 5 mulege stjerner i dette kjente engelske tidsskriftet.
CD'en kom på Etnisk Musikkforlag.
(26/04-08) |
Spennande vårprogram på Riksscena 2008
Framover våre er det 4 fine konsertar på Cafeteateret i
Oslo: 6/5: DOZO - Kouame Sereba og Rolf Erik Nystrøm
20/5: RAGNHILD FURHOLT - med Birger Mistereggen og Leiv
Solberg 3/6: SARA CHEN og STEINAR OFSDAL 17/6:
SKÀIDI - Inga Juuso og Steinar Raknes
Les meir her.
(26/04-08) |
Folkemusikkpris til Harald Hesjevoll frå
Jostedal
Harald Hesjevoll (fødd 1946) har spela fele heile livet,
og lærde å spele særleg av onkel sin Sjur Hesjevoll. han
har spela i fleire gamaldansorkester og er ein dugande
dansespelemann. Nyleg fekk han på Fylkeskappleiken i Sogn
og Fjordane fylkets "Folkemusikkprisen 2008" for innsatsen
sin for folkemusikken. Prisen vert delt ut annakvart år.
Les meir her.
(24/04-08) |
Synnøve S. Bjørset kommenterer
offentleggjeringa av NRK-arkiv
NRK arbeider med å leggje delar av sitt rikhaldige arkiv
ut på Internett. I Ballade kommenterer Synnøve S. Bjørset
dette, og er på eit vis både for og imot.
Les her kva ho meiner.
(24/04-08) |
Einar Eimhjellen har fått kongens
fortenstmedalje i sølv
Medalja fekk han overlevert under fylkeskappleiken i
Naustdal for nokre dagar sidan. Eimhjellen er 70 år og har
heile livet vore ein ihuga spelemann og organisator. I
1953 var han med å stifta Naustdalen Spelemannslag, Han
har vore musikalsk leiar i laget i samanhengande 40 år,
med unntak av eitt år, og styreleiar i til saman 28 år.
Han har også vore leiar i Sogn og Fjordane Folkemusikklag.
Dei siste 13 åra har han dessutan vore fast spelemann for
dansarlaget i bygda. Han har også gjort ein stor innsats
med å samle slåttar frå både itt heimedistrikt og frå
norske utvandrarar i USA og Canada.
Les meir her.
(24/04-08) |
Innslag om sjokoladekappleik på NRK TV
Den 25. april blir det på Norge Rundt kl 19.30 eit innslag
frå Sjokoladekappleiken i Seljord.
Les meir her.
(24/04-08) |
Gjermund Larsen tar diplomeksamen 18.
april 2008
Fredag 18. april kl 19.30 i Lindemansalen på Norges
Musikkhøgskole spelar Gjermund Larsen diplomkonsert saman
med Trondheimsolistene med Øyvind Gimse som leiar. Det
blir folkemusikk og folkemusikkinspirert musikk frå vårt
land og andre nordiske land. Gjermund Larsen er etablert
som ein av våre fremste folkemusikarar og spelar i
folkemusikkgruppene Majorstuen og Frigg og i
Christian Wallumrød Ensemble – noe som seier litt om
kor allsidig han er.
(13/04-08) |
Klage på opptaket ved Norges
Musikkhøgskole
Det er gruppa Sterke-Nils med spelemennene Hans Martin
Austestad, Erlend Viken og Juhani Silvani som føler ser
urett behandla av høgskolen. Dei ville søkje om opptak i
master i ensamblespel i folkemusikk, men har kome på
venteliste på master i utøvande musikk. Dei har sendt
klage til høgskolen.
Les
meir her.
(13/04-08) |
Vellukka gamaldanspub på Gamle Nebbenes
i Eidsvoll
Førre helg var det på nytt gamaldanspub på gamle Nebbenes
i regi av
Steinsgårdskroken Spell- og Danselag. I alt var det 16
orkester som spela på 3 scener samtidig, mellom dei kjente
namn som Nordafjells, Østerdølenes spellmannslag og
arrangøren sjølv.
Les
meir her.
(13/04-08) |
Overskot for Førdefestivalen i 2007
Førdefestivalen
i 2007 gjekk med kr 45000 i overskot i fjord og det er
festivalleiar Hilde Bjørkum godt nøgd med. Total omsetning
i fjor var på 7,5 mill kroner.I år blir det feire aktørar
enn nokon gong før, og fokuset er på interkulturell
dialog, og mellom artistane er det legendariske
balkanbrassbandet Fanfare Ciocarlia, sigøynerdronninga
Esma Redzepova og dei norske publikumsyndlingane Valkyrien
Allstars. Festivalen er 3.-6. juli, og det kjem 330
artistar frå 41 land under årets festival.
(13/04-08) |
Fond for utøvande kunstnere gir pengar
også til folkemusikken
På tildelinga 10. april var det sjølvsagt også ein del
pengar som gjekk til folkemusikarar og folkemusikken.
Totalt vart det innvilga 189 søknader med til saman vel 5
millionar kroner av ein total søknadssum på over 25
millioner. Innan folkemusikken fekk desse stønad:
REISESTØTTE
Maurseth, Benedicte BERGEN 6.000
Skrede, Vidar S. B. SKJOLD 6.000
Søreide, Åsne Sunniva UGGDAL 6.000
STØTTETILTAK
Folkelarm OSLO 40.000
MUSIKK
Boksasp, Unni MILAND 20.000
Den Norske Folkemusikkscena OSLO 20.000
Folkelarm OSLO 40.000
GamaltNymalt ULSET 20.000
Jørn Hilme-stemnet FAGERNES 25.000
Kalottspel RUNDHAUG 20.000
Larsen, Gjermund OSLO 20.000
Morken, John Ole LOFTHUS 20.000
Noregs Ungdomslag OSLO 15.000
Seglem, Karl OSLO 30.000
Skrede, Vidar S. B. SKJOLD 10.000
Teigland, Åse RÅDAL 20.000
Trysil-Knut Dans- og LJØRDALEN 15.000
Valkyrien Allstars OSLO 30.000
DANS
Kalottspel RUNDHAUG 20.000
FONOGRAMMER
Bjørset, Synnøve S. SKEI I JØLSTER 30.000
Buen, Knut TUDDAL 15.000
Furebotten, Ragnhild MOEN 35.000
Granli, Jan Beitohaugen ROGNE 30.000
Langeland, Sinikka GRUE-FINNSKOG 40.000
Maurseth, Benedicte BERGEN 20.000
Teigland, Åse RÅDAL 40.000
(13/04-08) |
Buskerudkappleiken på Prestfoss denne
helga
Det er i alt 44 startnummer som står på programmet på
kappleiken som har deltakarar frå 12 til 80 år i
spel , song og dans. Mellom deltakarane er Sigbjørn Rua
fra Jondalen og Martin Myhr fra Torpo og Småjondølane.
Les meir her.
(13/04-08) |
Den femte Haukeliseterfestivalen blir
avvikla 12-14 juni 2008
Denne festivalen er eit samarbeid mellom 3 fylke -
Telemark, Rogaland og Hordaland, og mellom 3 kommunar -
Vinje, Odda og Suldal. Dette er ikkje mellom dei største
festivalane når det gjeld deltakartalet, men har funne ei
nisje som ein intim og inkluderande festival med eit
breitt tilbod både innan folkemusikk og dans. Festivalen
har kome med på lista over dei som får støtte frå Norsk
Kulturråd, og ein arbeider med å gjere festivalen til ei
stifting. Frå programmet i år kan vi nemne eit
spelemannsmøte mellom eit spelemannsmøte mellom Lars
Underdal frå Vinje og Åse Teigland frå Hardanger.
Les
meir om festivalen her.
(13/04-08) |
Distriktsmeisterskap på trekkspel - få
deltakarar i Oslo-området
Det har vore distriktsmeisterskap på trekkspel 29.-30.
mars 2008 på Hosletoppen skole i Bærum.
For å kunne stille opp Norske Trekkspilleres
Landsforbunds (NTL) sitt årlege arrangement må ein ha vore
med på eit distriktsmeisterskap. Det var få deltakarar
mellom dei vaksne, men det var god deltaking frå dei unge
under 15 år.
Les meir her.
(13/04-08) |
Atle Lien Jenssen med ny bok om
tradisjonmusikken i Hedemark
"På Budor vi danse skar…" er namnet på den nye boka om
spelemenn og tradisjonsmusikk på Hedemarken (Oplandske
Bokforlag). Lien har samla stoff til boka i over 25 år, og
resultatet er eit svært grundig og omfattande verk - eit
referanseverk om folkemusikken i denne delen av landet.
Boka inneheld notar til over 300 melodeier. Ho tar for seg
ulike instrument, og behandler særleg bukkehornet på ein
grundig måte, og presenterer over 550 spelemenn frå ulike
bygder i Hedemark mellom 1700 og 1980.Les
meir om boka her.
(13/04-08) |
Leif Rygg i Folkemusikktimen 13. april
2008
Vossaspelemannen Leif Rygg blir å høyre i folkemusikktimen
i P2 på NRK radio 13. april. Rygg byrja å spele
hardingfele då han var 9 år, og felene og musikken har
fylgt han i 60 år, så han er blitt avhengig av musikken,
seier han til NRK. Rygg har nettopp slept ein heilt ny
dobbel-CD med tradisjonsstoff etter Sjur Helgeland
(1858-1924). Mellom dei kjente slåttane der finn vi
”Budeiene på Vikafjell”, ”Heimlengt”, ”Sivlefossen” og
”Bygdatråen” . Det er ikkje berre Rygg som spelar på
CD'ane, men også Håkon Høgemo, Håkon Asheim, Einar
Mjølsnes, Trent Bruner, Berit Opheim, Hans G. Hagen,
Kristin Jæger, Bodil Erdal, Steinar Børmer, Tore Bidne og
Margunn B. Nordgård og fleire.
Les
meir her.
(12/04-08) |
Til USA for å lære bort norsk folkedans
Torunn Hernes Bjerkem og Johan Einar Bjerkem skal
til Wisconsin for å lære amerikanske danseinstruktører å
undervise i norsk gamaldans, songdans og turdans. Dei
fortel at amerikanarane er svært lærenemme og dansar svært
mykje. Og mange er flinke. Dei har også eit svært stort
repertoar av norske folkedansar. I ein by som Seattle er
det ca 2000 som dansar nordiske folkedansar, og det er
like myykje som i Oslo.
Les meir her.
(12/04-08) |
Ny plate med Hedemark-musikk ved Atle
Lien Jenssen
Folkemusikaren Atle Lien Jenssen har gjeve ut ei ny
solo-CD med folkemusikk frå Hedemark. Han spelar sjølv
mange instrument, særleg fele, men også mange
blåseinstrument som lur ob bukkehorn. Jenssen har i lang
tid samla mykje folkemusikk frå Hedemark, og før jul kom
han også med bok om dette emnet.
Les
meir her.
(29/03-08) |
Radio Volda slår eit slag for
folkemusikken
Studentane ved Distriktshøgskolen i Volda har nyleg satsa
ein times sendetid på folkemusikken, og målet er å gjere
folk flest meir interessert i folkemusikk.
På
denne sida kan du høre opptak frå programmet, mellom
anna intervju med spelemannen Jostein Fet, med Sigrid
Moldestad og eit kåseri om spelemannen.
(29/03-08) |
Landsfestivalen 2008 er som kjent i
Skjåk
Festivalen er 16-20 juli, så då blir det NM i
gamaldansmusikk.
Les meir om
festivalen her.
(29/03-08) |
Gjermund Larsen skal ta eksamen med
sjølvskriven folkemusikk
I vår skal Gjermund Larsen ta diplomeksamen i folkemusikk
ved Norges Musikkhøgskole. Han blir den andre i historia
som gjer det, den første var Andreas Ljones på
hardingfele, så Larsen vert den første på vanleg fele.
Musikken skal framførast mellom anna saman med
Trondheimssolistane.Urpremieren på det nye stykket blir
16. april på kulturgarden Bjerkem i Henning. Diplomstudiet
er det høgste utdanninga ein solist kan ta i landet vårt.
Og det er ikkje lett å kome inn på studiet. Då Larsen
søkte i 2006 var det i alt over 60 søkjarar og berre 4 kom
inn. Les meir her.Les
meir her.
(29/03-08) |
Seminar i Bø om gamle og nykopierte
hardingfeler
Denne helga vert det ved hardingfelesenteret i Bø
attangert eit seminar med tittelen "Klenodium og kopi".
Der blir det sett fokus på arbeidet med å kopiere gamle
instrument. Mellom innleiarane på seminaret er fiolinmakar
Wim Baeck frå Brüssel. Han har nyleg laga ein kopi
av ei Isak Botnen-fele frå Hardanger. Frå Ole
Bull-akademiet kjem Gunnar Stubseid, Bjørn Aksdal frå
Rff-senteret, felemakarane Sigvald Rørlien og Salve
Håkedal og felemakarstudentane Ottar Kåsa og Bård Riise
Hoel. Spelemennene Ånon Egeland og Knut Hamre held
konsert.
Meir her.
(29/03-08) |
Åshild
Vettrehus attvald som leiar i Norsk folkemusikk og
danselag
På årsmøtet 8. mars vart den sitjande leiaren attvald for
eit år. Dei andre i styret blir
Åse Teigland og Anders Buen, Kenneth de
Gala og Olav Vindal (ikkje på val). Vara: Jan Petter Blom,
Hege Nylund og Gunhild Tømmerås. Årsmøtet vedtok
arbeidsprogram for 2008. NFD vil arbeide for ein meir
formålstenleg organisering på folkemusikkområdet. Dei vil
også opprette ei felles informasjonsavdeling med
Landslaget for Spelemenn, med felles nettportal og
folkemusikkmagasin. Her er
heimesida for NFD.
(29/03-08) |
Vellukka tradisjonshelg i Troms
Laget Sinnsykt Bra Alternativ arrangerte ei tradisjonshelg
der 25 dansarar og spelemenn var samla kring nordnorske
tradisjonar i spel og dans. Mikael Lundemo frå
Grytøy/Oppdal hadde ansvaret for spelkurset og Sigurd J.
heide og spelemannen Terje Fosshaug underviste i
nordlandspols. Sinnsykt Bra Alternativ har på kort tid
blitt eit stort lag på over 90 personar og med snittalder
på 31 år.
Les meir her.
(29/03-08) |
Rekordstor
Førdefestival 2008: Fokus på jodling
Den 19. førdefestivalen i 2008 vert
også den største: Det kjem 330 artistar frå 41 land. Det
blir fokus på jodling, ikkje berre frå Sveits og
Østerrike, men frå masnge verdsdelar. Mellom dei artistane
som kjem er
Gypsy Queens and Kings,
Lions
of Africa , og
Geirr Lystrup, Ale Møller, String sisters, Valkyrien
Allstars, Tore Bruvoll, Ånond Egeland, berre for å nemne
nokre.
Her kan du finne lista over alle artistane.
(29/03-08) |
Referat
frå Rådet i folkemusikk og folkedans 1/2008
Rådet for folkedans og folkemusikk har hatt sitt første
møte i 2008.
Referat frå møtet ligg no på internett. Vegard
Opheim vart valt til styreleiar. Marit Jacobsen og
Ove Larsen vart valt til styremedlemmer. Medlemer i
søknadsnemndene vart også valt. Aktivitetsmidlane fdor
2008 vart fordelt slik: -
Formidlingsstøtten kr. 500.000- Tiltaksmidlene kr. 825.000
(+ 100.000)- Bygda dansar kr. 1 000 000 (+ 150.000)- Den
Norske Folkemusikkscena kr. 750.000- Norsk folkemusikklag
kr. 68.000 (+ 18.000)- Rff-prisen kr. 20.000. Prioriterte
auke i budsjettet for 2009 vart slik: Rff-senterets arkiv:
1 millioner, Tiltaksmidler og støtte til folkedansarbeid:
5 millioner, Bygda dansar i 3 fylker om gangen: 2
millioner, Folkedanssatsing: 4 millioner.
(09/03-08) |
Tiltaksmidlar og arbeidsstipend første
omgang 2008
Rådet for Folkemusikk og folkedans har fordelt
tiltaksmidlar og arbeidsstipend for første omgang i 2008.
Rådet hadde
75 søknader med ein søknadssum på kr 1 300 000. Det vart
løyvt kr 280 000 fordelt på 24 søknader.
Tiltaksmidlane var stort sett på kr 10 000 per søknad,
mest til CD-utgjevingar og kurs. Dei 4 som fekk
arbeidsstipend (kr 20 000 kvar) var
Oline Ragnhild Løvlid: Utviding
av rep., lære av kjelde, Vegar Vårdal: Runddanser
på gamlemåten, Johan Einar Bjerkem: Feltarbeid
dans levande kjelder, Håkon Daniel Nystedt: Repertoar
til Oslo Kammerkor.
Heile lista over tildelingar ligg her.
(09/03-08) |
Formidlingsstøtta første omgang 2008
Rådet for folkemusikk og folkedans har i møte fordelt
formidlingsstøtte, første gong i 2008. Komiteen handsama
36 søknader i denne søkerunden. Søknadene hadde ein
søknadssum på totalt kr. 782 000. Det vart innvilga 17
søknader med løyvingar på tilsaman kr. 185 000. Stønadane
var mest kr 10 000, men sume fekk 15 000 og mest fekk
Folkelarm med kr 20 000.
Sjå liste over dei som fekk stønad her.
(09/03-08) |
Meir glad gamaldansmusikk frå Susendal
Kåre Ørjedals orkester ga i haust ut sin andre CD med
musikk frå Susendal. Susendal ligg i Hattfjelldal kommune.
CD'en heiter "Instrumentmakaren" og inneheld
gamaldanskomposisjonar av tre susendølar: Thorgeir Larsen
(1856-1930), Konrad Svenskvoll (1900-1990) og Sivert Olsen
(1868-1925). I tillegg til å vere komponistar og spelemenn
bygde desse tre også instrument. Den første CD'en i
prosjektet "Bevar tradisjonsmusikken" heiter
"Fagerbakken". Kåre Ørjedals orkester består av tre
trekkspel, fele, gitar og bass. Denne musikken er livat
bruksmusikk spela i høgt tempo, slik det var tradisjonen i
dette distriktet. Det er musikk til å bli glad av, og det
er fortenstfullt at musikken blir teke vare på. CD'en er
utgitt på eige forlag.
(04/03-08) |
Organiseringa av arbeidet med
folkemusikken og dansen
Organiseringa av folkemusikkarbeidet , og spesielt
tilhøvet mellom Landslaget for Spelemenn og Norsk
folkemusikk og danselag, har vore mykje diskutert i
seinare tid. I Ballade har det nyleg vore tre artiklar som
har drøfta situasjonen: Synnøve S. Bjørset, Åshild Wetrhus
og Randi Skeide. Bjørset skriv at det
beste vil vere at dei to organisasjonane slår seg saman.
Åshild Wetrhus (styreleiar i NFD) skriv at Styret i
Norsk Folkemusikk- og Danselag går inn for ei
omstrukturering av folkemusikkfeltet. Ei endeleg avgjerd i
saka skjer på årsmøtet i Norsk Folkemusikk- og Danselag 8.
mars.
Randi Skeide (leiar i Landslaget for Spelemenn) skriv
mellom anna at "Landslaget for Spelemenn og Norsk
Folkemusikk- og Danselag har starta ei tilnærming, dei
tilsette i administrasjonane samarbeider nå innanfor
informasjonsfeltet og i arbeidet for dei profesjonelle
utøvarane. Dette er tenkt som ein god start – og eg er
optimistisk i trua på vidare utvikling, som og vil omfatte
resten av den organiserte delen av feltet.".
(02/03-08) |
Åssiden Leikarring
avviklar drifta
Vi har fått melding om ast Åssiden Leikarring i vår vil
avslutte drifta.
(02/03-08) |
Anne Marit Jota (19)
frå Trysil med i Drømmestipendet
Trysil kommune har valt ut Anne Marit Jota som sin
kandidat til årets stipend-konkurranse. Ho spelar fele.
Les meir om henne her.
(02/03-08) |
Også folkemusikkutøvarar på salme-CD'en
til Kronprinsesse Mette Marit
Ingen har vel unngått å legge merke til at kronprinsessa
og Kirkelig Kulturverksted har gjeve ut ein CD med salmar.
Mellom mange profilerte utøvarar finn vi også
folkemusikarar: Sondre Bratland (69) og Ingebjørg Harman
Bratland (17), begge frå Edland i Telemark.
Les meir her.
(02/03-08) |
Norsk Folkemusikklag ute med nytt årsskrift
Det er Astrid Nora Ressem som nå er redaktør av
tidskriftet som nå har fått Novus Forlag som fast
utgjevar. Det er det 21. årsskriftet i rekkja som no ligg
føre og det har eit godt og variert innhald med mange
skribentar:
Tellef
Kvifte, Velle Espeland, Ola
Graff, Hans-Hinrich
Thedens, Einar Sandvik og Per
Åsmund Omholt.
Les meir her.
(02/03-08) |
Hyggejeleg gjenmøte med P2-artisten Tom
Willy Rustad
I siste veka har det vore reprise på programmet med
P2-artisten Tom Willy Rustad. Dette er eit program det har
vore gledeleg å høyre på nytt, både på grunn av artisten
og ein flink progamleiar Aaste Kveseth. Tom Willy Rustad
vaks opp i ei musikarfamilie i Oslo der både faren og
bestefaren var trekkspelarar som også spela mykje
folkemusikk. Tom Willy Rustad er særleg kjent som ein
dugande torader-spelemann som på musikkhøgskolen skreiv
hovudoppgåve om ein- og torader-tradisjonen i landet vårt.
Men han spelar også mange andre instrument som gitar,
munnharpe bass etc. Han ein ein av medlemene i Kvarts, og
har i mange år vore lærar på ulike utdanningsinstitusjonar
innan folkemusikk. Han har vore med på ei rad
plateinnspelingar og har også gjeve ut solo-CD'ar.
Les meir her.
(2/03-08) |
Gildt kvedarmøte på Kongsbergmarken
Denne helga er det marknadshelg i Kongsberg og på fredag
var det fin konsert med seit fint knippe gode kvedarar:
Margit Myhr, Anette Apeland, Ingvill Marit Buen Garnås,
Åsne Bergset, Halvor Kvisle, Kjell Hove og Kittil Brekke.
Les meir her. Sjå også
heimesida til tilskiparlaget Kongsberg spel og dansarlag.
(02/03-08) |
Ny viktig bok: "Lekamslyst. Om erotikk i
norsk folkedikting."
 Onsdag
20. februar var det pressekonferanse i Oslo der den nye
viktige boka til Sigrid Bø og Jarnfrid Kjøk var presentert
saman med vin og erotisk mat. Dei to forfattarane har
henta stoff frå offentlege og private arkiv og munnlege
kjelder. Forlaget Novus skriv i pressemeldinga at boka er
eit nybrottsarbeid innan forskning om erotisk folkedikting
i vårt land og tek for seg erotiske motiv i norsk vise- og
forteljarkunst. Forfattarane legg vekt på at
erotikkomgrepet er nytta i vid tyding, men har likevel
ikkje teke med ting som kan verke støytande, eller som
grensar inn på pornografi. Typiske "på kanten"-stoff er
filtrert bort, og sameleis er stoff knytta til gåter ikkje
teke med. Det er viktig for forfattarane ikkje berre å
presentere stoffet, men sette det inn i ein historisk og
og kulturell samanheng, analysere, systematisere og dra
parallellar til tilsvarande arbeid i andre land. Dei legg
også vekt på å definere og avgrense sentrale omgrep som
seksualitet, erotikk og pornografi. Svært mykje av det
erotiske stoffet er erotisk skjemt, og i den erotiske
satiren er presten ein hovudfigur. Boka har eit rikt
biletmateriale (det meste i svart/kvitt), både eldre
materiale frå norske samlingar, men også mange nylaga
illustrasjonar av biletkunstnaren Olav Bjørgum. Det skal
bli mange spennane timar med denne tjukke boka i tida
framover. Biletet av Sigrid Bø og Jarnfrid Kjøk er frå
pressekonferansen.
(20/02-08) |
Tormod Gjermundstad i Kroer har huset
fullt av instrument og musikk
Han har blitt intervjua av Østlandets blad, og vi få sjå
og høre om ein engasjert musikar.
Les her.
(09/02-08) |
Folkedansmessa "Träd inn i dansen" i
Fitjar Kulturhus
Søndag 10. februar blir denne folkedansmessa framført i
Fitjar. Bak framføringa står koret Sanctus, dansarar frå
Stord ungdomslag og instrumentalistar. Seinare i månaden
dreg heile deltakarflokken på 50 personar til Alicante i
Spania der messa skal framførast i Sjømannskirka.
Les meir her.
(09/02-08) |
Anbjørg Myhra Bergwitz får Tønsberg
kommunes ildsjelpris
Prisen går i år til ein ung folkedansar mellom anna for
innsatsen hennar som folkedansinstruktør i Leikarringen
Tunleiken.
Les meir her.
(09/02-08) |
Nord-Aurdal Kulturskole med
folkemusikkprosjekt blant dei unge i skolen
Nord-Aurdal Kulturskole har sett i gang prosjektet
«Spell og dans
med Ola» som er eit tilbod for elevane i grunnskolen.
Formålet er å gjere elevane merksame på den viktige
kulturarven som folkemusikken og dansen representerer. Med
på prosjektet er mellom andre Jan Beitohaugen Granli.
Les meir her.
(09/02-08) |
Bodø Kulturskole held fram med sitt
Spelemannslag
For 2 år sidan byrja Bodø Kulturskole med Spelemannslag for unge
felespelarar i Bodø og Salten. Tiltaket er basert på
samlingar, og det er bestemt at tilbodet vil halde fram.
Les
meir her.
(09/02-08) |
Spennande Midtvintersfestival i Verdal
8-10 februar 2008
Midtvintersdansen heiter festivalen der Geir Egil Larsen
er festivalsjef, og der det blir mykje musikk, song og
dans for heile familien. Eit stort trekkplaster er
folkerockgruppa "Hoven Droven" som kanskje er Sverikes
fremste. Det blir kurs i musikk, song og dans og tre
konsertar. Brørne Einar Olav og Gjermund Larsen er mellom
dei som spelar til dansen.
Les meir her.
(09/02-08) |
Langt intervju med Ragnhild Furebotten i
Ballade
Ragnhild Furebotten frå Nordland er ei av våre fremste
folkemusikarar. Ho spelar fele i Majorstuen, Fotefar og
Hekla Stålstrenga og har samarbeidd med gitaristenmed Tore
Brunvoll. Ho ga nyleg ut CD'en "Endelig vals" som har fått
svært god mottaking. Nyleg var ho sentral i samband med
festivalen Barents Spektakeli Kirkenes.
Les intervjuet her.
(09/02-08) |
Nytilsett leiar i Folkelarm Elisabeth
Vatn: Skal bli større og betre!
Den nytilsette prosjektleiaren i Folkelarm Elisabeth Vatn
vil at Folkelarm skal vekse og bli betre, og vokster skal
ein få til ved å famne breitt, om alt som kan reknast med
som tradisjonsmusikk, både tradisjonelt norsk, og
innvandrarmusikk. Folkelarm skal gå av stabelen i
september og det er Landslaget for Spelemenn som står bak
festivalen.
Les intervjuet med Elisabeth Vatn i Nasjonen.
(09/02-08) |
Programmet for Bylarm 2008 er no klart
Bylarm 2008 går for seg i Oslo 21-23 februar 2008. Her er
det ei lang rad artistar som får presentert seg, og vi
finn og så folkemusikk mellom dei som skal vere med.
Mellom folkemusikarane er Gamaltnymalt, Unni Løvlid,
Torgeir Vassvik, Karl Seglem og Valkyrien Allstars. Også
Riksscena er inne i bilete med ein konsert.
Les meir her.
(09/02-08) |
Lena Willemark frå Sverike er ukas
P2-artist
Songaren Lena Willemark er ukas P"-artist frå måndag vekas
P2-artist i NRK. Ho er ei av dei fremste folkemusikarane i
Sverike, og er aktiv både innan folkemusikk, Jazz og
klassisk. Ho kan samanliknast med vår eigen Kirsten Bråten
Berg som ho også har samarbeidd med.
Les meir om henne her. Programleiar er Tone
Jorun Tveito.
(09/02-08) |
Folkemusikktimen: "Går det mot slutten
med gamaldansen?"
I folkemusikktimen 10. februar får vi høyre
gamaldansgruppa Askerladden som feirer 10 år i år. ”Nå er
det bare gråhåra folk med permanent og slipsnål igjen på
dansegulvet” sier redaktør i Spelemannsbladet Knut Aastad
Bråten, som synes utsiktene for gammeldansens eksistens
ser lite lovende ut. Vel, ikkje alle er sammde med han i
det, men det skortar nok litt på den store interessa, og
det er vanskeleg for ringar og lag å samle fulle kurs i
gamaldans og folkedans.
Les meir her.
(09/02-08) |
Kim Andre Rysstad får fin omtale av
CD'en i Vårt Land
Kim Andre Rysstad frå Setesdal kom for ei tid sidan med
sin debut-CD "Tak hardt uti hand" som vart vel motteken i
vide krinsar. I ein nyleg omtale i Vårt Land skriven av
Arne Guttomsen får CD'en svært mykje ros. Dei skriv melom
anna at "Allerede med sin debut står Kim André Rysstad
frem som en stemme for alle tider."
Les heile omtalen her.
(07/02-08) |
Ny vellukka
samling i prosjektet "Lea deg"
Innpå 30 ungdomar frå
Valdres,
Jevnaker, Vågå, Lom, Skjåk, Vinstra og Gausdal var samla
på Jevnaker for endå ei helg med Lea de. Laus,
masurka, reinlender, springar, springleik, springdans,
akrobatikk sto på timeplanen, og ungdomane sparte seg
ikkje. Et fantastisk vertskap på Jevnaker sto på dag og
natt og overraska med pizza lørdag kveld/natt. Den neste
samlinga blir i sanmband med Valdreskappleiken i Øystre
Slidre 9-11 mai.
(05/02-08) |
Gabriel Fliflet sin nye CD "Rio Aga"
kjem 17. februar
 Trekkspelar
og songar Gabriel Fliflet kjem med ny CD, og i samband med
den blir det ein stor lanseringsturne i store delar av
landet. turneen startar 17. februar i Rauland, og vidare
til Oslo, kristiansand, Farsund, Klepp, Sand og Bø i
Telemark. Den nye plata bygger på tingingsverket Elvemot
som han skreiv til Osafestivalen i 2006. Med seg på CD'en
og turneen har han ei gruppe svært dugande musikarar:
Tore Bruvoll
(gitar), Ånon Egeland (fele), Gjermund Larsen (cello,
fele), Sondre Meisfjord (kontrabass), Berit Opheim (sang).
Les meir her.
(04/02-08) |
Gruppa "Slagr" på turne med musikk frå
den nye CD'en Solaris
Gruppa Slagr med dei tre musikarane Anne Hytta, Amund
Sjølie Sveen og Sigrun Berg ga før jul ut ein kritikarrost
CD med namn Solaris. I februar dreg dei på konsertturne i
ulike bygder i Telemark og i Oslo.
Les meir her.
(04/02-08) |
CD'en til Britt Pernille Frøholm fekk
terningkast 5 i Aftenposten
Britt Pernille Frøholm sin nye CD "For allje dei" fekk
måndag lang omtale i Aftenposten og anmeldaren Svein
Andersen skriv svært pent om plata. Fokuset på CD'en er
tradisjonsmusikken frå Hornindal. Melddaren skriv at "det
er flott å høre en musiker som klarer å formidle sin
personlige opplevelse av musikken på en slik måte som
her".
(04/02-08) |
Sigrid Moldestad fekk Spellemannsprisen
for CD'en "Taus"
I klassen folkemusikk/gamaldans var det Sigrid Moldestad
frå Breim som vann Spellemannsprisen. Dei andre som var
nominert i denne klassen var Berit Opheim med "*Den blide
sol", Ragnhild Furebotten med "Endelig vals" og Trio
Mediaeval med "Folk songs". Som Årets nykommer var
Valkyrien Allstars mellom dei nominerte, men det var Tine
Ting Helseth som vann.
(03/02-08) |
Sverre Halbakken fyller 80 år 8. februar
2008
Ein av nestorane i norsk folkemusikk og folkedans Sverre
Halbakken frå Elverum fyller 80 år. Søndag 3. februar er
han å høre i Folkemusikktimen på NRK P2. I tillegg til å
vere dugande spelemann og dansar har Halbakken gjort ei
stort arbeid med å leite fram att og dokumentere spelet og
dansen i Sør-Østerdalen. Det store arbeidet vart grundig
dokumentert i boka "Så surr nå, kjæring" og tilhøyrande
video og også CD'en "Østerdalens rumba" med originalopptak
av spelemenn og dansarar.
(Les Ola Kai Ledangs kronikk i Dagbladet). Siste
prosjektet hans nå er å førebu "Dansen mellom elvene " på
Glomdalsmuseet 30. august. Men først på programmet nå er
markeringa av 80 årsdagen hans den 8. februar. I ein del
av arbeidet sitt har Halbakken stått i opposisjon til ein
del andre forskarar som har studert Østerdalsmusikken før,
særleg når det gjeld takt og rytme i polsdansen i hans
distrikt. Halbakken har lagt særleg vekt på at musikken og
dansen må sjåast i samanheng. I seinare tid har hans syn
vunne fram om "den korte trearen" i polsdansen i
Sør-Østerdal og områda derikring.
(02/02-08) |
Folkemusikarar ved Vinstra vg skole
spelar for russebil
Dei 6 avgangselevane ved folkemusikkline ved Vinstra vg
skole satsar på spelejobbar for å få pengar til russebil.
Dei vil ha ein bil i lag, og gler seg til å ta fatt på
arbeidet med russebilen.
Les
meir om dei 6 elevane her.
(19/01-07) |
Vellukka samspelgruppe for unge i
Engerdal
Det er deltakarar både frå Noreg og Sverike i
samspelgruppa med fele og folkemusikk og Trysil-Knut står
bak i Engerdal og Trysil. Til saman 18 unge i alderen 7
til 15 år harvore med heile hausten. Nyleg var
var det konsert, og salen var fylt av forventningsfulle
foreldre og slektningar frå Älvdalen og Malung kommuner i
Sverige og fra Engerdal og Trysil. Det er musikkstudent
Else Myhr fra Trysil som har leia samspillgruppa, med
assistanse av Inga Myhr.
Les meir her.
(19/01-08) |
Kritisk for folkemusikklina ved
Fana folkehøgskule
Folkemusikklinja ved Fana Folkehøgskule utanfor Bergen har
ikkje vore i gang siste skuleåret, men no satsar skulen
mykje på å kome i gang igjen frå hausten 2008. I 2002
oppretta Fana Folkehøgskule utanfor Bergen ei linje for
norsk og internasjonal folkemusikk. Linja er det einaste
reine folkemusikktilbodet i norsk folkehøgskule, og
markerte 5-års-jubileet sitt sommaren 2007. Skuleåret
2006/07 var linja full med 12 elevar, medan der dette
skuleåret var for få elevar til å komme i gang i det
heile. Fristen for å søke om opptak er 1. februar 2008.
Les meir om dette her.
(19/01-08) |
NRK er ute etter folk til EBU-festivalen
i Moskva
EBU Folk Festival skal haldast i Moskva 25-2. juli 2008.
NRK planlegger å sende ein soloutøver eller ei gruppe til
festivalen. I fjor var Valkyrien Allstars NRK
sine representanter, Mattisgard/Røine i 2006. Dei som er
interessert å vere representant i 2008, kan sende demo/CD
til NRK innan 25. mars 2008. Aktuelle kandidatar blir også
presentert i Folkemusikktimen framover våren. Vinnaren
blir kåra i byrjinga av mai. Det er også ein premie på kr
15000.
Les meir her.
(19/01-08) |
Ikkje så lite om folkemusikk i media
likevel?
Frode Rolandsgard meiner i eit debattinnlegg at norske
media, medrekna riksmedia, likevel ikkje skriv så lite om
norsk folkemusikk som ein ofte høyrer sagt. Gjennom
nyhetstenesta til folkemusikk.no har han fylgt godt med i
det som blir skreve. Han ramsar opp ei lang rekkje ting
som er omtala i riksmedia, men vedgår at festivalane ikkje
får særleg omtale.
Les meir her om det han meiner.
(19/01-08) |
Vinterkappleiken på Rauland blir laurdag 16. februar
2008.
Det har vore litt uro rundt kappleiken som har fått ny
dato i forhold til tidlegare år. Vi har fått ei
pressemelding om kappleiken:
"Folkemusikkstudiet
ved Institutt for folkekultur, Høgskolen i Telemark,har
gleda av å kunne invitere til vinterkappleik på Rauland
for syttande år på rad. Kappleiken har endra noko i form,
og er no ein del av Rauland Internasjonale Vinterfestival.
Tevlinga vil finne stad laurdag 16. februar, og vil som
tidlegare bli arrangert på Raulandsakademiet i Vinjesalen.
Me vil i år operere med fem forskjellige klasser, der kvar
utøvar vil bli dømt av åtte domarar med forskjellig
bakgrunn. Klassene er i år som følgjer: Feleklasse
(hardingfele og fele), tradisjonsmusikk på andre
instrument (til dømes toradar, langeleik og munnharpe),
Dans, Vokal, Open klasse (som og omfattar gruppe- og
lagspel). Aldersgrensa for å kunne delta individuelt på
kappleiken er 15 år. Dei tre deltakarane med høgast
poengsum (uansett klasse) går vidare til ei finalerunde
som vil vere ein del av konserten på laurdagskvelden.
Vinnaren av denne runda vil bli heidra med ein pengepremie
på 2000 kroner, mens nummer to og nummer tre vil bli
premiert med høvesvis 1000 kr og 500 kr.
Det vil bli opna for påmelding på førehand, men me vil ha
nokre få restplassar til sjølve kappleiksdagen. Ver ute i
god tid, fordi det er avgrensa med plassar."
(19/01-08) |
"Lea de" samarbeider med Anne Aamodt AS
om Hurtigrutetur
Lea de – Bygda dansar
i Oppland og Anne Aamodt AS har inngått avtale om
samarbeid på Folkemusikkseilasen på Hurtigruta 23. til 29.
april 2008 med M/S Nordkapp. Dette inneber blant annet at
Lea de stiller med ein utvida prosjektleiing og 8 ungdomar
frå prosjektet på denne folkemusikalske jubelferden fra
Bergen til Kirkenes. I tillegg kan ein oppleve
instrumentverkstad, konsertar med toppartistar og lokale
amatørar, eksotiske folkemusikkpøbber, drivande dansekurs
og humoristiske foredrag om folkemusikken- og folkedansen
i Norge. Artister vil bli annonsert etter
kvart.Folkemusikkseilasen frå Bergen til Kirkenes 23. –
29. april 2008 er ein av fire tema-turar med Hurtigruta
som Anne Aamodt AS arrangerer.
Sigurd Heide er prosjektleiar, mens Stian Roland er lokal
prosjektmedarbeidar.
Prosjektledelsen ved Stian Roland, Tone Voldhaug og Sigurd
Heide skal ha dansekurs under heile turen. Disse tre er
anerkjente pedagogar, og er mellom våre fremste
folkedansarar. Anne Aamodt AS er ein kulturarrangør som
tilbyr opplevingar til reisande som er på jakt etter det
unike. Her kan du lese meir om
bygda dansar
prosjektet og om
Anne Aamodt AS
(17/01-08) |
Rff droppar utøvarutdanning i folkedans
frå hausten 2008
I ei pressemelding fortel Rådet for folkemusikk og dans at
utøvarutdanninga i folkedans som var planlgt frå hausten
2008 blir utsett. I pressemeldinga står det:
"Styret for stiftinga Rådet for folkemusikk og folkedans
hadde møte måndag 14 januar. Styret beklager at det ikkje
er mulig å få i gang i ei utøvarutdanning i folkedans frå
hausten 2008, slik som ein hadde håpa. Det har blitt
nødvendig å venta eit år. Dei midlane som var sette av til
dette formålet vil då bli brukte til å gjera ein innsats
for arbeidet med arkivet på Norsk Senter for folkemusikk
og folkedans i 2008.
Sjå ellers
www.rff-sentret.no
(17/01-08) |
Rff-senteret kjem snart med ny
nettportal
I ei pressemelding fortel senteret at:
"Rff-sentret har no ein ny nettportal klar for utlån av
arkivmateriale. Sentret vil starta utprøvinga i løpet av
den næraste månadane. Portalen kan senda film til lokale
lånarar, og det blir då mogleg å senda film frå ein
strøymings-server (streaming) til brukarar som registerer
seg.
Styret håpar dette tiltaket vil betra utlånstenesta til
Sentret utan å koma i konflikt med avtalene Rff-sentret
har gjort om bruk av materialet under innsamlinga. Sentret
vil såleis ikkje leggja ut anna enn smakebitar ope
tilgjengeleg, men kan låna ut materiale gjennom strøyming,
og ikkje nedlasting, til bruk i lokalt opplæringsarbeid.
Sjå ellers
www.rff-sentret.no
(17/01-08) |
Sølja på Hamar med fint gjennomført
jubileumsball
Det var nesten 100 deltakarar på Folkedanslaget Sølja sitt
20-dagsball på Stange, det 20. i rekkja, den 12. januar
2008.
 Det var fin mat, god underhaldning, framifrå
musikk ved Over Stok og Steen,
god dansesal og fin danseleiing. I det heile, eit triveleg ball
der det også var innslag av runddans.
Spesielt for dette ballet var
det at fylkesmann Sigbjørn Johnsen var til stades og heldt
festtalen og utnemnte kveldens ballmeister (sjå biletet).
Her kan du sjå
mange bilete frå ballet.
(14/01-08) |
Det går i retning av to festivalar
framleis, spår GD
Avisa Gudbrandsdølen/Dagningen spår at Landskappleiken og
Landsfestivalen ikkje blir slått saman til ein festival,
slik det vart gjort framlegg om på årsmøtet i november.
det har vore ein god del diskusjon om saka, og avisa har
mellom andre snakka med leiaren Berit Skeide og sentrale
personar som Rasmus Stauri, Aslak Brimi og Trond Ole Haug.
Dei er enten imot samanslåing eller tvilande. Forslaget om
samanslåing botnar i eit problem med å finne arrangørar
til stemna. Såleis har ein enno ikkje funne arrangør for
Landskappleiken 2009.
Les meir her
(07/01-08) |
Grappa med ny rekord: heile 16 nominerte
til Spellemannsprisen 2007
Dagleg leiar i det norske plateselskapet Grappa Helge
Westbye er strålande fornøgd med årets nominasjonar -
heile 16 plater frå selskapet er nominert. Det er ny
rekord. Han er spesielt glad for dei to nominasjonane i
Årets nykommer: Trine Thing Helseth og
Valkyrien Allstars. Grappa er Norges største uavhengige
plateselskap og har ein katalog på innpå 1.000 album,
medrekna katalogane til folkemusikkselskapet Heilo
og klassiskselskapet Simax.Westbye starta selskapet
Grappa i 1983 med Lillebjørn Nilsen og Bjøro Håland som
leiande artistar. Sidan har Grappa blitt helt eller delvis
eigar av dei norske plateselskapa Heilo, Rune Grammofon,
Aurora, Simax, Blue Mood, Elevator og Barneselskapet, og
er norsk distributør for selskapet ECM.Dessutan erGrappa
hovudeigar i distribusjonsselskapet Musikkoperatørene.
Les meir om dette her.
(07/01-08) |
Sigrid Moldestad fekk Lutt-prisen for
andre året på rad
 Lutt-prisen
er den største musikkutmerkinga i Sogn og Fjordane og det
er NRK Sogn og Fjordane som deler ut prisen. Prisen vart
utdelt under ein julekonsert i Sogndal føre jul. Det var i
alt 18 nominerte til prisen, og vinnaren vart kåra av 4000
lyttarar stemt. Les meir her.
(06/01-08 |
Valkyrien Allstars kan vinne 200000
kroner som Årets nykommar
Valkyrien Allstars kan vinne 200 000 kr dersom dei vinn
klassen Årets nykommar der dei er nominert til
Spelemannsprisen.
Les reportasje i Dagbladet om nominasjonen og Valkyrien
Allstars.
(06/01-08) |
Nominasjonar til Spellemannsparisen 2007
I klassen for folkemusikk/gammaldans er desse nominert:
Trio Mediaeval - Folk Songs, Sigrid Moldestad - Taus,
Berit Opheim - Den blide sol og Ragnhild Furebotten -
Endelig vals.
I klassen for årets nykommar er Valkyrien Allstars
nominert. Finalen blir laurdag 2. februar.
Sjå alle nominasjonane her.
(06/01-08) |
Svenskt folkemusikkmateriale på
Internett
Heile det store materialet av svenske
folkemusikknedteikningar er no gjort tilgjengeleg på
Internett for nedlasting og utskrift for personleg bruk.
Grunnmaterialet til "Svenska låtar" tilsvarar det norske
fele og hardingfeleverket. Til saman er det scanna inn ca
40000 sider. På dette området ligg Sverike eit godt stykke
føre Noreg, der vi truleg må vente i fleire år før vi får
ein liknande internettkatalog.
Les meir her.
(6/01-08) |
Godt nytt år 2008!
Vi ynskjer alle lesarar godt nytt år 2008!
Helsing
Vebjørn Bakken
(31/12-07) |
|
|
|
|
|
|
|
|
|
|
|
|
